بھارت میں اسرائیلی خاتون کے ساتھ اجتماعی زیادتی، تیسرا مشتبہ ملزم بھی گرفتار
اشاعت کی تاریخ: 10th, March 2025 GMT
بھارت کے شہر کرناٹک میں 27 سالہ اسرائیلی خاتون سیاح کی اجتماعی زیادتی کے 4 دن بعد پولیس نے اس جرم میں ملوث تیسرے ملزم کو تامل ناڈو سے گرفتار کرلیا ہے۔
ایسے وقت کے جب متاثرہ اسرائیلی خاتون وطن واپسی کی منتظرہیں، بھارتی پولیس نے گینگ ریپ اور قتل کیس کے تیسرے ملزم کاشی رام کی گرفتاری کا دعویٰ کیا ہے، جسے تامل ناڈو فرار ہونے کے بعد گرفتار کیا گیا تھا۔
پولیس کے مطابق دو دیگر مشتبہ افراد ملیش اور چیتن سائی سلیکیتار کو گزشتہ روز گرفتار کیا گیا تھا اور ان کی تصاویر مقامی پولیس نے شائع کی تھیں۔
یہ بھی پڑھیں: ’بھارت میں ہر 17 منٹ میں جنسی زیادتی کا واقعہ، کیا ہم ہر 17 منٹ میں شرمندہ ہوں؟‘
یہ وحشیانہ واقعہ گزشتہ جمعرات کو اس وقت پیش آیا جب اسرائیلی خاتون اور گیسٹ ہاؤس کی مالک بھارتی شہری دو امریکیوں اور ایک بھارتی سیاح کے ساتھ کرناٹک کے گاؤں سناپور کے قریب سفر کر رہے تھے۔
گیسٹ ہاؤس کی مالک کی گواہی کے مطابق، جب وہ ستارہ بینی سے لطف اندوز ہوتے ہوئے گٹار بجا رہے تھے، تین مشتبہ افراد ان کے پاس آئے اور رقم کا مطالبہ کیا، جب انہوں نے انکار کیا تو حملہ آوروں نے خواتین کے ساتھ آنے والے 3 مردوں پر حملہ کر کے انہیں نہر میں پھینک دیا، جن میں سے ایک آدمی ڈوب گیا۔
عصمت دری اور قتل کے بعد درج کرائی گئی پولیس شکایت کے مطابق حملہ آوروں نے نہر میں پھینکنے سے پہلے مردوں کے سروں کو پتھروں سے کچلنے کی دھمکی دی اور پھر دونوں خواتین کی عصمت دری کی، پانی میں امریکی سیاح ڈینیئل پٹاس تیز کرنٹ کے باوجود پنکج امرت راؤ پاٹل کا ہاتھ پکڑ کر نہر کے کنارے پر تیرنے میں کامیاب ہوگیا۔
مزید پڑھیں: کولکتہ ڈاکٹر ریپ اور قتل کیس، یہ ایسا جرم نہیں کہ مجرم کو پھانسی دی جا سکے، جج نے ایسا کیوں کہا؟
تیسرا شخص، جس کی شناخت بباش نامی مسافر کے طور پر ہوئی ہے، بہہ گیا، زندہ بچ جانے والوں نے صرف اس کی ٹوٹی ہوئی گھڑی کو پانی پر تیرتے دیکھا، وہ اس جگہ پر واپس آئے جہاں ان پر حملہ کیا گیا تھا اور دونوں خواتین کو ڈھونڈ نکالا۔
زندہ بچ جانے والوں میں سے ایک کا کہنا تھا کہ وہ تباہ ہو گئے تھے، رو رہے تھے اور ان کے چہروں پر دہشت تھی، اس کے بعد یہ گروپ واپس گیسٹ ہاؤس چلا گیا اور بعد میں پولیس میں شکایت درج کرائی، گیسٹ ہاؤس کے مالک نے، جس نے پولیس کو حملے کی اطلاع بھی دی، حملے تک کے واقعات کو بیان کیا۔
’رات کے کھانے کے بعد، ہم نے ستارہ بینی کا فیصلہ کیا، ہم نے اپنے اسکوٹر پر سواری کر کے تنگ بھدرا کینال کے کنارے، ثنا پور جھیل کے قریب گئے، جب ہم ستاروں کو دیکھ رہے تھے اور گٹار بجا رہے تھے، تقریباً 10:30 بجے، ایک موٹرسائیکل پر 3 آدمی ہمارے قریب آئے اور پیٹرول مانگا۔‘
مزید پڑھیں: منی پور، خواتین کے گینگ ریپ کے دلخراش واقعہ پر بھارتی حکومت سوشل میڈیا پر برہم کیوں؟
گیسٹ ہاؤس کی مالک خاتون کے مطابق انہیں بتایا کہ آس پاس کوئی گیس اسٹیشن نہیں ہے بہتر ہوگا کہ وہ ثنا پور میں پیٹرول تلاش کریں، اس موقع پر ایک آدمی نے اچانک 100 روپے کا مطالبہ کیا۔
’وہ ہمیں نہیں جانتے تھے، اس لیے میں نے ان سے کہا کہ میرے پاس پیسے نہیں ہیں لیکن وہ مطالبہ کرتے رہے، یہاں تک کہ ایک مرد سیاح نے انہیں 20 روپے دے دیے۔‘
جب سیاحوں نے انہیں مزید رقم دینے سے انکار کیا تو ملزمان نے جھگڑا شروع کردیا اور انہیں پتھراؤ کی دھمکیاں دیں، اس کے بعد ان میں سے 2 نے خواتین پر حملہ کر کے زیادتی کا نشانہ بنایا جبکہ تیسرے نے مردوں کو نہر میں دھکیل دیا اور گیسٹ ہاؤس کی مالک پر پتھراؤ کیا۔
