رمضان کےلیے 8 صحت بخش مشروب؛ آپ کو کون سا پسند ہے؟
اشاعت کی تاریخ: 10th, March 2025 GMT
رمضان المبارک کا مقدس مہینہ روحانی عبادات کے ساتھ ساتھ صحت کے لیے بھی بے شمار فوائد رکھتا ہے، تاہم طویل روزے کے دوران جسم کو مناسب غذائیت اور ہائیڈریشن فراہم کرنا انتہائی ضروری ہے۔
افطار اور سحری کے دوران صحت بخش مشروبات کا انتخاب نہ صرف جسم کو توانائی فراہم کرتا ہے بلکہ روزے کے اثرات کو بھی مثبت بناتا ہے۔ ماہرین غذائیات کے مطابق رمضان میں کچھ خاص مشروبات کا استعمال روزہ داروں کو صحت مند اور توانا رکھنے میں اہم کردار ادا کر سکتا ہے۔
یہاں ہم 8ایسے مشروبات کی فہرست پیش کر رہے ہیں، جو رمضان کے دوران آپ کی صحت کے لیے بہترین ہیں۔ یہ مشروبات نہ صرف جسم کو ہائیڈریٹ رکھتے ہیں، بلکہ وٹامنز، منرلز اور دیگر غذائی اجزا سے بھرپور ہوتے ہیں، جو روزے کے دوران توانائی بحال کرنے اور ہاضمے کو بہتر بنانے میں مدد دیتے ہیں۔
1۔ پانی : سب سے بہتر مشروب
پانی جسم کے لیے سب سے بہتر اور اہم مشروب مانا جاتا ہے۔ خاص طور پر رمضان میں جب جسم طویل وقت تک پانی سے محروم رہتا ہے۔ افطار اور سحری کے درمیان وافر مقدار میں پانی پینا جسم کو ہائیڈریٹ رکھتا ہے، توانائی فراہم کرتا ہے اور ہاضمے کو بہتر بناتا ہے۔ روزانہ کم از کم 8 سے 10 گلاس پانی پینے کی کوشش کریں۔
2۔ کھجور اور دودھ:فوری توانائی کا خزانہ
کھجور اور دودھ کا مشروب رمضان میں افطار کے لیے بہترین انتخاب ہے۔ کھجور قدرتی شکر اور فائبر سے بھرپور ہوتی ہے جو طویل روزے کے بعد جسم کو فوری توانائی فراہم کرتی ہے۔ دودھ پروٹین اور کیلشیم کا بہترین ذریعہ ہے۔ چند کھجوروں کو رات بھر دودھ میں بھگو کر اس مشروب کو تیار کیا جا سکتا ہے۔ یہ مشروب نہ صرف بلڈ شوگر کو معتدل رکھتا ہے بلکہ ہاضمے کو بھی بہتر بناتا ہے۔
3۔ خوبانی کا رس: وٹامنز اور فائبر سے بھرپور
خوبانی کا رس رمضان کا مشہور مشروب ہے۔ خوبانی فائبر، وٹامن اے اور ریٹینول سے بھرپور ہوتی ہے جو ہاضمے کو بہتر بناتی ہے اور جسم کو ضروری غذائیت فراہم کرتی ہے۔ یہ مشروب نہ صرف لذیذ ہوتا ہے بلکہ یہ جسم کو تازہ دم بھی کرتا ہے۔
4۔ وٹامن سی سے بھرپور پودینہ لیمونیڈ
پودینہ لیمونیڈ، لیموں، پانی اور پودینے کے پتوں سے تیار کیا جاتا ہے۔ یہ مشروب وٹامن سی اور فائبر سے بھرپور ہوتا ہے جو جسم کو تازگی اور توانائی فراہم کرتا ہے۔ اس میں تھوڑا سا شہد شامل کر کے اسے مزید مفید بنایا جا سکتا ہے۔ یہ مشروب افطار کے دوران پینے کے لیے بہترین ہے۔
5۔ کیلے کا ملک شیک: پوٹاشیم اور وٹامنز کا خزانہ
کیلے پوٹاشیم، فائبر، وٹامن سی اور وٹامن بی 6 سے بھرپور ہوتے ہیں۔ کیلے کا ملک شیک تیار کرنے کے لیے ایک سے دو کیلوں کو ایک کپ دودھ کے ساتھ بلینڈ کریں۔ یہ مشروب نہ صرف لذیذ ہوتا ہے بلکہ یہ جسم کو زبردست توانائی فراہم کرتا ہے اور اگلے دن روزہ رکھنے میں مدد دیتا ہے۔
6۔ بادام کا ملک شیک: غذائیت کا خزانہ
بادام کا ملک شیک تیار کرنے کے لیے 10 سے 12 باداموں کو رات بھر پانی میں بھگو دیں، پھر انہیں چھیل کر ایک کپ دودھ، ایک چمچ شہداور الائچی کے ساتھ بلینڈ کریں۔ یہ مشروب پروٹین، وٹامنز اور منرلز سے بھرپور ہوتا ہے، جو جسم کو طویل وقت تک توانائی فراہم کرتا ہے۔
7۔ ٹماٹر اور سیب کا جوس: وٹامنز اور آئرن کا مجموعہ
ٹماٹر اور سیب کا جوس وٹامنز، آئرن اور فائبر سے بھرپور ہوتا ہے۔ اس جوس کو تیار کرنے کے لیے چھلے ہوئے سیب اور ٹماٹر کو پانی، لیموں کے قطرے اور شہد کے ساتھ بلینڈ کریں۔ یہ مشروب نہ صرف لذیذ ہوتا ہے بلکہ یہ جسم کو ضروری غذائیت بھی فراہم کرتا ہے۔
