چیمپیئنز ٹرافی فائنل: شعیب اختر نے پی سی بی پر بڑا سوال اٹھا دیا
اشاعت کی تاریخ: 9th, March 2025 GMT
لیجنڈ پاکستانی کرکٹر شعیب اختر نے آئی سی سی چیمپیئنز ٹرافی کے حوالے سے پاکستان کرکٹر بورڈ پر بڑا سوال اٹھا دیا۔
یہ بھی پڑھیں بھارت نے نیوزی لینڈ کو 4 وکٹوں سے شکست دے کر آئی سی سی چیمپیئنز ٹرافی کا ٹائٹل اپنے نام کرلیا
بھارت نے نیوزی لینڈ کو فائنل میں 4 وکٹوں سے شکست دے کر چیمپیئنز ٹرافی کا ٹائٹل اپنے نام کرلیا ہے۔
شعیب اختر نے سوال اٹھایا ہے کہ پاکستان چیمپیئنز ٹرافی کا میزبان تھا لیکن آج مجھے اس بات پر حیرانی ہوئی کہ پی سی بی کا کوئی بھی نمائندہ دبئی میں موجود نہیں تھا۔
انہوں نے کہاکہ یہ سب میرے سمجھ سے باہر ہے لیکن آج پاکستان کرکٹ بورڈ کے کسی نمائندے کو یہاں پر موجود ہونا چاہیے تھا، کیوں کہ ہم ایونٹ کے میزبان تھے۔
واضح رہے کہ پاکستان آئی سی سی چیمپیئنز ٹرافی 2025 کا میزبان تھا تاہم قومی کرکٹ ٹیم ناقص کارکردگی کے باعث ایونٹ سے باہر ہوگئی تھی۔
یہ بھی پڑھیں چیمپیئنز ٹرافی میں ناقص کارکردگی کے باوجود سرفراز احمد کا قومی کرکٹ ٹیم کا دفاع
قومی کرکٹ ٹیم ایونٹ میں ایک بھی میچ جیتنے میں ناکام رہی، تاہم بنگلہ دیش کے خلاف آخری گروپ میچ بارش کی نذر ہونے کے باعث پاکستان ٹیم کو ایک پوائنٹ مل سکا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی سی سی بڑا سوال پی سی بی چیمپیئنز ٹرافی میزبان وی نیوز.ذریعہ: WE News
کلیدی لفظ: بڑا سوال پی سی بی چیمپیئنز ٹرافی وی نیوز چیمپیئنز ٹرافی
پڑھیں:
چیمپیئنز ٹرافی؛ فائنل سے قبل نیوزی لینڈ کو بڑا دھچکا، اہم فاسٹ بولر انجرڈ
کراچی:آئی سی سی چیمپیئنز ٹرافی میں بھارت کے خلاف فائنل سے قبل نیوزی لینڈ کے اہم فاسٹ بولر انجرڈ ہوگئے۔
کیوی ہیڈ کوچ نے دبئی میں میڈیا سے گفتگو میں کہا کہ فاسٹ بولر میٹ ہنری ان فٹ ہوگئے ہیں، انکی اسکین رپورٹ موصول ہوگئی ہے تاہم میچ سے پہلے ان کے کھیلنے کا فیصلہ ہوگا۔
فاسٹ بولر نے بھارت کے خلاف گروپ میچ میں 8اوورز میں 5 وکٹیں لی تھیں۔
مزید پڑھیں؛ نیوزی لینڈ نے جنوبی افریقا کو شکست دے کر فائنل میں جگہ بنالی
میٹ ہنری لاہور میں جنوبی افریقا کے خلاف سیمی فائنل میچ کے دوران کیچ لیتے ہوئے انجری کا شکار ہوئے تھے۔ 33 سالہ بولر نے انجری کے باوجود اپنے آخری دو اوورز کروائے تھے۔
واضح رہے کہ نیوزی لینڈ نے سیمی فائنل میں جنوبی افریقا کو 50 رنز سے شکست دی تھی۔ پروٹیز 363 رنز کے تعاقب میں مقررہ 50 اوورز میں 9 وکٹوں پر 312 رنز بنا سکے تھے۔
مزید پڑھیں؛ چیمپئنز ٹرافی: جنوبی افریقا کے ڈیوڈ ملر کی سنسنی خیز سنچری
جنوبی افریقا کی جانب سے ڈیوڈ ملر نے کھیل کے آخری اوور میں اپنی شاندار سنچری بھی اسکور کی تھی۔
چیمپیئنز ٹرافی کا فائنل بھارت اور نیوزی لینڈ کے درمیان اتوار 9 مارچ کو دبئی انٹرنیشنل کرکٹ اسٹیڈیم میں کھیلا جائے گا۔ ایونٹ میں بھارتی ٹیم اب تک ناقابل شکست ہے۔
کراچی میں سحری کے وقت گیس کی عدم فراہمی پر ایم کیو ایم کا اظہارِ تشویش