بھارت نے نیوزی لینڈ کو شکست دے کر چیمپیئنزٹرافی جیت لی
اشاعت کی تاریخ: 9th, March 2025 GMT
دبئی(سپورٹس ڈیسک)بھارت نے آئی سی سی چیمپئنز ٹرافی 2025 کے فائنل میں نیوزی لینڈ کو 4 وکٹوں سے شکست دے۔
دبئی انٹرنیشنل کرکٹ اسٹیڈیم میں جاری میچ میں نیوزی لینڈ نے پہلے بیٹنگ کرتے ہوئے مقررہ 50 اوورز میں 7 وکٹوں کے نقصان پر 251 رنز بنائے۔
کیویز کی جانب سے ڈیری مچل 63 رنز بنا کر نمایاں رہے، ان کے علاوہ مچل بریسویل 53 رنز بنا کر ناٹ آؤٹ رہے، ان دونوں کے سوا کوئی کیوی بلے باز خاطر خواہ کارکردگی نہ دکھا سکا۔
ول ینگ 15، راچن رویندرا 37، کین ولیمسن 11، ٹام لیتھم 14 اور گلین فلپس 34، رنز بناکر آؤٹ ہوگئے۔
بھارت کی طرف سے کلدیپ یادو اور ورون چکرورتھی نے 2، 2، رویندرا جڈیجا اور محمد شامی نے ایک، ایک وکٹ حاصل کی۔
نیوزی لینڈ کے 251 رنز کے تعاقب میں بھارت کے کپتان روہت شرما نے اپنے روایتی انداز میں بیٹنگ کی اور تیز کھیلتےہوئے نصف سنچری مکمل کی، پہلی وکٹ کی شراکت میں شبمن گل کے ساتھ انہوں نے 105 کا مجموعہ کھڑا کردیا۔
شبمن گل کا ایک خطرناک کیچ گلین فلپس نے لیا، جنہوں نے 50 گیندوں پر 31 رنز بنائے تھے۔
مایہ ناز بلے باز ویرات کوہلی چمپیئنزٹرافی کے فائنل میں نیوزی لینڈ کے خلاف مکمل طور پر ناکام ہوئے اور محض دو گیندوں کا سامنا کرنے کے بعد ایک رن بنا کر بریسویل کو وکٹ دے گئے۔
روہت شرما 122 کے اسکور پر آؤٹ ہوئے اور یوں بھارت کی تیسری وکٹ گرگئی، شرما نے 7 چوکے اور 3 چھکوں کی مدد سے 76 رنز بنائے اور رویندرا کی گیند پر وکٹ کیپر ٹام لیتھام نے انہیں اسٹمپ کر دیا۔
شریاس آئر نے تجربہ کار بلے بازوں کے آؤٹ ہونے کے بعد ذمہ داری بیٹنگ کی تاہم وہ دو رنز کے فرق سے اپنی نصف سنچری مکمل نہ کرپائے اور 183 کے اسکور پر رویندرا کے اچھے کیچ کا نشانہ بنے۔
شریاس آئر کو اس سے قبل ول ینگ نے ایک آسان کیچ گرا کر زبردست موقع فراہم کیا تھا، جس کا انہوں نے بھرپور فائدہ اٹھایا تو دو چوکوں اور دو چھکوں کی مدد سے 48 رنز بنائے۔
آکشر پٹیل 29 رنز بنا کر بریسویل کی گیند پر آؤٹ ہوگئے، جس کے بعد ہارڈک پانڈیا بیٹنگ کے لیے آئے اور کے ایل راہول کے ساتھ اچھی شراکت قائم کرتے ہوئے ٹیم کو جیت کے قریب لاکر آؤٹ ہوگئے، ان کی اننگز 18 رنز تک محدود رہی۔
قبل ازیں کیوی کپتان مچل سینٹنر نے ٹاس جیت کر پہلے بیٹنگ کا فیصلہ کیا تھا، انکا کہنا تھا کہ کوشش ہوگی حریف ٹیم کیخلاف بڑا ٹارگٹ سیٹ کریں اور پریشر بڑھائیں۔
