آئی سی سی کا چیمپیئنز ٹرافی ٹیم آف دی ٹورنامنٹ کا اعلان، کس ٹیم کے کتنے کھلاڑی شامل ہیں؟
اشاعت کی تاریخ: 10th, March 2025 GMT
آئی سی سی چیمپیئنز ٹرافی انڈیا کے حصے میں آنے کے بعد انٹرنیشنل کرکٹ کونسل نے چیمپیئنز ٹرافی کی ٹیم آف دی ٹورنامنٹ کا اعلان کردیا۔
چیمپیئنز ٹرافی کھیلنے والی 8 ٹیموں میں سے صرف 3 ٹیموں کے کھلاڑی ٹیم آف دی ٹورنامنٹ میں جگہ بنانے میں کامیاب ہوئے ہیں۔
یہ بھی پڑھیں چیمپیئنز ٹرافی 2025 کے شاندار اختتام پر چیئرمین پاکستان کرکٹ بورڈ نے کیا پیغام دیا؟
آئی سی سی کی جانب سے 12 رکنی ٹیم آف دی ٹورنامنٹ کا اعلان کیا گیا ہے، جس میں بھارت کے 6، نیوزی لینڈ کے 4 اور افغانستان کے 2 کھلاڑی شامل ہیں۔
ٹورنامنٹ میں سیمی فائنل کھیلنے والی دو ٹیموں آسٹریلیا اور جنوبی افریقہ کو کوئی بھی کھلاڑی ٹیم میں جگہ نہ بنا سکا، جبکہ میزبان پاکستان کا بھی کوئی کھلاڑی ٹیم آف دی ٹورنامنٹ میں شامل نہیں۔
آئی سی سی کی جانب سے اعلان کردہ ٹیم آف دی ٹورنامنٹ میں بھارت کے ویرات کوہلی، شر یاس آئر، کے ایل راہول، محمد شامی اور ورون چکرورتی شامل ہیں۔
اس کے علاوہ نیوزی لینڈ کے رچن روندرا، گلین فلپس، مچل سینٹنر اور میٹ ہینری آئی سی ٹیم آف دی ٹورنامنٹ میں شامل ہیں۔
یہ بھی پڑھیں چیمپیئنز ٹرافی کی فاتح بھارتی کرکٹ ٹیم کو کتنی انعامی رقم ملی؟
انٹرنیشنل کرکٹ کونسل کے مطابق افغانستان کے ابراہیم زدران اور عظمت اللہ عمرزئی کو ٹیم آف دی ٹورنامنٹ کا حصہ بنایا گیا ہے، جبکہ ٹیم کے 12ویں کھلاڑی بھارت کے اکشر پٹیل ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آسٹریلیا آئی سی سی افغانستان انٹرنیشنل کرکٹ کونسل بھارت پاکستان ٹیم آف دی ٹورنامنٹ چیمپیئنز ٹرافی کتنے کھلاڑی نیوزی لینڈ وی نیوز.ذریعہ: WE News
کلیدی لفظ: آسٹریلیا افغانستان انٹرنیشنل کرکٹ کونسل بھارت پاکستان ٹیم آف دی ٹورنامنٹ چیمپیئنز ٹرافی کتنے کھلاڑی نیوزی لینڈ وی نیوز ٹیم آف دی ٹورنامنٹ میں ٹیم آف دی ٹورنامنٹ کا چیمپیئنز ٹرافی شامل ہیں
پڑھیں:
چیمپیئنز ٹرافی 2025 کے شاندار اختتام پر چیئرمین پاکستان کرکٹ بورڈ نے کیا پیغام دیا؟
چیئرمین پاکستان کرکٹ بورڈ محسن نقوی نے کہا ہے کہ میں دل کی گہرائیوں سے پاکستان کرکٹ بورڈ (پی سی بی) کی ٹیم، متحرک قانون نافذ کرنے والے اداروں، معاون صوبائی حکومتوں، معزز آئی سی سی حکام، اور ان کرکٹ ٹیموں کا شکریہ ادا کرنا چاہتا ہوں جو چیمپئنز ٹرافی 2025 کے لیے پاکستان آئیں۔
سوشل میڈیا پلیٹ فارم ایکس پر اپنی پوسٹ میں انہوں نے مزید لکھا کہ آپ کی محنت اور مشترکہ کوششوں کی بدولت اس عالمی ٹورنامنٹ کا انعقاد کامیابی سے ممکن ہوسکا اور یہ کرکٹ کے شائقین کے لیے ایک تاریخی ایونٹ بن گیا۔
مزید پڑھیں:بھارت نے نیوزی لینڈ کو 4 وکٹوں سے شکست دے کر آئی سی سی چیمپیئنز ٹرافی کا ٹائٹل اپنے نام کرلیا
محسن نقوی نے کہا کہ پاکستان کو اس عالمی ایونٹ کی میزبانی پر فخر ہے، اور آپ کی قیمتی خدمات نے اسے ایک شاندار کامیابی بنایا۔ آپ کی لگن، محنت اور اتحاد نے نہ صرف کرکٹ کے جذبے کو بلند کیا بلکہ پاکستان کی بین الاقوامی ایونٹس کی میزبانی کی صلاحیت کو بھی دنیا کے سامنے پیش کیا۔
چیئرمین پی سی بی نے مزید لکھا کہ یہ ٹورنامنٹ کھیل کا جشن تو تھا ہی، ساتھ ہی یہ تعاون اور عزم کی طاقت کا بھی مظہر تھا۔ ہم آپ کا تہہ دل سے شکریہ ادا کرتے ہیں کہ آپ نے چیمپیئنز ٹرافی 2025 کو ایک ناقابل فراموش تجربہ بنایا۔ شکریہ کہ آپ نے ہمارے ساتھ مل کر تاریخ رقم کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی پاکستان پاکستان کرکٹ بورڈ چیمپئنز ٹرافی 2025 محسن نقوی
قلات : خاتون بمبار کا خودکش حملہ، ایک ایف سی اہلکار شہید، 4 زخمی