پنجاب میں سکیورٹی ہائی الرٹ، 24گھنٹوں کے دوران 436سرچ اینڈ سویپ آپریشنز ،38اشتہاری مجرم گرفتار
اشاعت کی تاریخ: 9th, March 2025 GMT
پنجاب میں سکیورٹی ہائی الرٹ، 24گھنٹوں کے دوران 436سرچ اینڈ سویپ آپریشنز ،38اشتہاری مجرم گرفتار WhatsAppFacebookTwitter 0 9 March, 2025 سب نیوز
لاہور(آئی پی ایس ) ملکی حالات کے تناظر میں پنجاب بھر میں سکیورٹی ہائی الرٹ کردی گئی۔ترجمان پنجاب پولیس کے مطابق پنجاب میں انٹیلیجنس بیسڈ سرچ اینڈ سویپ آپریشنز اور مشقیں جاری ہی۔
ترجمان کا بتانا ہے کہ گزشتہ 24 گھنٹوں میں پنجاب بھر میں 436 سرچ اینڈ سویپ آپریشن اور 8مشقیں کی گئیں۔آپریشنز میں سنگین جرائم میں ملوث 38اشتہاری مجرم اور 123 مشتبہ افراد گرفتار کیے گئے جن سے 2 کلاشنکوف، 12 بندوقیں، 20 ہینڈ گنز اور سیکڑوں گولیاں برآمد کی گئیں، ملزمان سے43 کلو گرام چرس، 2 کلو ہیروئن اور 560 گرام آئس بھی برآمد ہوئی۔ترجمان پنجاب پولیس کے مطابق دہشتگردوں اور جرائم پیشہ عناصرکی سرکوبی کے لیے مشقیں بھی جاری ہیں، مشقوں میں پنجاب پولیس، سی ٹی ڈی، اسپیشل برانچ، ایلیٹ فورس اور ریسکیو 1122 نے بھی شرکت کی۔
.ذریعہ: Daily Sub News
پڑھیں:
ماہ صیام کا پہلا جمعتہ المبارک، پنجاب پولیس کے سکیورٹی انتظامات مکمل
سٹی42: ماہ رمضان کے پہلے جمعتہ المبارک کے موقع پر پنجاب پولیس نے صوبہ بھر میں سکیورٹی انتظامات مکمل کر لیے ہیں۔ ترجمان پنجاب پولیس کے مطابق لاہور سمیت صوبہ بھر کی 36,500 سے زائد مساجد، 2,179 امام بارگاہوں اور 444 اقلیتی عبادت گاہوں کو بھرپور سکیورٹی فراہم کی جائے گی۔
ترجمان کے مطابق مساجد، امام بارگاہوں اور دیگر مذہبی مقامات کی سکیورٹی پر 75,000 سے زائد پولیس افسران، اہلکار اور کمیونٹی رضا کار تعینات ہوں گے۔ لاہور میں مساجد، امام بارگاہوں اور مارکیٹوں پر 5,000 سے زائد افسران اور اہلکار سکیورٹی ڈیوٹی انجام دیں گے۔صوبہ بھر کی حساس مساجد اور امام بارگاہوں پر 200 سے زائد واک تھرو گیٹ اور 12,000 سے زائد میٹل ڈٹیکٹرز چیکنگ کے لیے استعمال کیے جائیں گے تاکہ کسی بھی ناخوشگوار واقعہ سے بچا جا سکے۔
پاک بحریہ کے سابق سربراہ ایڈمرل افتخار احمد سروہی انتقال کر گئے
آئی جی پنجاب نے پولیس کو ہدایت دی ہے کہ وہ ملک دشمن عناصر پر کڑی نظر رکھیں اور سکیورٹی کو مزید بڑھا دیں۔ انہوں نے علما کرام اور مشائخ عظام سے درخواست کی کہ وہ اپنے خطبات میں بین المذاہب ہم آہنگی، بھائی چارے اور امن کا پیغام دیں۔
آئی جی پنجاب نے مزید کہا کہ مساجد، امام بارگاہوں اور دیگر اہم مذہبی مقامات کے اطراف سرچ اینڈ سویپ آپریشنز جاری ہیں تاکہ امن و امان برقرار رکھا جا سکے۔ انہوں نے کہا کہ سینئر افسران نماز جمعہ کے بعد مساجد میں شہریوں کے مسائل حل کرنے کے لیے موجود رہیں۔
تکنیکی اور آپریشنل وجوہات کے باعث متعدد پروازیں منسوخ
دوسری جانب آر پی اوز اور ڈی پی اوز کو ہدایت دی گئی ہے کہ وہ سکیورٹی انتظامات کا خود جائزہ لیں اور مساجد کے منتظمین و امن کمیٹیوں کے ارکان سے رابطے میں رہیں تاکہ کسی بھی قسم کی پریشانی سے بچا جا سکے۔
مولانا ہدایت الرحمٰن کیساتھ اسپیکر کا رویہ قابل مذمت ہے، جماعت اسلامی