ویرات کوہلی کا چیمپیئنزٹرافی کے فائنل میں منفرد ریکارڈ
اشاعت کی تاریخ: 9th, March 2025 GMT
DUBAI:
بھارت کے مایہ ناز بلے باز ویرات کوہلی نے چیمپیئنزٹرافی کے فائنل میں میچ میں منفرد ریکارڈ بنا کر اپنے ملک کے لیے یہ اعزاز حاصل کرنے والے سچن ٹنڈولکر جیسے عظیم کھلاڑی کے بعد دوسرے کرکٹر بن گئے ہیں۔
ویرات کوہلی نے دبئی میں کھیلے گئے چیمپیئنزٹرافی کے فائنل میں خاطر خواہ کارکردگی تو نہیں دکھائی تاہم وہ مسلسل تیسری مرتبہ چیمپیئنزٹرافی کا فائنل کھیلنے اعزاز حاصل کر گئے۔
نیوزی لینڈ کے خلاف چیمپیئنزٹرافی کا فائنل میچ کوہلی کے انٹرنیشنل کیرئیر کا 550 واں میچ تھا جو سچن ٹنڈولکر کے بعد بھارت کی جانب سے سب سے زیادہ میچوں کا ریکارڈ ہے۔
بھارت کے لیے انٹرنیشنل کرکٹ میں سب سے زیادہ میچز کھیلنے کا ریکارڈ سچن ٹنڈولکر کے پاس ہے جنہوں نے 2013 میں ریٹائرمنٹ سے قبل 200 ٹیسٹ، 463 ون ڈے اور ایک ٹی ٹوئنٹی انٹرنیشنل کھیلا تھا۔
ویرات کوہلی اب تک 123 ٹیسٹ، 302 ون ڈے اور 125 ٹی20 انٹرنیشنل میچز کھیل چکے ہیں۔
بھارت کے لیے عالمی سطح پر سب سے زیادہ کرکٹ میچز کھیلنے والے کھلاڑیوں کی فہرست میں سچن ٹنڈولکر 664 میچوں کے ساتھ پہلے، ویرات کوہلی 550 میچوں کے ساتھ دوسرے، ایم ایس دھونی 538 میچوں کے ساتھ تیسرے، راہول ڈریوڈ 509 اور روہت شرما 499 انٹرنیشنل میچوں کے سات بالترتیب چوتھے اور پانچویں نمبر پر موجود ہیں۔
ویرات کوہلی نے چیمپیئنزٹرافی میں مجموعی طور پر 218 رنز بنائے، جس میں پاکستان کے خلاف گروپ میچ میں سنچری بھی شامل ہے تاہم نیوزی لینڈ کے رویندرا سے رواں ایونٹ میں سب سے زیادہ رنز بنانے کا اعزاز چھین نہ سکے۔
.ذریعہ: Express News
کلیدی لفظ: ویرات کوہلی سچن ٹنڈولکر سب سے زیادہ میچوں کے
پڑھیں:
بھارت نے نیوزی لینڈ کو شکست دے کر چیمپیئنزٹرافی جیت لی
دبئی(سپورٹس ڈیسک)بھارت نے آئی سی سی چیمپئنز ٹرافی 2025 کے فائنل میں نیوزی لینڈ کو 4 وکٹوں سے شکست دے۔
دبئی انٹرنیشنل کرکٹ اسٹیڈیم میں جاری میچ میں نیوزی لینڈ نے پہلے بیٹنگ کرتے ہوئے مقررہ 50 اوورز میں 7 وکٹوں کے نقصان پر 251 رنز بنائے۔
کیویز کی جانب سے ڈیری مچل 63 رنز بنا کر نمایاں رہے، ان کے علاوہ مچل بریسویل 53 رنز بنا کر ناٹ آؤٹ رہے، ان دونوں کے سوا کوئی کیوی بلے باز خاطر خواہ کارکردگی نہ دکھا سکا۔
ول ینگ 15، راچن رویندرا 37، کین ولیمسن 11، ٹام لیتھم 14 اور گلین فلپس 34، رنز بناکر آؤٹ ہوگئے۔
بھارت کی طرف سے کلدیپ یادو اور ورون چکرورتھی نے 2، 2، رویندرا جڈیجا اور محمد شامی نے ایک، ایک وکٹ حاصل کی۔
نیوزی لینڈ کے 251 رنز کے تعاقب میں بھارت کے کپتان روہت شرما نے اپنے روایتی انداز میں بیٹنگ کی اور تیز کھیلتےہوئے نصف سنچری مکمل کی، پہلی وکٹ کی شراکت میں شبمن گل کے ساتھ انہوں نے 105 کا مجموعہ کھڑا کردیا۔
