اداکارہ صاحبہ نے سیٹ پر اداکار کو تھپڑ جڑ دیا
اشاعت کی تاریخ: 9th, March 2025 GMT
لاہور(نیوز ڈیسک)شوبز انڈسٹری کی سینئر اداکارہ صاحبہ افضل نے سیٹ پر ایک اداکار کو تھپڑ مار دیا۔
اداکارہ صاحبہ نے حال ہی میں نجی ٹی وی کے شو میں شرکت کی جس میں میزبان نے پوچھا کہ سیٹ پر کبھی کسی سے لڑائی ہوئی ہے؟
انہوں نے بتایا کہ ایک اداکار ہے جس کا نام میں بھول گئی ہوں کیونکہ انہوں نے کام جاری نہیں رکھا۔
صاحبہ نے کہا کہ میرے ساتھ اس فلم میں فیصل قریشی ہیرو تھے، ہم ایک گانے کی شوٹنگ کررہے تھے جس گانے میں اس اداکار کے ساتھ ڈانس کرکے فیصل کو جلا رہی ہوں۔
اداکارہ کے مطابق وہ اداکار زیادہ اوور ایکٹنگ کررہا تھا جب کیمرا آن ہوا اور اس نے اوور کیا تو میں نے اسے تھپڑ مار دیا تھا۔
انہوں نے کہا کہ میں نے تھپڑ مارا تو وہ گر گیا اس وقت چھوٹے کیمرے ہوتے تھے ہوسکتا ہے کہ فیصل قریشی کے پاس وہ ویڈیو ہو کیونکہ وہ ویڈیو بنا رہا تھا۔
صاحبہ نے کہا کہ آج بھی جب فیصل قریشی مجھ سے ملتے ہیں تو ہمیں وہ تھپڑ کی گونج یاد آجاتی ہے۔
مزیدپڑھیں:صدقہ فطر ایک ہزار 900 فی کس، ایک روزہ چھوڑنے کا کفارہ 68 ہزار روپے مقرر
ذریعہ: Daily Ausaf
پڑھیں:
دلیپ کمار نے مدھوبالا کو تھپڑ کیوں مارا؟ ایک فلمی رومانس کی کڑوی حقیقت
بالی وڈ کی سنہری تاریخ میں دلیپ کمار اور مدھوبالا کی جوڑی کو ہمیشہ سے ایک مثالی جوڑے کے طور پر یاد کیا جاتا ہے۔ لیکن کیا آپ جانتے ہیں کہ ان کے درمیان محبت کی یہ داستان کتنی پیچیدہ تھی؟ اور کس فلم میں دلیپ کمار نے مدھوبالا کو حقیقت میں تھپڑ مارا تھا؟
دلیپ کمار اور مدھوبالا کی جوڑی کو بالی وڈ کے حسین ترین جوڑوں میں سے ایک مانا جاتا ہے۔ لیکن ان کی محبت کی کہانی فلمی کہانیوں سے کہیں زیادہ پیچیدہ تھی۔ فلم ’مغلِ اعظم‘ کی شوٹنگ کے دوران دونوں کے درمیان تعلقات میں دراڑیں پڑگئیں۔
فلم کے ایک سین میں، دلیپ کمار کے کردار ’سلیم‘ کو مدھوبالا کے کردار ’انارکلی‘ کو تھپڑ مارنا تھا۔ عام طور پر ایسے مناظر میں اداکار حقیقت میں تھپڑ نہیں مارتے، بلکہ محض اداکاری کرتے ہیں۔ لیکن دلیپ کمار نے اس بار حقیقت میں مدھوبالا کو تھپڑ مار دیا۔
مدھوبالا پر لکھی گئی ایک کتاب میں اس واقعے کا ذکر کیا گیا ہے۔ ان کے ساتھی اداکار اجیت، جو فلم میں دلیپ کمار کے ساتھ تھے، نے بتایا کہ دلیپ نے پورے زور سے مدھوبالا کو تھپڑ مارا۔ شاٹ کو منظوری مل گئی، لیکن سیٹ پر ایک عجیب سی خاموشی چھا گئی۔ کسی کو بھی یہ توقع نہیں تھی کہ دلیپ ایسا کریں گے۔
فلم کے ڈائریکٹر ’کے آصف‘ نے مدھوبالا کو تسلی دیتے ہوئے کہا، ’’یہ تھپڑ اس بات کا ثبوت ہے کہ دلیپ کمار اب بھی تم سے محبت کرتے ہیں، چاہے تمہاری راہیں جدا ہو چکی ہوں۔‘‘ انہوں نے مزید کہا، ’’سوائے ایک عاشق کے، کون ایسا کرسکتا ہے؟ یہ ثابت کرتا ہے کہ وہ تم سے محبت کرتے تھے اور اب بھی کرتے ہیں۔‘‘
تاہم، ’کے آصف‘ کا یہ تبصرہ مدھوبالا کےلیے کسی تسلی کا باعث نہیں بنا۔ وہ اس حقیقت پر صدمے میں تھیں کہ جس شخص نے کبھی ان سے محبت کی تھی، اس نے اداکاری کا بہانہ بنا کر انہیں تھپڑ مار دیا۔
دلیپ کمار اور مدھوبالا کے درمیان تعلقات کی خرابی کی کئی وجوہات تھیں۔ مدھوبالا کے والد عطا اللہ خان چاہتے تھے کہ دلیپ کمار اور مدھوبالا کی شادی ایک کاروباری معاہدہ بن جائے۔ ان کا مطالبہ تھا کہ شادی کے بعد، دلیپ اور مدھوبالا صرف ان کے پروڈکشن ہاؤس کےلیے کام کریں۔
دلیپ کمار نے اپنی سوانح حیات میں لکھا کہ انہوں نے مدھوبالا اور ان کے والد کو سمجھایا کہ وہ اپنے پروجیکٹس کا انتخاب اپنی شرائط پر کرتے ہیں۔ لیکن یہ بات مدھوبالا کے والد کے لیے ناقابلِ قبول تھی، اور انہوں نے مدھوبالا کو قائل کرلیا کہ دلیپ کمار بدتمیز اور مغرور ہیں۔
دلیپ کمار اور مدھوبالا کے تعلقات کا آخری وار ’’نیا دور کیس‘‘ تھا، جہاں فلمساز بی آر چوپڑا نے مدھوبالا پر مقدمہ کیا اور دلیپ کمار کو گواہ کے طور پر بلایا۔ یہ واقعہ دونوں کے درمیان تعلقات کو مکمل طور پر تباہ کرنے کا باعث بنا۔
اگرچہ دلیپ کمار اور مدھوبالا کی آن اسکرین محبت کی کہانی ہمیشہ یاد رکھی جائے گی، لیکن ان کی حقیقی زندگی کی داستان کسی فلمی کہانی سے کم نہیں تھی۔ ان کے مداح آج بھی ان کی زندگی میں گہری دلچسپی لیتے ہیں۔
محسن نقوی کا تمام اکیڈمیز تک نوجوان کھلاڑیوں کو رسائی دینے کا فیصلہ