چین، ایران اور روس کی بحری افواج کی مشترکہ مشق کا آغاز
اشاعت کی تاریخ: 10th, March 2025 GMT
اسلام آ باد : چین، ایران اور روس کی بحری افواج کی مشترکہ مشق سیکیورٹی بیلٹ 2025 کا آغاز ہوا ۔پیر کے روز چینی میڈیانے بتا یا کہ نو سے تیرہ مارچ تک ایران کی چابہار بندرگاہ کے قریب ہونے والی اس مشق میں بنیادی طور پر بحری اہداف کو نشانہ بنانے، اسپاٹ چیک ،گرفتاریوں ، نقصانات پر قابو پانے اور مشترکہ سرچ اینڈ ریسکیو جیسی مشقیں ہو رہی ہیں، جس کا مقصد شریک ممالک کی افواج کے مابین فوجی باہمی اعتماد اور عملی تعاون کو مضبوط بنانا ہے۔جنوبی افریقہ،پاکستان اور عمان سمیت دیگر ممالک کے مبصرین بھی اس مشق میں شامل ہیں ۔
Post Views: 1.ذریعہ: Daily Mumtaz
پڑھیں:
اسلامی ممالک نے غزہ کی بحالی کے مصری منصوبے کی توثیق کر دی
اسلام آباد (اُردو پوائنٹ ۔ DW اردو۔ 08 مارچ 2025ء) اسلامی تعاون تنظیم (او آئی سی) نے آج آٹھ مارچ بروز ہفتہ امریکی صدر ڈونلڈ ٹرمپ کے غزہ پر ممکنہ قبضے اور اس کے رہائشیوں کو بے گھر کرنے کے مجوزہ منصوبے کے متبادل عرب لیگ کی جوابی تجویز کی باضابطہ طور پر منظوری دیتے ہوئے عالمی برادری سے اس علاقائی اقدام کی حمایت کرنے کا مطالبہ کیا۔
اسلامی ممالک پر مشتمل 57 رکنی گروپ کا یہ فیصلہ سعودی عرب کے شہر جدہ میں ایک ہنگامی اجلاس میں کیا گیا۔ یہ ہنگامی اجلاس قاہرہ میں عرب لیگ کی طرف سے ایک سربراہی اجلاس میں غزہ سے متعلق منصوبے کی پردہ کشائی کے تین دن بعد منعقد کیا گیا۔
اجلاس کے بعد جاری کیے گئے ایک اعلامیہ میں کہا گیا ہے کہ او آئی سی نے ''غزہ کی جلد بحالی اور تعمیر نو کے منصوبے کو اپنایا ہے۔
(جاری ہے)
‘‘ مسلم دنیا کی نمائندگی کرنے والی اس تنظیم نے ''عالمی برادری اور بین الاقوامی اور علاقائی مالیاتی اداروں سے فوری طور پر اس منصوبے کے لیے ضروری تعاون فراہم کرنے‘‘ پر بھی زور دیا۔ٹرمپ کا حالیہ بیان اس وقت عالمی سطح پر غم و غصے کی وجہ بنا، جب انہوں نے امریکہ کو غزہ پر ''قبضہ‘‘ کرنے اور اسے ''مشرق وسطیٰ کے رویرا‘‘ یعنی ایک سیاحتی مقام میں تبدیل کرنے کا مشورہ دیا۔
ٹرمپ نے غزہ کے فلسطینی باشندوں کو مصر یا اردن منتقل کر دینے کا ارادہ بھی ظاہر کیا تھا۔مصری وزیر خارجہ بدرعبدا لعاطی نے او آئی سی کی توثیق کا خیرمقدم کیا اور کہا کہ اب وہ امریکہ سمیت وسیع تر بین الاقوامی برادری کی حمایت حاصل کرنے کی امید رکھتے ہیں۔ ان کا کہنا تھا، ''اگلا قدم یورپی یونین اور بین الاقوامی فریقین جیسے جاپان، روس، چین اور دیگر کی طرف سے اسے اپنائے جانے کے بعد غزہ کے لیے ایک بین الاقوامی منصوبہ بننا ہے۔
‘‘ ان کا مزید کہنا تھا، ''یہ وہی ہے جس کے لیے ہم کو شش کریں گے اور ہم امریکہ سمیت تمام فریقین سے رابطے میں ہیں۔‘‘ تاہم غزہ کی تعمیر نو کے لیے مصری تجویز، جس میں غزہ کو کنٹرول کرنے والی عسکریت پسند تنظیم حماس کا ذکر نہیں، امریکہ اور اسرائیل دونوں پہلے ہی مسترد کر چکے ہیں۔امریکی محکمہ خارجہ کی ترجمان ٹیمی بروس نے جمعرات کو صحافیوں کو بتایا تھا کہ یہ منصوبہ واشنگٹن کی ''توقعات پر پورا نہیں اترتا۔
‘‘ٹرمپ کے مشرق وسطیٰ کے ایلچی اسٹیو وٹکوف نے تاہم اس پر زیادہ مثبت ردعمل ظاہر کرتے ہوئے اسے ''مصریوں کی طرف سے نیک نیتی کا پہلا قدم‘‘ قرار دیا۔ٹرمپ کے غزہ کے لیے منصوبے کی مخالفت میں عرب ممالک متحد ہو گئے ہیں۔ قاہرہ میں قائم تھنک ٹینک الاحرام سینٹر فار پولیٹیکل اینڈ اسٹریٹیجک اسٹڈیز سے منسلک سیف عالم نے کہا کہ مصر اپنی تجویز کے لیے ''وسیع حمایت‘‘ کا خواہاں ہے۔ انہوں نے کہا، ''یہ ایک وسیع اتحاد بنانے کی مصری کوشش ہے جو غزہ سے فلسطینیوں کی نقل مکانی کے خلاف ہے۔‘‘
ش ر⁄ ع ب، ع س (اے ایف پی)
’’چاند 2 دن کا ہے، علما نے ایک روزہ چھپایا‘‘شہری کے بیان پر پیکا ایکٹ کے تحت مقدمہ