خیبرپختونخواحکومت کی کارکردگی پر مقامی رہنما اور کارکنان ناخوش، اعلامیہ جاری کردیا
اشاعت کی تاریخ: 9th, March 2025 GMT
پشاور: خیبرپختونخواحکومت کی کارکردگی پر اپنے ہی پارٹی کے رہنماوں اورکارکنوں نے تنقید کے نشتر چلا دیئے۔
پشاور میں ترقیاتی کام نہ ہونے کےخلاف پی ٹی آئی کے ضلعی تنظیم چند دن قبل ہونے والے اجلاس کا مشترکہ اعلامیہ جاری کردیا گیا۔
اجلاس کے اعلامیہ میں بتایا گیا کہ تیسری بار پی ٹی آئی کی حکومت ہے اب بھی پشاور اہم مسائل سے دوچار ہے، اعلامیہ پشاور شہر کے مختلف حلقوں میں ترقیاتی کاموں کو نظرانداز کیا جارہا ہے، شہر میں سیورج کا ںظام تباہ ہے بارشوں کے بعد شہر سیلاب کا منظر پیش کرتا ہے۔
اعلامیہ میں یہ بھی کہا گیا کہ ڈبلیو ایس ایس پی کی ناقص کارکردگی کی وجہ سے صفائی کا نظام درہم برہم ہے، پشاور کے کئی علاقے پینے کے صاف پانی سے محروم ہے، بیشتر علاقے سٹریٹ لائٹنگ سے محروم ہے، کاروباد کے موقع فراہم کئے جائیں۔
اجلاس کے اعلامیہ میں اس بات پر بھی زور دیا گیا کہ ریئل اسٹیٹ کا کام ختم ہوچکا ہے،پشاور کا ترقیاتی فنڈ دوسرے اضلاع میں منتقل کیا جارہا ہے، سیف سٹی پراجیکٹ2009 میں تجویز کیا گیا اب تک عمل درآمد نہ ہوسکا، مسائل کے حل پر فوری غور نہ کیا گیا تو احتجاج کا آپشن موجود ہے۔
دوسری جانب فوکل پرسن وزیراعلیٰ برائے پشاور میگا پراجیکٹس ارباب عاصم کا اپنے موقف میں کہنا تھا کہ پشاور سمیت صوبہ بھر میں میگا پراجیٹس پر کام جاری ہے، اجلاس میں جو تجاویز سامنے آئے ہیں اُس پر عمل درآمد ہوگا۔
ذریعہ: Daily Mumtaz
پڑھیں:
ایشیائی ترقیاتی بینک کا58واں سالانہ اجلاس 4 سے 7 مئی 2025 تک اٹلی کے شہرمیلان میں منعقد ہوگا
اسلام آباد (اُردو پوائنٹ اخبارتازہ ترین - اے پی پی۔ 07 مارچ2025ء) ایشیائی ترقیاتی بینک(اے ڈٰی بی) کا58واں سالانہ اجلاس 4 سے 7 مئی 2025 تک اٹلی کے شہرمیلان میں منعقد ہوگا۔ اٹلی پہلی بارایشیائی ترقیاتی بینک کے اجلاس کی میزبانی کررہاہے جبکہ یورپ میں تقریباً ایک دہائی کے بعد ایشیائی ترقیاتی بینک کا سالانہ اجلاس ہوگا۔ اجلاس کاموضوع ''تجربات کے اشتراک سیکل کی تعمیر'' رکھا گیا ہے۔اجلاس میں رکن ممالک کے عہدیدار ایشیا اوربحرالکاہل کے خطہ میں ترقیاتی مسائل اور چیلنجز پر غور کریں گے ۔(جاری ہے)
اجلاس میں عمومی طورپر وزرائے خزانہ، مرکزی بینکوں کے گورنرز، اعلیٰ حکومتی اہلکار، نجی شعبہ و بین الاقوامی تنظیموں کے نمائندے، سول سوسائٹی اور میڈیا کے نمایندگان کے علاوہ ہزاروں افراد شریک ہوتے ہیں۔ بینک کے صدر نے ایک بیان میں کہاہے کہ خطے کے ممالک موسمیاتی اور ترقیاتی چیلنجزکاتسلسل سے سامناکررہے ہیں اور ان کا حل تلاش کرنے کے لئے ہمارے مسلسل اقدامات کی ضرورت ہے۔انہوں نے کہاکہ میلان، جدت و صنعتی لحاظ سے کلیدی اہمیت کاحامل شہر ہے جو ترقی اور تعاون کے جذبے کی نمائندگی کرتا ہے، اور یہ تجربات کے اشتراک اور بہتر کل کی تعمیر کے لئے ایک مثالی مقام ہے۔
کراچی، ٹریفک حادثے میں آن لائن موٹر سائیکل رائیڈر جاں بحق