اسرائیلی سیکیورٹی ایجنسی شِن بیت کے سربراہ رونین بار کا نتن یاہو کے حکم پر مستعفی ہونے سے انکار
اشاعت کی تاریخ: 10th, March 2025 GMT
شِن بیت نے 7 اکتوبر کے حملے کی اپنی تحقیقات جاری کیں، جس کے بعد حکومت نے کہا کہ بار نے انٹیلی جنس معلومات کا غلط اندازہ لگایا اور ایک گمراہ کن سوچ میں پھنسے رہے۔ اسلام ٹائمز۔ غاصب صیہونی ریاست اسرائیل کے وزیراعظم بنیامین نیتن یاہو نے مبینہ طور پر اسرائیلی سیکیورٹی ایجنسی شِن بیت کے سربراہ رونین بار سے استعفیٰ دینے کا مطالبہ کیا ہے، تاہم بار نے مستعفی ہونے سے انکار کر دیا۔ اسرائیلی میڈیا چینل این 12 کی رپورٹ کے مطابق گزشتہ جمعرات کو ایک سخت ملاقات میں نیتن یاہو نے بار سے کہا کہ حکومت نے شِن بیت کی تحقیقات کا انتظار کیا، اور اب چابیاں حوالے کرنے کا وقت آ گیا ہے۔ رپورٹ کے مطابق بار نے کہا ہے کہ اگر نیتن یاہو انہیں عہدے سے ہٹانا چاہتے ہیں تو انہیں خود برطرف کرنا ہوگا۔ ملاقات کسی نتیجے کے بغیر ختم ہوئی اور یہ واضح نہیں ہوسکا کہ آیا نیا سیکیورٹی ایجنسی سربراہ مقرر کیا جائے گا یا نہیں۔
صیہونی وزیراعظم کے دفتر نے رپورٹ پر ردعمل دیتے ہوئے کہا کہ نیتن یاہو کو ایک نئے شِن بیت سربراہ کی تقرری کا پورا اختیار حاصل ہے۔ بیان میں کہا گیا کہ شِن بیت چیف کو حکومت نامزد کرتی ہے، نہ کہ موجودہ قائم مقام سربراہ۔ ایک جمہوری ملک میں ہمیشہ ایسا ہی ہوتا آیا ہے۔ شِن بیت نے اس دعوے کی تردید کی کہ رونین بار اپنے جانشین کا تعین کرنا چاہتے ہیں۔ ایجنسی نے بیان جاری کرتے ہوئے کہا کہ شِن بیت کے سربراہ نے کبھی یہ نہیں کہا کہ وہ اپنے جانشین کا تقرر کریں گے۔ دہائیوں سے یہ روایت رہی ہے کہ ایجنسی کے نائب سربراہ کو اس عہدے کے لیے زیر غور لایا جاتا ہے، تاہم حتمی فیصلہ وزیر اعظم کا ہوتا ہے۔
اسرائیلی چینل نے رپورٹ کیا تھا کہ بار نے کہا تھا وہ صرف اس وقت مستعفی ہوں گے جب غزہ میں موجود تمام یرغمالیوں کو واپس لایا جائے گا۔ شِن بیت نے 7 اکتوبر کے حملے کی اپنی تحقیقات جاری کیں، جس کے بعد حکومت نے کہا کہ بار نے انٹیلی جنس معلومات کا غلط اندازہ لگایا اور ایک گمراہ کن سوچ میں پھنسے رہے، یہ کہ حماس اسرائیل کے ساتھ محاذ آرائی سے بچنا چاہتی ہے، اور انہوں نے یہ بھی تصور کیا کہ اگر اسرائیل غزہ کو ایک مثبت معاشی ماحول فراہم کرے تو وہاں طویل مدتی استحکام ممکن ہو سکتا ہے۔ بیان میں شِن بیت چیف پر یہ بھی الزام عائد کیا گیا کہ انہوں نے حملے کی رات وزیراعظم کو بیدار کرنے کی ضرورت محسوس نہیں کی، جو کہ ایک انتہائی بنیادی اور ضروری فیصلہ تھا۔
ذریعہ: Islam Times
کلیدی لفظ: نیتن یاہو ش ن بیت نے کہا کہا کہ
پڑھیں:
اپنی چھت اپنا گھر پروگرام کے تحت 19 ہزار افراد کو رقوم جاری ہوچکیں، ڈی جی پنجاب ہاؤسنگ اینڈ ٹاؤن پلاننگ ایجنسی
