آئل مارکیٹنگ ایسوسی ایشن نے اوگرا کے نئے قوانین کو مسترد کردیا
اشاعت کی تاریخ: 9th, March 2025 GMT
آئل مارکیٹنگ ایسوسی ایشن نے اوگرا کے نئے قوانین کو مسترد کردیا WhatsAppFacebookTwitter 0 9 March, 2025 سب نیوز
اسلام آباد (سب نیوز)آئل مارکیٹنگ ایسوسی ایشن نے آئل اینڈ گیس ریگولیٹری اتھارٹی (اوگرا)کے نئے قوانین کو مسترد کردیا۔
رپورٹ کے مطابق آئل مارکیٹنگ ایسوسی ایشن آف پاکستان کے چیئرمین طارق وزیر علی نے چیئرمین اوگرا مسرور خان کو ایک خط دیا جس میں کہا گیا کہ ریفائنریز اور آئل مارکیٹنگ کمپنیوں (او ایم سی)کے درمیان سیلز پرچیز ایگریمنٹ (ایس پی اے)میں اس شق کا شامل کیا جانا غیر منصفانہ ہے، یہ قانون پہلے سے مشکلات کا شکار او ایم سیز کے لیے مزید مالی بحران پیدا کر سکتا ہے۔
آئل مارکیٹنگ ایسوسی ایشن نے کہا کہ اوگرا کو یہ قانون بنانے سے پہلے زمینی حقائق اور او ایم سیز کی مالی صورتحال کو مدنظر رکھنا چاہیے، ٹیک یا پے کا قانون صرف ریفائنریز اور بڑی آئل کمپنیوں کو فائدہ دے گا جبکہ چھوٹی کمپنیوں کو مزید مشکلات میں ڈال دے گا اور مجموعی طور پر تیل کی سپلائی چین متاثر ہوگی۔اس میں کہا گیا کہ ریفائنریاں اکثر قیمتوں میں اضافے کے دوران تیل کی فراہمی روک لیتی ہیں، جس کی وجہ سے او ایم سیز کو مہنگی پٹرولیم مصنوعات درآمد کرنی پڑتی ہیں، ملک میں غیر قانونی طریقے سے پیٹرولیم مصنوعات کی در آمد بھی مقامی مصنوعات کی طلب کو کم کر رہی ہے، جس سے او ایم سیز کو مزید مالی نقصان ہو رہا ہے۔
آئل مارکیٹنگ ایسوسی ایشن نے کہا کہ اوگرا سے مطالبہ ہے کہ تمام اسٹیک ہولڈرز بشمول چھوٹی اور درمیانی آئل کمپنیوں کے ساتھ مشاورت کی جائے، او ایم سیز کے دیرینہ مسائل جیسے تاخیر سے مصنوعات کی فراہمی اور امتیازی قیمتوں کے مسائل کو حل کیا جائے، مارکیٹ میں مسابقت کو فروغ دیا جائے تاکہ چھوٹی کمپنیاں بھی بہتر انداز میں کام کر سکیں۔
ذریعہ: Daily Sub News
کلیدی لفظ: آئل مارکیٹنگ ایسوسی ایشن نے
پڑھیں:
کار ساز کمپنیوں نےاپنی مقبول ترین گاڑیوں پر بڑی آفر لگادی
کراچی(کامرس ڈیسک)رمضان المبارک میں چنگان پاکستان اور کِیا، بینک الفلاح اور حبیب میٹرو کے ساتھ شراکت میں کار خریداروں کے لیے ایک شاندار موقع لے کر آئے ہیں تاکہ وہ آسانی سے اپنی خوابوں کی گاڑی گھر لے جا سکیں۔ خصوصی فنانسنگ آپشنز، نمایاں بچت کے ساتھ یہ محدود مدت کی پیشکش خریداروں کی عید کی خوشیوں کو مزہ دوبالا کردے گی۔
بالکل نئی کیا EV5 Air حاصل کریں، کمپنی نےحبیب میٹرو کے ساتھ شراکت کرتے ہوئے یہ منصوبہ شروع کیا جس کا ماہانہ کرایہ 128,854 روپے ہوگا، اور فکسڈ ریٹ KIBOR +1% پر دستیاب ہے۔
گاڑیوں کے شوقین آج ہی اپنے قریبی کیا ڈیلرشپ پر معلومات لے سکتے ہیں یا پھر 021-111-111-542 نمبر پر کال کریں.
چنگان ایلسون
سیڈان کے شوقین افراد کے لیے چنگان السون ایک بہترین انتخاب ہے، 3,749,000 روپے اس کی ابتدائی قیمت ہے،ایندھن کی بچت والی کار روزمرہ کے سفر اور طویل ڈرائیوز، دونوں کے لیے موزوں ہے۔
رمضان کی اس خصوصی آفر کے تحت، السون کے تمام ویریئنٹس پر 1,00,000 روپے کا انوائس ڈسکاؤنٹ دیا جا رہا ہے، جو اسے مزید سستی بنا دیتا ہے۔ جدید ڈیزائن، ایڈوانس فیچرز، اور شاندار آرام کے ساتھ، السون ایک اسٹائلش اور قابل اعتماد گاڑی خریدنے کے خواہشمند افراد کے لیے ایک بہترین سرمایہ کاری ہے۔
چنگان اوشان X7
اگر آپ ایک لگژری SUV کے خواہشمند ہیں، تو چنگان اوشان X7 آپ کو ایک بے مثال ڈرائیونگ کا تجربہ فراہم کرتا ہے۔ اس کی قیمت 8,099,000 روپے ہے، یہ فیچر سے بھرپور SUV، جس کے درج ذیل فوائد بھی ہیں۔
2,00,000 روپے کا انوائس ڈسکاؤنٹ
2,50,000 روپے کی پری پیڈ پیریوڈک مینٹیننس (PPM)
80,000 روپے کی ایکسیسریز (یہ سہولت صرف X7 فیوچر سینس 5-سیٹر ویریئنٹ پر دستیاب ہے)
یہ محدود مدت کی آفر ان لوگوں کے لیے ایک بہترین موقع ہے جو اپنی گاڑی کو اپ گریڈ کرنے کا ارادہ رکھتے ہیں، بینک الفلاح کی آسان فنانسنگ، رعایتی انشورنس، اور نمایاں قیمت میں کمی کے ساتھ، چنگان گاڑی میں سرمایہ کاری کرنے کا یہ بہترین وقت ہے۔
مزیدپڑھیں:سیمنٹ کے فی بیگ کی قیمت میں اچانک بڑا اضافہ، کتنے کا ہوگیا؟
کراچی، ٹریفک حادثے میں آن لائن موٹر سائیکل رائیڈر جاں بحق