کینیڈا میں ٹرمپ مخالف وزیراعظم نامزد‘لبرل پارٹی نے مارک کارنی کو نامزد کردیا
اشاعت کی تاریخ: 10th, March 2025 GMT
اٹاوا(اردوپوائنٹ اخبارتازہ ترین-انٹرنیشنل پریس ایجنسی۔10 مارچ ۔2025 )کینیڈا کی لبرل پارٹی نے مارک کارنی کو اگلا وزیر اعظم نامزد کر دیا ہے وہ کینیڈا اور انگلینڈ کے مرکزی بینکوں کے سابق سربراہ بھی رہ چکے ہیں اپنے انتخاب کے بعد مارک کارنی نے خبردار کیا ہے کہ ڈونلڈ ٹرمپ کی قیادت میں امریکا کی جانب سے سیاہ دن لائے جائیں گے.
(جاری ہے)
فرانسیسی نشریاتی ادارے کے مطابق کارنی نے امریکی صدر کے خلاف جارحانہ موقف اختیار کرنے میں کوئی وقت ضائع نہیں کیا کیوں کہ امریکی صدر نے کینیڈین کارکنوں، خاندانوں اور کاروباری اداروں پر حملے کا الزام عائد کیا تھا آئندہ دنوں میں سبکدوش ہونے والے لبرل وزیر اعظم جسٹن ٹروڈو کی جگہ سنبھالنے والے 59 سالہ مارک کارنی نے کہا کہ ہم انہیں کامیاب نہیں ہونے دے سکتے.
کینیڈا میں اکتوبر تک انتخابات کا انعقاد لازمی ہے لیکن چند ہفتوں کے اندر اندر قبل از وقت انتخابات ہو سکتے ہیں حالیہ جائزوں میں حزب اختلاف کی کنزرویٹو پارٹی کو معمولی فیورٹ قرار دیا گیا ہے اوٹاوا میں پارٹی کے حامیوں کے ہجوم سے خطاب کرتے ہوئے کارنی نے خبردار کیا کہ ٹرمپ کی قیادت میں امریکا، کینیڈا کا کنٹرول حاصل کرنے کی کوشش کر رہا ہے امریکی ہمارے وسائل، پانی، زمین اور ہمارا ملک چاہتے ہیں یہ سیاہ دن ہیں ایک ایسے ملک کی طرف سے لائے گئے سیاہ دن جن پر ہم اب بھروسہ نہیں کر سکتے. کارنی جو پہلے بینک آف کینیڈا اور بینک آف انگلینڈ کی قیادت کر چکے ہیں انہوں نے اہم حریف ٹروڈو کی سابق نائب وزیر اعظم کرسٹیا فری لینڈ کو شکست دی جو 2015 میں پہلی بار منتخب ہونے والی لبرل حکومت میں کابینہ کے کئی سینئر عہدوں پر فائز رہی تھیں کارنی نے ڈالے گئے تقریبا ایک لاکھ 52 ہزار ووٹوں میں سے 85.9 فیصد ووٹ حاصل کیے فری لینڈ نے صرف 8 فیصد ووٹ حاصل کیے کارنی نے ٹرمپ کے خلاف کھڑے ہونے کے وعدے پر مہم چلائی تھی. کینیڈا کے نئے وزیراعظم مارک کارنی نے ڈونلڈ ٹرمپ کی تجارتی جنگ جیتنے کے عزم کا اظہار کرتے ہوئے امریکہ کے خلاف سخت تنقید کی ہے انہوں نے کہا کہ ہم نے اس لڑائی کا مطالبہ نہیں کیا تھا، جب کوئی اور دستانے اتارتا ہے تو کینیڈین ہمیشہ تیار رہتے ہیں انہوں نے کہا کہ امریکیوں کو کوئی غلطی نہیں کرنی چاہیے ہاکی کی طرح تجارت میں بھی کینیڈا جیت جائے گا کینیڈا میں اکتوبر تک انتخابات کا انعقاد لازمی ہے لیکن چند ہفتوں کے اندر قبل از وقت انتخابات ہو سکتے ہیں حالیہ جائزوں میں حزب اختلاف کی کنزرویٹو پارٹی کو معمولی فیورٹ قرار دیا گیا ہے. اپنی فتح کی تقریر میں کارنی نے متنبہ کیا کہ ٹرمپ کی قیادت میں امریکا کینیڈا پر قبضہ کرنے کی کوشش کر رہا ہے امریکی ہمارے وسائل، پانی، اپنی زمین اور اپنا ملک چاہتے ہیں یہ سیاہ دن ایک ایسے ملک کی طرف سے لائے گئے ہیں جس پر ہم اب بھروسہ نہیں کر سکتے امریکی صدر نے بارہا