مزید پڑھیں: بھارت: وحشیانہ جنسی زیادتی کے بعد قتل ہونے والی ٹرینی ڈاکٹر کے والد نے کیا مطالبہ کیا؟
’میرا بہت زیادہ خون بہہ رہا تھا، دو مشتبہ افراد مجھے گھسیٹ کر نہر کے کنارے لے گئے ان میں سے ایک نے میرا گلا گھونٹ کر میرے کپڑے اتار دیے، ایک کے بعد ایک، انہوں نے مجھے مارا اور زیادتی کی۔‘
حملہ آور گیسٹ ہاؤس کی مالک خاتون کا بیگ چرا کر 2 موبائل فون اور 9500 روپے لے کر فرار ہو گئے، ان میں سے ایک شخص اسرائیلی سیاح کو گھسیٹ کر لے گیا اور اس کے ساتھ زیادتی کی۔ ’بعد میں جب ہم نے چیخیں ماریں اور روئے تو وہ اپنی موٹرسائیکل پر بھاگ گئے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیلی سیاح امریکی سیاح بھارت پولیس تامل ناڈو تنگ بھدرا کینال ثنا پور خاتون ستارہ بینی کرناٹک گیس اسٹیشن گیسٹ ہاؤس.ذریعہ: WE News
کلیدی لفظ: اسرائیلی سیاح امریکی سیاح بھارت پولیس تنگ بھدرا کینال ثنا پور خاتون ستارہ بینی کرناٹک گیس اسٹیشن گیسٹ ہاؤس اسرائیلی خاتون میں سے ایک کے مطابق کے ساتھ رہے تھے کے بعد
پڑھیں:
کیا مشتبہ قاتل ارمغان قریشی کے کالعدم تنظیموں سے روابط تھے؟
مصطفیٰ عامر قتل کیس کے اسپیشل پبلک پروسیکیوٹر نے پولیس کے لیے گائیڈ لائنز جاری کردی ہیں، جس کے مطابق ملزم ارمغان سے ملنے والی تمام چیزیں فوراً فورینزک تجزیے کے لیے بھیجنے اور ملزم ارمغان کے قریبی افراد کی سرگرمیوں کا جائزہ لے کر مقدمات درج کرنے کی ہدایت کی گئی ہیں۔
اسپیشل پبلک پروسیکیوٹر نے پولیس کو ہدایت کی ہے کہ علاقےکی سیکیورٹی کے سربراہ اور مالک مکان سے بھی ملزم کی غیر قانونی سرگرمیوں کی تفصیلات حاصل کی جائیں اسی طرح ملزم ارمغان کی سرگرمیوں سےمتعلق مقامی انٹیلیجنس یونٹ، گذری اور درخشاں تھانوں سے بھی معلومات لی جائیں۔
یہ بھی پڑھیں:مصطفیٰ کو کیسے قتل کیا گیا؟ ملزم ارمغان کی تفتیشی رپورٹ سامنے آگئی
اسپیشل پبلک پروسیکیوٹر کی گائیڈ لائنز کے مطابق پولیس کو ملزم ارمغان کے والد سے تحقیقات کرنے اور ان کا کرمنل رکارڈ چیک کرنے کا کہا گیا ہے، ملزم کی رہائش گاہ سے برآمد ممنوعہ اسلحہ سمیت واکی ٹاکی سے متعلق بھی تحقیقات کا حکم دیا گیا ہے۔
اسی طرح ملزم کی رہائش گاہ سے ملنے والے ڈیجیٹل سیف لاکرز اور 2 شناختی کارڈ سے متعلق بھی تحقیقات کی ہدایت دیتے ہوئے اسپیشل پبلک پروسکیوٹر نے ملزم ارمغان کے کالعدم تنظیموں سے مبینہ تعلق سے متعلق بھی تحقیقات کی مزید ہدایت دی ہے۔
مزید پڑھیں:مصطفیٰ عامر قتل کیس: ارمغان کو پولیس نے کیسے گرفتار کیا؟ رپورٹ عدالت میں جمع
پولیس کو ملزم ارمغان کے منی لانڈرنگ سمیت دیگر غیر قانونی سرگرمیوں میں ملوث ہونے کی بھی تحقیقات کرنے کا حکم دیا گیا ہے، اسی طرح اسپیشل پبلک پروسیکیوٹر نے مصطفیٰ عامر کے اغوا کے سلسلے میں تاوان طلب کرنے والے ٹیلی فونز کے حصول سمیت ملزم کے فون اور مقتول کی والدہ کے فون کو کیس پراپرٹی کا حصہ بنانے کی ہدایت کی ہے۔
ملزم ارمغان اور مقتول مصطفیٰ کے بینک اکاؤنٹس، فون ڈیٹا اور ٹریول ہسٹری حاصل کرنے کی ہدایت کرتے ہوئے اسپیشل پبلک پروسیکیوٹر نے حب میں درج مقدمے کی کراچی منتقلی کے لیے ایس ایس پی حب کو لکھے گئے خط کا مقصد بھی دریافت کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیشل پبلک پروسیکیوٹر انٹیلیجنس یونٹ بینک اکاؤنٹس تاوان ٹریول ہسٹری حب فورینزک فون ڈیٹا قتل کیس کالعدم تنظیموں کراچی گائیڈ لائنز مصطفیٰ عامر منی لانڈرنگ
’’چاند 2 دن کا ہے، علما نے ایک روزہ چھپایا‘‘شہری کے بیان پر پیکا ایکٹ کے تحت مقدمہ