15 مارچ کو یوم تحفظِ ناموسِ رسالت ﷺ کے طور پر منانے کا اعلان
اشاعت کی تاریخ: 10th, March 2025 GMT
—فائل فوٹو
وقاقی وزارتِ مذہبی امور نے اعلان کیا ہے کہ 15 مارچ کا دن یومِ تحفظ ناموسِ رسالت ﷺ کے طور پر منایا جائے گا۔
یہ بات وفاقی وزارتِ مذہبی امور کی جانب سے جاری اعلامیے میں بتائی گئی ہے۔
وفاقی وزارتِ مذہبی امور کے ترجمان محمد عمر بٹ کے مطابق اس اقدام سے سوشل میڈیا پر توہینِ مذہب اور توہین آمیز مواد کے بڑھتے ہوئے واقعات کی روک تھام ہے۔
اسلام آباد وزارت مذہبی امور نے حج 2021 کی درخواستیں.
انہوں نے کہا کہ وزارت نے پنجاب، سندھ، خیبر پختون خوا، بلوچستان، اسلام آباد، آزاد جموں و کشمیر اور گلگت بلتستان میں مذہبی امور اور محکمہ اوقاف کے صوبائی سیکریٹریوں کو گستاخانہ مواد کے خلاف آگاہی مہم چلانے کے لیے ہدایات جاری کی ہیں۔
عمر بٹ نے یہ بھی کہا ہے کہ ناظم اعلیٰ وفاق المدارس العربیہ مولانا محمد حنیف جالندھری، مفتی منیب الرحمٰن، علامہ محمد افضل حیدری، پروفیسر ڈاکٹر ساجد میر اور مولانا عبدالمالک سمیت ملک کے سرکردہ مذہبی اسکالرز پر زور دیا گیا ہے کہ وہ عوامی آگاہی کے لیے ایک جامع حکمتِ عملی وضع کریں۔
ذریعہ: Jang News
پڑھیں:
وفاقی کابینہ میں نئے شامل ہونے والے وزراء، مشیروں اور معاونین کو قلمدان تفویض
وفاقی وزیر طارق فضل چوہدری کو پارلیمانی امور کاقلمدان دیا گیا ہے جبکہ علی پرویز ملک کو وزیر پیٹرولیم، اورنگزیب خان کچھی کو قومی ورثہ اور ثقافت، خالد حسین مگسی کو وزیر سائنس اور ٹیکنالوجی، محمد حنیف عباسی کو وزیر ریلوے، محمد معین وٹو کو وزیر آبی وسائل، محمد جنید انور کو وزیر بحری امور کا قلمدان دیدیا گیا ہے۔ اسلام ٹائمز۔ ایک ہفتہ سے زائد کی تاخیر کے بعد بالآخر وزیراعظم شہباز شریف نے کابینہ میں نئے شامل کئے گئے وفاقی وزراء، وزرائے مملکت، مشیروں اور معاونین خصوصی کو قلمدان سونپ دئیے ہیں۔ اس سلسلے میں جاری کردہ ایک نوٹیفیکیشن کے مطابق وفاقی وزیر طارق فضل چوہدری کو پارلیمانی امور کاقلمدان دیا گیا ہے جبکہ علی پرویز ملک کو وزیر پیٹرولیم، اورنگزیب خان کچھی کو قومی ورثہ اور ثقافت، خالد حسین مگسی کو وزیر سائنس اور ٹیکنالوجی، محمد حنیف عباسی کو وزیر ریلوے، محمد معین وٹو کو وزیر آبی وسائل، محمد جنید انور کو وزیر بحری امور، محمد رضا حیات ہراج کو وزیر دفاعی پیداوار، سردار محمد یوسف کو مذہبی امور اور بین المذاہب ہم آہنگی، شزہ فاطمہ خواجہ کو انفارمیشن ٹیکنالوجی اور ٹیلی مواصلات، رانا مبشر اقبال کو امور عامہ اور سید مصطفی کمال کو وزیر صحت کا قلمدان سونپا گیا ہے۔
وزرائے مملکت میں ملک رشید احمد خان قومی غذائی تحفظ اور تحقیق، عبد الرحمن خان کانجو توانائی اور امور عامہ یونٹ کا اضافی چارج، عقیل ملک قانون اور انصاف، بلال اظہر کیانی ریلویز، کیسومل کھیل داس مذہبی امور اور بین المذاہب ہم آہنگی، محمد عون ثقلین بیرون ملک مقیم پاکستانیوں اور انسانی وسائل کی ترقی، مختار احمد ملک صحت، طلال چوہدری امور داخلہ اور انسداد منشیات اور وجیہہ قمر کو وفاقی تعلیم و پیشہ ورانہ تربیت کی وزیر مملکت کے قلمدان سونپے گئے ہیں۔ مشیروں میں ڈاکٹر سید توقیر حسین شاہ کو وزیراعظم آفس، محمد علی نجکاری اور پرویز خٹک کو امور داخلہ کا قلمدان دیا گیا ہے۔ وزیراعظم کے معاونین خصوصی میں ہارون اختر کو صنعتوں اور پیداوار کا قلمدان دیا گیا ہے جبکہ حزیفہ رحمان کو قومی ورثہ اور ثقافت، مبارک زیب کو قبائلی امور اور طلحہ برکی کو سیاسی امور کیلئے وزیراعظم کا معاون خصوصی مقرر کیا گیا ہے۔
دوسری جانب ایک سے زائد قلمدان رکھنے والے وزراء سے اضافی قلمدان واپس لے لیے گئے ہیں۔ وفاقی وزیر مصدق ملک سے پیٹرولیم اور آبی وسائل کے قلمدان واپس لے کر موسمیاتی تبدیلی کا قلمدان دے دیا گیا، عبد العلیم خان سے نجکاری اور سرمایہ کاری کے قلمدان واپس لے کر انہیں وزیر مواصلات بنا دیا گیا ہے۔ قیصر احمد شیخ سے میری ٹائم افیرز کا قلمدان واپس لے کر سرمایہ کاری بورڈ کا قلمدان دے دیا گیا، رانا تنویر حسین سے صنعت و پیداوار کا قلمدان واپس لے کر نیشنل فوڈ سیکیورٹی اینڈ ریسرچ کا قلمدان سونپ دیا گیا ہے۔ وزیر دفاع خواجہ آصف سے دفاعی پیداوار اور وزیر قانون اعظم نذیر تارڑ سے پارلیمانی امور کا اضافی قلمدان واپس لے لیا گیا ہے۔ وزیر اطلاعات عطا اللہ تارڑ سے قومی ورثہ اور ثقافت، وفاقی وزیر اوورسیز پاکستانی چوہدری سالک سے مذہبی امور اور وزیر تعلیم ڈاکٹر خالد مقبول صدیقی سے سائنس اینڈ ٹیکنالوجی کی وزارت کا اضافی قلمدان واپس لے لیا گیا ہے۔
ایران کے نائب صدر برائے اسٹریٹجک امور جواد ظریف مستعفی ہو گئے