کینیڈا کو ضم کرنے کی بات کی ہے اور دوطرفہ تجارت کو افراتفری سے دوچار کر دیا ہے جو کینیڈا کی معیشت کی جان ہے اسی وجہ سے محصولات میں اضافہ ہوا ہے. الوداعی خطاب کرتے ہوئے جسٹن ٹروڈو نے کہا کہ کینیڈا کے عوام کو اپنے ہمسایہ ملک کی جانب سے ایک چیلنج کا سامنا ہے ان کا کہنا تھا کہ ہم نے ایسے شخص کا انتخاب کیا جو اگلے انتخابات میں ٹوری رہنما پیئر پوئیلیور کا مقابلہ کر سکے اور ڈونلڈ ٹرمپ سے نمٹ سکے کارنی نے دلیل دی ہے کہ ان کا تجربہ انہیں امریکی صدر کا مثالی جواب بناتا ہے انہوں نے خود کو ایک تجربہ کار معاشی بحران سے نمتنے والے مینیجر کے طور پر پیش کیا ہے جنہوں نے 2008-2009 کے مالیاتی بحران میں بینک آف کینیڈا اور 2016 کے بریگزٹ ووٹ کے بعد پیدا ہونے والی ہنگامہ آرائی کے دوران بینک آف انگلینڈ کی قیادت کر رکھی ہے اینگس ریڈ پولنگ فرم سے جاری ہونے والے اعداد و شمار سے ظاہر ہوتا ہے کہ کینیڈین عوام کارنی کو ٹرمپ کے خلاف مقابلہ کرنے کے لیے پسندیدہ انتخاب کے طور پر دیکھتے ہیں جس سے ممکنہ طور پر لبرلز کو حزب اختلاف کی کنزرویٹو پارٹی پر برتری حاصل ہو سکتی ہے فیصد جواب دہندگان نے کہا کہ وہ ٹرمپ سے نمٹنے کے لیے کارنی پر سب سے زیادہ اعتماد کرتے ہیں، جبکہ 34 فیصد نے پوئیلیور کی حمایت کی.ذریعہ: UrduPoint
کلیدی لفظ: تلاش کیجئے امریکی صدر مارک کارنی نے کہا کہ کارنی نے کی قیادت انہوں نے ٹرمپ کی سیاہ دن کے خلاف
پڑھیں:
کینیڈا کے آئندہ وزیر اعظم مارک کارنی کون ہیں؟
کینیڈاکے اگلے وزیر اعظم مارک کارنی ہوں گے کیونکہ امریکا کے ساتھ تاریخی کشیدگی اور تجارتی جنگ کے خدشات کے درمیان جسٹن ٹروڈو کی جگہ مارک کارنی کو حکمراں لبرل پارٹی کا نیا سربراہ منتخب کر لیا گیا ہے۔
بینکر وزیر اعظم ہی کیوں؟کینیڈا کے شمال مغربی علاقوں میں پیدا اور مغربی صوبے البرٹا میں پرورش پانے والے، مارک کارنی نے اپنے آپ کو سیاسی طور پر ایک بیرونی شخص کے طور پر پیش کیا ہے جو معاشی بدحالی اور غیر یقینی صورتحال کے دور میں کینیڈا کو آگے بڑھا سکتا ہے۔
امریکی صدر ڈونلڈ ٹرمپ کی جانب سے 4 مارچ کو کینیڈا کی مصنوعات پر سخت ٹیرف کے نفاذ کے اعلان کے بعد کینیڈا کو شدید ناراض کیا ہے، جبکہ کساد بازاری کے خوف نے کینیڈا میں قوم پرستی اور دارالحکومت اوٹاوا میں مستحکم قیادت کی خواہش کو ہوا دی ہے۔
59 سالہ مارک کارنی نے ہارورڈ اور آکسفورڈ یونیورسٹیوں سے ڈگریاں حاصل کی ہیں اور سرمایہ کاری فرم گولڈمین ساکس میں ایک دہائی سے زائد عرصہ کام بھی کرچکے ہیں۔
ابھی حال ہی میں، انہوں نے بروک فیلڈ اثاثہ جات کے انتظام کے سربراہ کے طور پر خدمات انجام دی ہیں، جہاں انہوں نے کمپنی کی ’سرمایہ کاری منتقلی‘ کی بھی قیادت کی۔ جو کہ عالمی کلائمیٹ کے اہداف کے مطابق سرمایہ کاری کو فروغ دینے کی ایک کوشش ہے۔
لیکن یہ بحران کے وقت ان کا بینکنگ کا تجربہ ہے کہ جو مارک کارنی اور ان کے حامیوں کا کے مطابق امریکی صدر ٹرمپ کے ہاتھوں برپا کیے گئے ’طوفانی موسم‘ میں کینیڈا کی بقا کی جدوجہد میں ان کی صلاحیتوں کا بہترین مظاہرہ ثابت ہوگا۔