اس موقع پر بھارتی کپتان روہت شرما نے کہا کہ جلد وکٹیں لیکر کیویز پر پریشانی بڑھانا چاہتے ہیں، کوشش کریں گے ایک اور آئی سی سی ٹرافی وطن واپس لیکر جائیں۔
واضح رہے کہ آئی سی سی چیمپئنز ٹرافی کے فائنل میں بھارت پانچویں اور نیوزی لینڈ تیسری بار پہنچا ہے، دونوں ٹیمیں ایک ایک بار چیمپئنز ٹرافی اپنے نام کرچکی ہیں۔
نیوزی لینڈ نے 2000ء میں بھارت کو شکست دے کر پہلی بار ٹرافی جیتی تھی جبکہ 2009 میں دوسری بار اسے آسٹریلیا سے شکست کا سامنا کرنا پڑا تھا۔
بھارت پہلی بار 2000ء میں فائنل میں پہنچا تھا جہاں انہیں نیوزی لینڈ کے ہاتھوں شکست کا سامنا کرنا پڑا۔
دوسری مرتبہ 2002ء میں بارش کے باعث بھارت اور سری لنکا کو مشترکہ فاتح قرار دیا گیا۔
تیسری مرتبہ 2013ء میں بھارت نے انگلینڈ کو شکست دے کر ٹرافی جیتی۔
بھارت 2017ء میں آئی سی سی چیمپئنز ٹرافی کے فائنل میں پاکستان سے ہارا تھا۔
نیوزی لینڈ کا اسکواڈ:
کپتان مچل سینٹنر، ول ینگ، راچن رویندرا، کین ولیمسن، ڈیرل مچل، ٹام لیتھم، گلین فلپس، مائیکل بریسویل، کائل جیمیسن، نیتھن اسمتھ اور ول او رویک
بھارت کا اسکواڈ:
کپتان روہت شرما، شبمن گل، ویرات کوہلی، شریاس آئیر، اکشر پٹیل، کے ایل راہول، ہاردک پانڈیا، رویندرا جڈیجا، کلدیپ یادیو، محمد شامی اور ورون چکرورتی
مزیدپڑھیں:ویزا سکینڈل: پاکستانی سفارت خانے سے لاکھوں جعلی ویزے جاری، غیر قانونی افغان شہریوں کی یلغار
ذریعہ: Daily Ausaf
کلیدی لفظ: چیمپئنز ٹرافی کے فائنل میں نیوزی لینڈ میں بھارت روہت شرما
پڑھیں:
چیمپیئنز ٹرافی 2025 فائنل: بھارت اور نیوزی لینڈ کا ہیڈ ٹو ہیڈ ریکارڈ
ناقابل شکست بھارت آج دبئی میں ہونے والے آئی سی سی چیمپیئنز ٹرافی 2025 کے فائنل میچ میں ایک مضبوط ٹیم نیوزی لینڈ کا مقابلہ کرے گا۔ اعزازات سے بھرپور ٹورنامنٹ میں نئے چیمپیئن کو ٹرافی اٹھانے کے لیے 8 سال کا طویل انتظار آج مکمل ہوجائے گا۔
دلچسپ بات یہ ہے کہ بھارت نے آخری چیمپیئنز ٹرافی فائنل میں 2017 میں گرین شرٹس کا سامنا کیا تھا، جب پاکستان کے ہاتھوں انہیں شکست ہوئی تھی اور وہ مسلسل دوسرے آئی سی سی ٹائٹل سے محروم ہو گئے تھے۔ تاہم اس بار بھارت نے مسلسل 3 چیمپیئنز ٹرافی فائنلز تک رسائی حاصل کرنے والی پہلی ٹیم بننے کا اعزاز حاصل کیا ہے۔
Tell us your predictions for Sunday’s #ChampionsTrophy Final ????