8۔ ہیبسکس: تازگی اور صحت بخش
ہیبسکس کا مشروب عرب ممالک میں رمضان کے دوران بہت مقبول ہے۔ یہ مشروب وٹامنز، منرلز اور اینٹی آکسیڈنٹس سے بھرپور ہوتا ہے، جو جسم کو تازگی اور توانائی فراہم کرتا ہے۔ ہیبسکس کا جوس وزن کم کرنے، دل اور جگر کی صحت کو بہتر بنانے اور بیکٹیریا کے خلاف لڑنے میں بھی مدد دیتا ہے۔
.ذریعہ: Express News
کلیدی لفظ: اور فائبر سے بھرپور یہ مشروب نہ صرف کا ملک شیک کے دوران ہاضمے کو ہے بلکہ کو بہتر کے ساتھ روزے کے جسم کو کے لیے
پڑھیں:
پاکستان ایک ترقی پسند لبرل جمہوریت ہے، چیف جسٹس یحییٰ آفریدی
چیف جسٹس یحییٰ آفریدی کا کہنا ہے کہ عدلیہ میں خواتین ججز کی بڑھتی ہوئی تعداد نہ صرف صنفی مساوات بلکہ اس بات کا اشارہ ہے کہ پاکستان ایک ترقی پسند اور لبرل جمہوریت ہے، جو شہریوں کی صلاحیتوں کا اعتراف کرتے ہوئے انہیں مزید نکھارتی ہے۔
خواتین ججز کے عالمی دن کے موقع پر اپنے ایک پیغام میں چیف جسٹس یحییٰ آفریدی کا کہنا تھا کہ یہ امر پاکستان کے عدالتی نظام میں عوامی اعتماد کا ثبوت ہے جو کہ بامعنی شمولیت، شفافیت اور فیصلہ سازی کے عمل میں وسیع تر سوچ کا مظہر ہے۔
یہ بھی پڑھیں: چیف جسٹس پاکستان کا ڈی آئی خان جیل کا دورہ، قیدیوں کے مسائل سنے
’آج کے اس خصوصی دن پر ہم بطور ادارہ اپنے پختہ عزم اور ارادے کی تجدید کرتے ہیں کہ قانون کے شعبے میں بالعموم اور بطور جج بالخصوص خاص طور پر قانون کی حکمرانی اور انصاف کے حصول تک رسائی کے حوالے سے خواتین کی گراں قدر خدمات ہیں۔‘
چیف جسٹس کے مطابق عدالتی پیشے میں خواتین کی بڑھتی ہوئی موجودگی نہ صرف صنفی مساوات بلکہ پاکستان کی ترقی پسند اور لبرل جمہوریت کی نشاندہی بھی کرتی ہے، جو اپنے شہریوں کی صلاحیتوں کو تسلیم کرتا ہے اور اس صلاحیت کو بروئے کار لانے کی کوشش کرتا ہے۔
مزید پڑھیں: ملاقات چیف جسٹس کی درخواست پر کی، انہیں بتایا کہ آپ کے حکم پر کوئی عملدرآمد نہیں ہوتا، بیرسٹر گوہر
’یہ قانونی نظام میں عوام کے اعتماد کو مضبوط کرتا ہے اور بامعنی شمولیت، انصاف پسندی اور فیصلہ سازی میں ایک وسیع تناظر کو فروغ دیتا ہے، خواتین کی اولوالعزمی، دیانتداری اور انصاف کی لگن نے نہ صرف ہمارے عدالتی نظام کو تقویت بخشی ہے بلکہ آنے والی نسلوں کے لیے بھی متاثر کن مثالیں قائم کی ہیں۔‘
چیف جسٹس یحییٰ آفریدی کا کہنا تھا کہ خواتین ججز کے عالمی دن کے موقع پر ہم انصاف کے شعبے میں صنفی مساوات کو فروغ دینے میں ہونے والی پیش رفت کو فخر کے ساتھ تسلیم کرتے ہیں اور اس ضمن میں مزید پیش رفت کی حوصلہ افزائی کرتے ہیں۔
مزید پڑھیں: وزیراعظم شہباز شریف اور چیف جسٹس یحییٰ آفریدی کی ملاقات میں کیا ہوا؟
ان کا کہنا تھا کہ عدلیہ ایک ایسا ماحول پیدا کرنے کے اپنے عزم پر ثابت قدم ہے جہاں قانونی ماہر خواتین بغیر کسی رکاوٹ کے ترقی کی منازل طے کر سکیں، اپنا حصہ ڈال سکیں اور رہنمائی کر سکیں۔
’اس بات کو یقینی بناتے ہوئے کہ انصاف تک رسائی صرف ایک وعدہ ہی نہیں بلکہ سب کے لیے ایک واضح حقیقت ہے، آئیے ہم ایک ایسے نظام انصاف کے لیے کام جاری رکھیں جو ہمارے معاشرے کے تنوع اور صلاحیتوں کی عکاسی کرتا ہو۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیش رفت تنوع جسٹس یحییٰ آفریدی چیف جسٹس خواتین ججز صنفی مساوات عالمی دن قانونی ماہر نظام انصاف
فیفا کا پاکستان فٹبال فیڈریشن بارے بڑا اعلان