گلشن اقبال سے ملنے والا انسانی ہاتھ کس کا؟ شناخت ہوگئی
اشاعت کی تاریخ: 9th, March 2025 GMT
فائل فوٹو
کراچی کے علاقے گلشن اقبال بلاک 19 کے رہائشی اپارٹمنٹس کی دیوار سے ملنے والے انسانی ہاتھ کی شناخت کرلی گئی۔
پولیس حکام کے مطابق ملنے والا ہاتھ گزشتہ روز شارع فیصل پر نرسری کے قریب ٹریفک حادثے میں مرنے والے عبدالباسط نامی شخص کا نکلا ہے۔
پولیس کے مطابق ہفتے کی رات شارع فیصل پر نرسری کے مقام پر ٹریفک حادثے میں جاں بحق شخص کا بازو دھڑ سے الگ ہو کر لاپتہ ہوگیا تھا۔
پولیس حکام کے مطابق متوفی عبدالباسط کا حادثے کے بعد گاڑی میں بازو پھنس گیا تھا، حادثے کے بعد گاڑی کا ڈرائیور گاڑی سمیت فرار ہوگیا تھا۔
پولیس کے مطابق ممکنہ طور پر گاڑی کے ڈرائیور نے بازو گلشن اقبال بلاک 19 میں قائم رہائشی اپارٹمنٹس کی دیوار کے ساتھ پھینک کر فرار ہوگیا ہے، جس کی تلاش جاری ہے۔
متوفی عبدالباسط کا بازو ورثاء کے حوالے کردیا ہے، حادثے کا مقدمہ تھانہ فیروز آباد میں متوفی کے بھائی کی مدعیت میں درج کرلیا ہے۔
ورثاء کے مطابق متوفی عبدالباسط 5 بچوں کا باپ اور بلوچ کالونی پل کے قریب عمر کالونی کا رہائشی تھا۔
.ذریعہ: Jang News
کلیدی لفظ: کے مطابق
پڑھیں:
بورے والا: کار پر فائرنگ سے شوہر جاں بحق، بیوی زخمی، 12 روز قبل شادی ہوئی تھی
بورے والا میں لاہور روڈ پر نامعلوم موٹر سائیکل سوار افراد کی کار پر فائرنگ سے شوہر جاں بحق ہوگیا، جبکہ بیوی اور بچی زخمی ہوگئی ہے۔
پولیس کا کہنا ہے کہ نامعلوم افراد کی فائرنگ سے کار سوار شخص جاں بحق ہوگیا، اس کی بیوی اور بچی زخمی ہوگئیں، جنہیں اسپتال منتقل کردیا گیا۔
پولیس کے مطابق مقتول نے زخمی خاتون سے 12 روز قبل دوسری شادی کی تھی۔
متاثرہ خاتون نے الزام عائد کیا ہے کہ اس کے سابق شوہر نے اپنے بھائیوں سے مل کر قتل کیا ہے۔
افطاری کے بعد سردی محسوس کیوں ہوتی؟ اہم وجہ سامنے آگئی