چیمپئنز ٹرافی: ورون دھون کے وکٹ لینے کی ویڈیو وائرل، مداح حیران
اشاعت کی تاریخ: 10th, March 2025 GMT
چیمپئنز ٹرافی کے فائنل میں بھارت اور نیوزی لینڈ میچ کے دوران وردن دھون کی ’’وکٹ‘‘ لینے کی ویڈیو نے مداحوں کو حیران کردیا ہے۔
بھارتی اداکار ورون دھون نے اپنے انسٹاگرام اکاؤنٹ پر ایک ویڈیو شیئر کی ہے جس میں وہ بھارت کی مخالف ٹیم نیوزی لینڈ کے ایک کھلاڑی کو آؤٹ کررہے ہیں۔
ویڈیو کے کیپشن میں اداکار نے لکھا ’’چونکہ انٹرنیٹ پر بہت مزا آرہا ہے تو میں نے بھی جوائن کرنے کا فیصلہ کیا ہے۔ نیلی جرسی پہنے لڑکے اور دوسرے ورون کے لیے اتوار کو چمکنے کےلیے آل دی بیسٹ۔ چلو انڈیا‘‘۔
View this post on InstagramA post shared by VarunDhawan (@varundvn)
اداکار ورون دھون کے بھارتی مخالف ٹیم کے کھلاڑی کو آؤٹ کرنے کی حقیقت یہ ہے کہ اداکار نے بھارتی بولر کے چہرے پر اے آئی کے ذریعے اپنا چہرہ لگادیا ہے۔
اداکار کی اس شرارت کے پیچھے گزشتہ دنوں کا وہ واقعہ ہے جب چیمپئنز ٹرافی 2025 کے سیمی فائنل میں بھارتی اسپنر ورون چکرورتی کے آسٹریلوی اوپنر ٹریوس ہیڈ کی وکٹ لینے پر پرجوش مداحوں نے غلطی سے اس کا کریڈٹ ورون دھون کو دے دیا تھا۔
دبئی انٹرنیشنل کرکٹ اسٹیڈیم میں ہونے والے اس میچ میں آسٹریلیا نے پہلے بیٹنگ کرتے ہوئے 264 رنز بنائے۔ بھارتی ٹیم کےلیے سب سے بڑا خطرہ ٹریوس ہیڈ تھے، جنہیں ورون چکرورتی نے اپنی شاندار بولنگ سے آؤٹ کردیا۔ لیکن جیسے ہی ہیڈ کی وکٹ گری، بھارتی مداحوں نے انسٹاگرام پر اداکار ورون دھون کو ٹیگ کرتے ہوئے انہیں مبارکباد دینا شروع کردی۔
ایک مداح نے ورون دھون کو ٹیگ کرتے ہوئے لکھا، ’’ورون بھائی، ٹریوس ہیڈ کی وکٹ لینے پر بہت بہت شکریہ!‘‘ اس پر ورون دھون نے مزاحیہ انداز میں جواب دیا، ’’جادوئی اسپنر ہوں، کیا کریں!‘‘
ورون دھون نے مداحوں کی اس غلطی کو درست کرنے کے بجائے خود بھی مذاق کا حصہ بن کر لطف اٹھایا، جو سوشل میڈیا پر خوب وائرل ہوا۔ انہوں نے اپنے جادوئی اسپن کا دعویٰ کرتے ہوئے مداحوں کو ہنسایا اور ان کی غلطی کو مزید یادگار بنادیا۔
اپنے اسی مذاق کو جاری رکھتے ہوئے اداکار ورون دھون نے فائنل سے پہلے اے آئی ٹیکنالوجی سے بنی ہوئی اپنی یہ ویڈیو انسٹاگرام اکاؤنٹ پر شیئر کرتے ہوئے بھارتی ٹیم کے نیک تمناؤں کا اظہار کیا ہے۔
اداکار کی شیئر کی گئی ویڈیو پر صارفین کی جانب سے کئی دلچسپ تبصرے کیے گئے اور انھیں ’’جادوئی اسپنر‘‘ اور ’’گیم چینجر‘‘ قرار دیا گیا۔
ایک صارف نے کمنٹ میں لکھا کہ ’’فائنل میں دھول چٹا دینا‘‘
.ذریعہ: Express News
کلیدی لفظ: اداکار ورون دھون ورون دھون نے کرتے ہوئے
پڑھیں:
پاک بحریہ کا خواتین کے عالمی دن کے موقع پر تمام خواتین کو خراجِ تحسین
اسلام آباد(ڈیلی پاکستان آن لائن) پاک بحریہ نے خواتین کے عالمی دن کے موقع پر ملک بھر کی خواتین کو خراجِ تحسین پیش کرتے ہوئے ایک خصوصی ویڈیو جاری کر دی۔پاک بحریہ کی جانب سے جاری کی گئی ویڈیو میں زندگی کے ہر شعبے میں خواتین کے کردار اور ان کی خدمات کو سراہا گیا ہے۔ ویڈیو میں دکھایا گیا ہے کہ کس طرح پاکستانی خواتین مختلف میدانوں میں اپنی صلاحیتوں کا لوہا منوا رہی ہیں، چاہے وہ تعلیم ہو، طب، سائنس، دفاع یا کوئی اور شعبہ۔
پاک بحریہ کا کہنا ہے کہ پاکستانی خواتین ہمت، حوصلے اور عزم کی علامت ہیں، اور ہر میدان میں شانہ بشانہ کام کرکے ملک کی ترقی میں بھرپور کردار ادا کر رہی ہیں۔پاک بحریہ نے اپنے پیغام میں خواتین کو سلام پیش کرتے ہوئے اس عزم کا اظہار کیا کہ ادارہ ہمیشہ خواتین کی صلاحیتوں کو تسلیم کرتا رہے گا اور ان کی کامیابیوں کا اعتراف کرے گا۔
برطانیہ: 200 ملین پاونڈ منی لانڈرنگ کیس، 4 افراد کو قید کی سزائیں
۔۔۔۔ویڈیو دیکھیں۔۔۔۔
مزید :
کراچی: بااثر شخص کا شہری پر تشدد کیس: ملزمان کو جوڈیشل ریمانڈ پر جیل بھیج دیاگیا