پیپلزپارٹی اپنے موقف پرڈٹی رہی تو فارورڈ بلاک بن جائیگا: شیر افضل مروت
اشاعت کی تاریخ: 10th, March 2025 GMT
اسلام آباد (نیٹ نیوز) سابق رہنما پی ٹی آئی شیرافضل مروت نے کہا ہے پی ٹی آئی میں نامعقول مشوروں کی وجہ سے غلط فیصلے ہو رہے ہیں۔ نجی ٹی وی سے گفتگو کرتے ہوئے شیرافضل مروت نے کہا پی ٹی آئی کا مسئلہ یہ ہے وہ ایک فیصلے پرٹکتی نہیں، عمران خان کو نامعقول مشورے دیئے جاتے ہیں۔ انہوں نے کہا نامعقول مشوروں کی وجہ سے غلط فیصلے ہورہے ہیں،سندھ میں پیپلزپارٹی کی کارکردگی سے مایوس ہوا ہوں،میں خود کوتو پی ٹی آئی میں ہی سمجھتا ہوں، جن لوگوں نے پارٹی کودھوکہ دیا اورپیسے لیے وہ پارٹی میں ہیں۔ سازشیں کرنیوالا فتنہ گروپ پارٹی میں غلط فیصلے کرا رہا ہے، پچھلی دفعہ بھی پی ٹی آئی ایم این ایزکودو،دوارب کی آفرہوئی تھی، اب پھرسن رہا ہوں ایم این ایزکوپیسوں کی آفرہورہی ہے۔شیرافضل مروت نے کہا میں نے بانی پی ٹی آئی کیلیے دوارب چھوڑ دیئے تھے، ان کی نشست پر پیسہ لینا میرے لیے حرام ہے۔ایک سوال پر کہا پیپلزپارٹی اپنے موقف پرڈٹی رہی توفارورڈ بلاک بن جائے گا، مولانا فضل الرحمان سے انقلابی بننے کی توقع غلط ہے، مولانا صاحب اپوزیشن میں ہیں ہی نہیں۔
.ذریعہ: Nawaiwaqt
کلیدی لفظ: پی ٹی ا ئی نے کہا
پڑھیں:
ایپل کا پہلا فولڈ ایبل آئی فون کب متعارف کروایا جائیگا ؟ تاریخ سامنے آگئی
اب تک متعدد کمپنیوں نے فولڈ ایبل فون تیار کیے ہیں مگر ایپل نے ایسا کوئی آئی فون تیار نہیں کیا۔اب ایک رپورٹ میں بتایا گیا ہے کہ ایپل کا پہلا فولڈ ایبل آئی فون کب تک متعارف کرایا جاسکتا ہے۔
ایپل کے حوالے سے اکثر مستند لیکس کرنے والے تجزیہ کار منگ چی کیو کے مطابق کمپنی کی جانب سے پہلا فولڈ ایبل آئی فون 2026 کے آخر یا 2027 کے شروع میں متعارف کرانے کی منصوبہ بندی کی جا رہی ہے۔انہوں نے بتایا کہ ایپل کا پہلا فولڈ ایبل آئی فون بک اسٹائل کا ہوگا یعنی آپ ڈسپلے کو کسی کتاب کی طرح کھول یا بند کرسکیں گے۔
فولڈ ایبل آئی فون بند ہونے پر 5.5 انچ ڈسپلے سے لیس ہوگا جبکہ اسے کھولا جائے گا تو اس کی اسکرین 7.8 انچ کی ہو جائے گی۔منگ چی کیو کے مطابق اس آئی فون کی قیمت 2 سے ڈھائی ہزار ڈالرز کے درمیان ہونے کا امکان ہے۔اتنی زیادہ قیمت کے باوجود تجزیہ کار کے خیال میں ایپل کا یہ مہنگا ترین آئی فون فروخت کے نئے ریکارڈز قائم کرے گا۔
واضح رہے کہ ایپل واضح بڑی اسمارٹ فون کمپنی ہے جو اب تک کوئی فولڈ ایبل ڈیوائس متعارف نہیں کراسکی۔کئی برسوں سے فولڈ ایبل آئی فون یا آئی پیڈ کی تیاری کی رپورٹس سامنے آرہی ہیں مگر اب تک کمپنی کو مختلف مسائل کے باعث کام روکنا پڑا۔
اس سے قبل دسمبر 2024 میں بلومبرگ کی ایک رپورٹ میں بھی بتایا گیا تھا کہ ایپل کی جانب سے بک اسٹائل فولڈ ایبل فون سب سے پہلے متعارف کرایا جائے گا۔اس رپورٹ میں مزید بتایا گیا کہ یہ فولڈ ایبل آئی فون لچکدار او ایل ای ڈی ڈسپلے سے لیس ہوگا اور ہزاروں بار کھولنے بند کرنے سے بھی اسے نقصان نہیں پہنچے گا۔اس کے اندر نیا طاقتور پراسیسر ہوگا جبکہ کیمرا سسٹم بھی بہترین ہوگا۔
رمضان المبارک میں بینکوں کے اوقات کار جاری