سابق سینیٹر مشتاق احمد کے بھائی سپرد خاک، مجرم کو سخت سزا دی جائے گی: گنڈا پور
اشاعت کی تاریخ: 10th, March 2025 GMT
اسلام آباد+ پشاور (خصوصی نامہ نگار+خبر نگار+ آئی این پی) سینیٹر مشتاق احمد کے بھائی شکیل خان کو آبائی علاقے میں سپرد خاک کر دیا گیا ہے۔ مشتاق احمد خان کے بھائی شکیل احمد خان کی نماز جنازہ صوابی میں ادا کر دی گئی۔ اس موقع پر امیرجماعت اسلامی پاکستان حافظ نعیم الرحمن، سابق امیر جماعت اسلامی پاکستان سراج الحق، نائب امیر جماعت اسلامی میاں محمد اسلم، ڈائریکٹر امور خارجہ جماعت اسلامی آصف لقمان قاضی، سابق سینئر صوبائی وزیر اورامیر جماعت اسلامی خیبر پی کے شمالی عنایت اللہ خان، امیر جماعت اسلامی صوبہ وسطی عبدالواسع، سابق سپیکر قومی اسمبلی اسد قیصر، نائب امرائے صوبہ کے پی سید صہیب الدین کاکاخیل، سید بختیار معانی، مولانا محمد اسماعیل، مولاناعبدالاکبرچترالی، میئر مردان حمایت اللہ مایار، سابق صوبائی وزراء حافظ حشمت خان، فضل ربانی ایڈوکیٹ، سماجی و سیاسی شخصیات سمیت ہزاروں نے شرکت کی۔ امیر جماعت کا سابق سینیٹر مشتاق احمد خان کے بھائی کی نماز جنازہ کے بڑے اجتماع سے خطاب کرتے ہوئے کہا کہ شکیل احمد خان کی موت ایک بڑا سانحہ ہے اور ان کی اس طرح شہادت پورے نظام پر سوالیہ نشان ہے۔ انہوں نے مرحوم کے اہل خانہ سے اظہار تعزیت کرتے ہوئے دعا کی کہ اللہ تعالیٰ انہیں شہادت کا درجہ عطا فرمائے اور لواحقین کو صبر اور سکون عطا کرے۔ حافظ نعیم الرحمن نے اپنے خطاب میں نشے کی لعنت پر بھی بات کرتے ہوئے کہا کہ ملک میں کئی ایسے واقعات ہو چکے ہیں۔ سابق امیر جماعت اسلامی سراج الحق نے کہا کہ بے گناہ فرد کا اس طرح قتل بہت بڑا ظلم ہے، شکیل احمد خان کی المناک شہادت پر گہرے دکھ کا اظہار کرتے ہیں۔ نماز جنازہ کے بعد شکیل احمد خان کو ان کے آبائی علاقے صوابی میں سپرد خاک کر دیا گیا۔ جنازے میں شریک ہزاروں افراد نے غمزدہ خاندان سے اظہار تعزیت کیا اور مرحوم کے ایصال ثواب کے لیے دعا کی۔ وزیر اعلیٰ خیبرپی کے علی امین گنڈاپور نے بھی سینیٹر مشتاق احمد خان کے بھائی کے قتل کی مذمت کرتے ہوئے ان سے واقعے پر تعزیت کا اظہار کیا ہے۔ انہوں نے کہا کہ مشتاق احمد خان کے بھائی شکیل خان کا بہیمانہ قتل افسوسناک ہے، ملزم کو قانون کے مطابق سخت سزا دی جائے گی۔
.ذریعہ: Nawaiwaqt
کلیدی لفظ: مشتاق احمد خان کے بھائی امیر جماعت اسلامی سینیٹر مشتاق احمد شکیل احمد خان کرتے ہوئے کہا کہ
پڑھیں:
صوابی، سابق سینیٹر مشتاق احمد کے بھائی شکیل احمد کی نماز جنازہ آبائی گاؤں میں ادا
واضح رہے کہ ڈی پی او صوابی کے مطابق گزشتہ رات سینیٹر مشتاق احمد خان کے بڑے بھائی شکیل احمد ہمسائے کی فائرنگ سے جاں بحق ہوگئے تھے، ملزم نے پہلے والد کا قتل کیا، مقتول شکیل خان بیچ بچاؤ کیلئے گئے تھے، اسی دوران فائرنگ کا نشانہ بن گئے۔ اسلام ٹائمز۔ جماعت اسلامی خیبرپختونخوا کے سابق امیر اور سینیٹر مشتاق احمد خان کے بھائی شکیل احمد خان کی نماز جنازہ ادا کر دی گئی۔ مرحوم کی نماز جنازہ آبائی گاؤں احد خان میں ادا کی گئی، سابق سینیٹر مشتاق احمد نے اپنے بھائی کی نماز جنازہ پڑھائی۔ نماز جنازہ میں امیر جماعت اسلامی پاکستان حافظ نعیم الرحمان، راہنما تحریک انصاف اسد قیصر سمیت ہزاروں افراد نے شرکت کی۔
اس موقع پر مشتاق احمد نے مطالبہ کیا کہ میرے بھائی کے قاتل کو فی الفور گرفتار کیا جائے گا۔ واضح رہے کہ ڈی پی او صوابی کے مطابق گزشتہ رات سینیٹر مشتاق احمد خان کے بڑے بھائی شکیل احمد ہمسائے کی فائرنگ سے جاں بحق ہوگئے تھے، ملزم نے پہلے والد کا قتل کیا، مقتول شکیل خان بیچ بچاؤ کیلئے گئے تھے، اسی دوران فائرنگ کا نشانہ بن گئے۔
دوسری جانب سابق سینیٹر مشتاق احمد کے بھائی کے قتل کا مقدمہ صوابی کے تھانہ کالو خان میں درج کر لیا گیا ہے۔ مقدمہ بھائی ریاض احمد کے مدعیت میں درج کیا گیا، ایف آئی آر کے مطابق شکیل احمد کو گھر کے سامنے گولیاں مار کر قتل کیا گیا، ملزم کامران نے پہلے اپنے والد کو قتل کیا، بیچ بچاؤ کرانے پر شکیل احمد خان کو بھی فائرنگ کا نشانہ بنایا۔ ایف آئی آر میں کہا گیا کہ مقدمے میں نامزد ملزم کامران تاحال فرار ہے۔
فیفا کا پاکستان فٹبال فیڈریشن بارے بڑا اعلان