چیمپیئنز ٹرافی 2025 کے شاندار اختتام پر چیئرمین پاکستان کرکٹ بورڈ نے کیا پیغام دیا؟
اشاعت کی تاریخ: 10th, March 2025 GMT
چیئرمین پاکستان کرکٹ بورڈ محسن نقوی نے کہا ہے کہ میں دل کی گہرائیوں سے پاکستان کرکٹ بورڈ (پی سی بی) کی ٹیم، متحرک قانون نافذ کرنے والے اداروں، معاون صوبائی حکومتوں، معزز آئی سی سی حکام، اور ان کرکٹ ٹیموں کا شکریہ ادا کرنا چاہتا ہوں جو چیمپئنز ٹرافی 2025 کے لیے پاکستان آئیں۔
سوشل میڈیا پلیٹ فارم ایکس پر اپنی پوسٹ میں انہوں نے مزید لکھا کہ آپ کی محنت اور مشترکہ کوششوں کی بدولت اس عالمی ٹورنامنٹ کا انعقاد کامیابی سے ممکن ہوسکا اور یہ کرکٹ کے شائقین کے لیے ایک تاریخی ایونٹ بن گیا۔
مزید پڑھیں:بھارت نے نیوزی لینڈ کو 4 وکٹوں سے شکست دے کر آئی سی سی چیمپیئنز ٹرافی کا ٹائٹل اپنے نام کرلیا
محسن نقوی نے کہا کہ پاکستان کو اس عالمی ایونٹ کی میزبانی پر فخر ہے، اور آپ کی قیمتی خدمات نے اسے ایک شاندار کامیابی بنایا۔ آپ کی لگن، محنت اور اتحاد نے نہ صرف کرکٹ کے جذبے کو بلند کیا بلکہ پاکستان کی بین الاقوامی ایونٹس کی میزبانی کی صلاحیت کو بھی دنیا کے سامنے پیش کیا۔
چیئرمین پی سی بی نے مزید لکھا کہ یہ ٹورنامنٹ کھیل کا جشن تو تھا ہی، ساتھ ہی یہ تعاون اور عزم کی طاقت کا بھی مظہر تھا۔ ہم آپ کا تہہ دل سے شکریہ ادا کرتے ہیں کہ آپ نے چیمپیئنز ٹرافی 2025 کو ایک ناقابل فراموش تجربہ بنایا۔ شکریہ کہ آپ نے ہمارے ساتھ مل کر تاریخ رقم کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی پاکستان پاکستان کرکٹ بورڈ چیمپئنز ٹرافی 2025 محسن نقوی.ذریعہ: WE News
کلیدی لفظ: پاکستان پاکستان کرکٹ بورڈ چیمپئنز ٹرافی 2025 محسن نقوی پاکستان کرکٹ بورڈ ٹرافی 2025
پڑھیں:
چیمپیئنز ٹرافی میں ناقص کارکردگی کے باوجود سرفراز احمد کا قومی کرکٹ ٹیم کا دفاع
2017 میں پاکستان کرکٹ ٹیم کو چیمپیئنز ٹرافی جتوانے والے سابق کپتان سرفراز احمد نے حالیہ آئی سی سی چیمپیئنز ٹرافی میں ناقص کارکردگی کے باوجود قومی ٹیم کا دفاع کیا ہے۔
یہ بھی پڑھیں چیمپیئنز ٹرافی میں شرمناک شکست، قومی کرکٹ ٹیم کی سرجری کا حتمی فیصلہ
سرفراز احمد نے کہاکہ کوئی بھی ٹیم میچ ہارنے کے لیے میدان میں نہیں اترتی، ٹیم پر مثبت اور تعمیری تنقید ہونی چاہیے، جو لوگ آج ٹی وی پر بیٹھ کر تنقید کررہے ہوتے ہیں وہ بھی ان مراحل سے گزر چکے ہیں۔
سرفراز احمد نے دورہ نیوزی لینڈ کے لیے اعلان کردہ قومی اسکواڈ پر اعتماد کا اظہار کرتے ہوئے شائقین کرکٹ پر زور دیا کہ وہ ٹیم کی حمایت جاری رکھیں۔
سابق کپتان نے کہاکہ دورہ نیوزی لینڈ کے لیے پاکستانی ٹیم نوجوان کھلاڑیوں پر مشتمل ہے، مجھے امید ہے کہ نتائج ہمارے حق میں ہوں گے، لیکن نیوزی لینڈ میں حالات ہمیشہ چیلنجنگ رہے ہیں۔
واضح رہے کہ سرفراز احمد کی قیادت میں قومی کرکٹ ٹیم نے 2017 میں آئی سی سی چیمپیئنز ٹرافی کا ٹائٹل اپنے نام کیا تھا۔
یہ بھی پڑھیں قومی کرکٹ ٹیم نے قوم کا سر فخر سے بلند کردیا، محسن نقوی کی رضوان الیون کو تاریخی جیت پر مبارکباد
حالیہ چیمپیئنز ٹرافی ایونٹ میں قومی ٹیم نے انتہائی ناقص کارکردگی کا مظاہرہ کیا اور کوئی ایک میچ جیتنے میں بھی ناکام رہی، بنگلہ دیش کے خلاف آخری گروپ میچ بارش کی نذر ہو جانے کے باعث قومی ٹیم کو صرف ایک پوائنٹ مل سکا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اعتماد تنقید چیمپیئنز ٹرافی دفاع سرفراز احمد قومی کرکٹ ٹیم ناقص کارکردگی وی نیوز
ایران کے نائب صدر جواد ظریف مستعفی، دباؤ اور الزامات کا انکشاف