اپوزیشن الائنس کی قیادت کا ہماری طرف سےکوئی مطالبہ نہیں، حافظ حمد اللہ
اشاعت کی تاریخ: 9th, March 2025 GMT
ایک نجی ٹی وی چینل کے پروگرام میں گفتگو کرتے ہوئے راہنما جے یو (ف) کا کہنا تھا کہ پی ٹی آئی کے ساتھ سڑکوں کی سیاست کا فیصلہ پارٹی ہی کرے گی، پی ٹی آئی دیکھے کہ وزیراعلیٰ خیبرپختونخوا کی وجہ سے ہمیں نقصان ہو رہا ہے یا ان کو، ہم اسی پوزیشن پر اپوزیشن کا کردار ادا کریں گے۔ اسلام ٹائمز۔ راہنما جے یو آئی (ف) حافظ حمد اللہ نے کہا ہے کہ اپوزیشن الائنس کی قیادت کا ہماری طرف سے کوئی مطالبہ نہیں۔ ایک نجی ٹی وی چینل کے پروگرام میں گفتگو کرتے ہوئے حافظ حمد اللہ کا کہنا تھا کہ کل صدر کے خطاب کےدوران پی ٹی آئی نے ہم سےرابطہ نہیں کیا، جب پی ٹی آئی رابطہ کرے گی پھر کوئی فیصلہ ہوگا، مولانا فضل الرحمان کی آج مصروفیت تھی، ابھی اسد قیصر کا مولانا فضل الرحمان سےرابطہ نہیں ہوا۔
انہوں نے کہا کہ کل جے یو آئی کی حکمت عملی کیا ہوگی ابھی فیصلہ نہیں ہوا ،دیکھتے ہیں اسد قیصر کب مولانا سے رابطہ کرتے ہیں، 13 سالہ تلخی کو نظر انداز کرکے ہم پی ٹی آئی سے رابطے میں تھے،پ ی ٹی آئی سے ایسے بیانات آرہے ہیں جس کا ہمیں افسوس ہے، پی ٹی آئی الائنس چاہتی ہے لیکن منفی بیانات سے ہمیں کنفوژ بھی کر رہی ہے۔
راہنما جے یو (ف) کا کہنا تھا کہ پی ٹی آئی کے ساتھ سڑکوں کی سیاست کا فیصلہ پارٹی ہی کرے گی، پی ٹی آئی دیکھے کہ علی امین گنڈا پور کی وجہ سے ہمیں نقصان ہو رہا ہے یا ان کو، ہم اسی پوزیشن پر اپوزیشن کا کردار ادا کریں گے، حکومتی بنچوں پر بیٹھنا اپنے پاؤں پر کلہاڑی مارنے کے مترادف ہوگا، آخر میں ایک سوال کے جواب میں حافظ حمد اللہ کا مزید کہنا تھا کہ اپوزیشن الائنس کی قیادت کا ہماری طرف سے کوئی مطالبہ نہیں۔
ذریعہ: Islam Times
کلیدی لفظ: حافظ حمد اللہ کہنا تھا کہ پی ٹی آئی
پڑھیں:
پی ٹی آئی نے نفرت کی سیاست پروان چڑھائی آج تقسیم کا شکار ہے، عطا اللہ تارڑ
پی ٹی آئی نے نفرت کی سیاست پروان چڑھائی آج تقسیم کا شکار ہے، عطا اللہ تارڑ WhatsAppFacebookTwitter 0 8 March, 2025 سب نیوز
وزیر آباد(آئی پی ایس ) وفاقی وزیر اطلاعات عطا اللہ تارڑ کا کہنا ہے کہ پی ٹی آئی نے نفرت کی سیاست کو پروان چڑھایا آج خود تقسیم کا شکار ہے۔عطا اللہ تارڑ کا گکھڑ پہنچنے پر شاندار استقبال کیا ،پھولوں کے ساتھ نوٹوں کی برسات بھی کی گئی ، انہیں بگھی پر بٹھا کر ان کے آبائی علاقہ پیر کوٹ لے جایا گیا۔وزیر آباد میں کارکنوں سے خطاب کرتے ہوئے ان کا کہنا تھا کہ آج پورا پاکستان مسلم لیگ ن کی قیادت سے خوش ہے،
ماضی میں سابقہ حکومت نے عوام کو اندھیرے کی طرف دھکیلا، مسلم لیگ کی حکومت ہمیشہ عوام کے لیے تعمیر و ترقی کی علامت رہی ہے۔عطا تارڑ نے کہا کہ وزیرآباد گکھڑ کا قرض ہے ہم اسی شہر کی وجہ سے میری پہچان ہے جو واپس کرنے آئے ہیں، وزیرآباد جی ٹی روڈ پورا دیکھ لے آپ کو کہیں ایسا پیچ نہ ملے گا جہاں اتنے ترقیاتی کام ہو رہے ہیں، حکومتی اقدامات سے معیشت درست سمت میں گامزن ہے، مسلم لیگ ن نے ہمیشہ عوام کی خدمت کی، نواز شریف کی قیادت میں ملک کو ہمیشہ بحرانوں سے نکالا۔وزیر اطلاعات کا کہنا تھا کہ ہماری حکومت نے ملک کو دیوالیہ ہونے سے بچایا،
پوری دنیا کے مالیاتی ادارے پاکستان کی آج تعریف کر رہے ہیں، وزیر اعظم نے دن رات محنت کرکے ملک کی معیشت کو استحکام دیا۔انہوں نے کہا کہ بانی پی ٹی آئی نے 190ملین پانڈ کی ڈکیتی کی، پی ٹی آئی نے ملک کو بہت نقصان پہنچایا، یہ وہ لوگ تھے جنھوں نے پاکستان کی بہتری کے لیے ایک اینٹ نہیں لگائی۔عطا تارڑ کا مزید کہنا تھا کہ پی ٹی آئی نے اپنے دور حکومت میں ملکی ترقی کا سفر روکا، ہم 28 مئی والے ہیں 9 مئی والے نہیں، آج پی ٹی آئی دس حصوں میں تقسیم ہوچکی ہے، اس پارٹی نے ہمیشہ نفرت اور لوٹ مار کی سیاست کی۔
مہنگائی کی شرح کم ہو کر 3فیصد پر آ گئی،مزید نیچے لائیں گے، رانا ثنا اللہ