How to watch ➡️ https://t.co/S0poKnwS4p pic.twitter.com/MZ2yz4NeuN
— ICC (@ICC) March 9, 2025
بھارت اور نیوزی لینڈ کو ایک ہی گروپ میں رکھا گیا تھا، اور ان کے گروپ مقابلے میں بھارت نے 44 رنز سے فتح حاصل کی تھی، جس کے بعد بھارت نے گروپ اے میں 3 مسلسل کامیابیاں حاصل کرکے پہلی پوزیشن حاصل کی تھی۔
سیمی فائنل میچ میں بھارت نے او ڈی آئی ورلڈ چیمپیئنز آسٹریلیا کے خلاف 4 وکٹوں سے جیت کر فائنل میں جگہ بنائی جبکہ 2000 کے چیمپیئن نیوزی لینڈ، جس نے گروپ اے میں دوسری پوزیشن حاصل کی تھی، نے لاہور میں جنوبی افریقہ کو بھاری مارجن سے شکست دی تھی۔
بھارت او ڈی آئی ہیڈ ٹو ہیڈ ریکارڈ میں نیوزی لینڈ پر معمولی برتری رکھتا ہے، اس نے 119 میں سے 61 میچز جیتے ہیں، جبکہ سیاہ کیپس نے 50 بار فتح حاصل کی ہے۔ ایک میچ ڈرا ہوا، اور 7 میچز کا کوئی نتیجہ نہیں نکلا۔
The New Zealand captain is confident of his team’s ability ahead of the #ChampionsTrophy Final
More from Mitchell Santner ▶️https://t.co/1nUEF7mnrc pic.twitter.com/vgoTyITBFz
— ICC (@ICC) March 9, 2025
آئی سی سی ٹورنامنٹس کی تاریخ میں دونوں ٹیمیں برابر ہیں، ہر ٹیم نے 10 ورلڈ کپ میچز اور 2 چیمپئنز ٹرافی مقابلوں میں 6، چھ میچز جیتے ہیں۔ ان کے ورلڈ کپ مقابلے 5-5 سے برابر ہیں، جبکہ چیمپیئنز ٹرافی میں یہ 1-1 ہے۔
آئی سی سی کے ناک آؤٹ میچز میں نیوزی لینڈ کا غلبہ رہا ہے، اس نے 4 میں سے 3 مقابلے جیتے ہیں۔
Shubman Gill will draw from his #CricketWorldCup Final experience for the #ChampionsTrophy summit clash ????
More ➡️ https://t.co/CPkA0XIgwi pic.twitter.com/N87TQgjBZA
— ICC (@ICC) March 8, 2025
– 2000 چیمپیئنز ٹرافی فائنل – نیوزی لینڈ کی جیت
– 2019 ورلڈ کپ سیمی فائنل – نیوزی لینڈ کی جیت
– 2021 ورلڈ ٹیسٹ چیمپیئن شپ فائنل – نیوزی لینڈ کی جیت
– 2023 ورلڈ کپ سیمی فائنل – بھارت کی جیت
بھارت کی کوشش ہوگی کہ وہ چیمپیئنز ٹرافی کا اعزاز جیتے اور بلیک کیپس کے خلاف اپنی ناکامیوں کا بدلہ لے سکے۔ تاریخ، فارم، اور اعلیٰ حکمتِ عملی پر جیتنے کی خواہش کے ساتھ، فائنل ایک سنسنی خیز مقابلہ ہونے کا امکان ہے، جہاں 2 عالمی معیار کی ٹیمیں آمنے سامنے ہوں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی بھارت چیمپیئنز ٹرافی دبئی نیوزی لینڈ
راولپنڈی: مقابلے میں مارا گیا نوجوان ڈکیت، متعدد وارداتوں میں ملوث تھا، پولیس