معاشی محاذ پر کامیابیاںمارک کارنی نے 2008 کے عالمی مالیاتی بحران کے درمیان بینک آف کینیڈا کے گورنر کے طور پر اپنے دور کا آغاز کیا، انہیں فوری اور فیصلہ کن اقدامات کرنے کا سہرا دیا جاتا ہے، جس نے کینیڈا کو مزید سنگین بدحالی سے بچانے میں مدد کی۔
2013 میں، مارک کارنی بینک آف انگلینڈ کی قیادت سنبھالنے کے لیے روانہ ہوئے، جہاں وہ 2020 تک وابستہ رہے، وہی سال جب برطانیہ نے باضابطہ طور پر یورپی یونین سے علیحدگی اختیار کرلی تھی۔
وہاں بھی، بریگزٹ کے اثرات کو کم کرنے کے ضمن میں مارک کارنی کی خدمات کا اعتراف کیا گیا حالانکہ ان کے اس جائزے سے کہ یورپی یونین سے علیحدگی برطانوی معیشت کے لیے خطرہ ثابت ہوگی، برطانوی قدامت پسندوں کی ناراضی کا باعث بھی بنا، جو یورپی یونین کو چھوڑنے کے حق میں تھے۔
الجزیرہ سے گفتگو کرتے ہوئے مصنف، کالم نگار اور برطانیہ کی اکیڈمی آف سوشل سائنسز کے صدر ول ہٹن نے مارک کارنی کو ایک اختراعی مرکزی بینکر قرار دیا۔
’وہ (مارک کارنی) سمجھ گئے تھے کہ اصل میں، مرکزی بینکوں کا کام ہے کہ وہ سرمایہ داری کو اس کی بدترین رکاوٹوں کو ختم کر کے زیادہ سے زیادہ جائز بنائیں لیکن وہ بریگزٹ سے گھبرا گئے تھے، اور اسے خود کو شکست دینے سے تعبیر کیا۔‘
لیکن ول ہٹن نے تسلیم کیا کہ مارک کارنی نے بینک آف انگلینڈ کے طرز عمل کو منظم کرنے میں کامیاب کیا تاکہ اس سے ہونے والا نتیجہ اس سے کم تباہ کن تھا جتنا ہو سکتا تھا۔
سیاسی تجربے کی کمیاگرچہ بہت کم لوگ مارک کارنی کی معاشی صلاحیتوں پر کوئی سوال اٹھاتے ہیں لیکن انتخابی سیاست میں ان کے تجربے کی کمی نے سوالات اٹھائے ہیں۔
اس سے قبل وہ وزیر اعظم جسٹن ٹروڈو کے اقتصادی مشیر کے طور پر خدمات انجام دے چکے ہیں، جنہوں نے اپنی حکومت کی جانب سے رہائش کے بحران سے نمٹنے اور زندگی کے بڑھتے ہوئے اخراجات پر بڑھتے ہوئے عوامی غصے کے باعث استعفیٰ دے دیا۔
لیکن کارنی نے اس سے پہلے کبھی بھی سیاسی عہدے کے لیے انتخاب نہیں لڑا، اور انہوں نے لبرل قیادت کی مہم کا بیشتر حصہ اپنے آپ کو کینیڈینز سے متعارف کرانے میں صرف کیا۔
میک گل یونیورسٹی کے پولیٹیکل سائنس کے پروفیسر ڈینیئل بیلنڈ نے مارک کارنی کو پردے کے پیچھے رہنے والے ایک مشیر کے طور پر یاد کرتے ہوئے انہیں ایسے ٹیکنوکریٹ کے طور پر بیان کیا جسے اسٹیرائڈز پر رکھا گیا ہو۔
کارنی نے اپنی مہم شروع کرنے کے بعد متعدد وعدے کیے ہیں، جن میں حکومتی اخراجات پر لگام لگانا، ہاؤسنگ میں مزید سرمایہ کاری کرنا، کینیڈا کے تجارتی شراکت داروں کو متنوع بنانا اور امیگریشن پر عارضی حد عائد کرنا شامل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقتصادی مشیر امریکی صدر ٹیرف ٹیکنوکریٹ جسٹن ٹروڈو حکمراں پارٹی ڈونلڈ ٹرمپ سربراہ کینیڈا لبرل پارٹی مارک کارنی وزیر اعظم
ایران کے نائب صدر جواد ظریف مستعفی، دباؤ اور الزامات کا انکشاف