شبمن گل کا ایک خطرناک کیچ گلین فلپس نے لیا، جنہوں نے 50 گیندوں پر 31 رنز بنائے تھے۔
مایہ ناز بلے باز ویرات کوہلی چمپیئنزٹرافی کے فائنل میں نیوزی لینڈ کے خلاف مکمل طور پر ناکام ہوئے اور محض دو گیندوں کا سامنا کرنے کے بعد ایک رن بنا کر بریسویل کو وکٹ دے گئے۔
روہت شرما 122 کے اسکور پر آؤٹ ہوئے اور یوں بھارت کی تیسری وکٹ گرگئی، شرما نے 7 چوکے اور 3 چھکوں کی مدد سے 76 رنز بنائے اور رویندرا کی گیند پر وکٹ کیپر ٹام لیتھام نے انہیں اسٹمپ کر دیا۔
شریاس آئر نے تجربہ کار بلے بازوں کے آؤٹ ہونے کے بعد ذمہ داری بیٹنگ کی تاہم وہ دو رنز کے فرق سے اپنی نصف سنچری مکمل نہ کرپائے اور 183 کے اسکور پر رویندرا کے اچھے کیچ کا نشانہ بنے۔
شریاس آئر کو اس سے قبل ول ینگ نے ایک آسان کیچ گرا کر زبردست موقع فراہم کیا تھا، جس کا انہوں نے بھرپور فائدہ اٹھایا تو دو چوکوں اور دو چھکوں کی مدد سے 48 رنز بنائے۔
آکشر پٹیل 29 رنز بنا کر بریسویل کی گیند پر آؤٹ ہوگئے، جس کے بعد ہارڈک پانڈیا بیٹنگ کے لیے آئے اور کے ایل راہول کے ساتھ اچھی شراکت قائم کرتے ہوئے ٹیم کو جیت کے قریب لاکر آؤٹ ہوگئے، ان کی اننگز 18 رنز تک محدود رہی۔
قبل ازیں کیوی کپتان مچل سینٹنر نے ٹاس جیت کر پہلے بیٹنگ کا فیصلہ کیا تھا، انکا کہنا تھا کہ کوشش ہوگی حریف ٹیم کیخلاف بڑا ٹارگٹ سیٹ کریں اور پریشر بڑھائیں۔
اس موقع پر بھارتی کپتان روہت شرما نے کہا کہ جلد وکٹیں لیکر کیویز پر پریشانی بڑھانا چاہتے ہیں، کوشش کریں گے ایک اور آئی سی سی ٹرافی وطن واپس لیکر جائیں۔
واضح رہے کہ آئی سی سی چیمپئنز ٹرافی کے فائنل میں بھارت پانچویں اور نیوزی لینڈ تیسری بار پہنچا ہے، دونوں ٹیمیں ایک ایک بار چیمپئنز ٹرافی اپنے نام کرچکی ہیں۔
نیوزی لینڈ نے 2000ء میں بھارت کو شکست دے کر پہلی بار ٹرافی جیتی تھی جبکہ 2009 میں دوسری بار اسے آسٹریلیا سے شکست کا سامنا کرنا پڑا تھا۔
بھارت پہلی بار 2000ء میں فائنل میں پہنچا تھا جہاں انہیں نیوزی لینڈ کے ہاتھوں شکست کا سامنا کرنا پڑا۔
دوسری مرتبہ 2002ء میں بارش کے باعث بھارت اور سری لنکا کو مشترکہ فاتح قرار دیا گیا۔
تیسری مرتبہ 2013ء میں بھارت نے انگلینڈ کو شکست دے کر ٹرافی جیتی۔
بھارت 2017ء میں آئی سی سی چیمپئنز ٹرافی کے فائنل میں پاکستان سے ہارا تھا۔
نیوزی لینڈ کا اسکواڈ:
کپتان مچل سینٹنر، ول ینگ، راچن رویندرا، کین ولیمسن، ڈیرل مچل، ٹام لیتھم، گلین فلپس، مائیکل بریسویل، کائل جیمیسن، نیتھن اسمتھ اور ول او رویک
بھارت کا اسکواڈ:
کپتان روہت شرما، شبمن گل، ویرات کوہلی، شریاس آئیر، اکشر پٹیل، کے ایل راہول، ہاردک پانڈیا، رویندرا جڈیجا، کلدیپ یادیو، محمد شامی اور ورون چکرورتی
مزیدپڑھیں:ویزا سکینڈل: پاکستانی سفارت خانے سے لاکھوں جعلی ویزے جاری، غیر قانونی افغان شہریوں کی یلغار
مہنگائی کی شرح کم ہو کر 3فیصد پر آ گئی،مزید نیچے لائیں گے، رانا ثنا اللہ