ڈی جی پنجاب ہاؤسنگ اینڈ ٹاؤن پلاننگ ایجنسی خواجہ ذیشان سکندر کا کہنا ہے کہ ’اپنی چھت اپنا گھر پروگرام‘ کے تحت کم آمدنی والے 19 ہزار افراد کو بغیر سود کے 15 لاکھ روپے تقسیم کیے جا چکے ہیں جبکہ مجموعی طور پر اس پروگرام سے ایک لاکھ افراد مستفید ہوں گے ۔
وی نیوز سے بات کرتے ہوئے خواجہ ذیشان سکندر نے بتایا کہ جن لوگوں کے پاس گھر بنانے کے لیے پلاٹ نہیں ہے اب انہیں حکومت پلاٹ بھی دینے جارہی ہے۔
انہوں نے کہا کہ وزیر اعلیٰ پنجاب مریم نواز کے ویژن کے مطابق پنجاب میں ان لوگوں کو گھر دیے جارہے ہیں جن کے پاس پلاٹ تو تھا مگر ان کے پاس گھر بنانے کے پیسے نہیں تھے۔
خواجہ ذیشان سکندر نے کہا کہ شہری علاقوں میں ایک سے 5 مرلے اور دیہی علاقوں میں ایک سے 10 مرلے کا پلاٹ جن لوگوں کے پاس تھا ان میں سے 19 ہزار افراد کو بغیر سود کے آسان اقساط پر 15 لاکھ روپے 2 اقساط میں تقسیم کیے گئے ہیں۔
ان کا کہنا تھا کہ حکومت کی طرف سے پہلی قسط گھر شروع کرنے وقت ساڑھے 7 لاکھ دیے جاتے ہیں اور جب لینٹر مکمل ہوجاتا ہے تو دوسری قسط ساڑھے 7 لاکھ روپے کی جاری کر دی جاتی ہے۔
مزید پڑھیں: وزیراعلیٰ پنجاب کا صوبے کے بے گھر اور مستحق خاندانوں کو مفت پلاٹ دینے کا اعلان
انہوں نے بتایا کہ اپنی چھت اپنا گھر پروگرام کے آن لائن پورٹل پر جن لوگوں نے اپلائی کیا تھا ان میں سے تقریباً سب لوگوں کو گھر بنانے کے لیے 15 لاکھ روپے تقسیم کیے جاچکے ہیں۔
ڈی جی پنجاب ہاؤسنگ اینڈ ٹاؤن پلاننگ ایجنسی نے کہا کہ جو افراد یہ بغیر سود قرضہ لے رہے ہیں انہیں یہ قرضہ 9 سال کی آسان اقساط میں واپس کرنا ہے۔ انہوں نے مزید کہا کہ قرض کی رقم موصول ہونے کے 3 ماہ بعد پہلی قسط 14 ہزار روپے حکومت کو دینی ہوگی اور اس پروگرام کے تحت ایک لاکھ تک لوگ مستفید ہوں گے۔
حکومت پنجاب اب پلاٹ اور فلیٹس بھی دے گیخواجہ ذیشان سکندر کا کہنا تھا کہ اب حکومت ایک نیا پروگرام شروع کرنے جارہی ہے جس میں وہ افراد بھی اپلائی کر سکیں گے جن کے پاس اپنا گھر بنانے کے لیے پلاٹ بھی نہیں ہے۔
ڈی جی پنجاب ہاؤسنگ اینڈ ٹاؤن پلاننگ نے کہا کہ 3 سے 5 مرلے تک پلاٹس حکومت خرید کر دے گی جن پر گھر بنانے کے حوالے سے عوام کو قرضہ دیا جائے گا۔
ان کا کہنا تھا کہ اس پروگرام کے بعد اسی سال فلیٹس سسٹم بھی متعارف کروایا جارہا ہے تاکہ کم آمدنی والے افراد کو اپنا گھر ملے سکے۔ ان کا مزید کہنا تھا کہ ہر پروگرام میں اپلائی کرتے وقت کسی جاننے والے کا ایک بیان حلفی بھی بطور گارنٹی جمع کرانا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’اپنی چھت اپنا گھر پروگرام‘ پنجاب حکومت پنجاب ہاؤسنگ اینڈ ٹاؤن پلاننگ ایجنسی خواجہ ذیشان سکندر وزیراعلیٰ پنجاب مریم نوازشریف
قلات : خاتون بمبار کا خودکش حملہ، ایک ایف سی اہلکار شہید، 4 زخمی