عمران خان نے جو کچھ کیا، اب بھگتیں، وفاقی وزیر
اشاعت کی تاریخ: 9th, March 2025 GMT
وفاقی وزیر برائے پبلک افیئرز یونٹ رانا مبشر اقبال نے بانی پی ٹی آئی عمران خان پر سخت تنقید کرتے ہوئے کہا ہے کہ سابق وزیر اعظم نے جو کچھ کیا، وہ بھگتیں، ہم انتقام نہیں لے رہے، کسی حریف کو گرفتار نہیں کروایا لیکن بانی پی ٹی آئی نے کسی کو معاف نہیں کیا۔
لاہور میں پریس کانفرنس سے خطاب کرتے ہوئے انہوں نے کہا کہ شہباز شریف نے ناممکن کو ممکن بنایا، جب آئے تو ملک ڈیفالٹ کرگیا تھا، کسی کے ساتھ مراسم نہیں رہ گئے تھے، محنت کرکے خارجہ پالیسی کو بہترین کیا۔
ان کا کہنا تھا کہ جو کچھ صوبوں کے ساتھ رویہ ہوا، 9 مئی واقعہ کرکے ملک کو پیچھے کیا جو بھارت نے نہیں کیا وہ پی ٹی آئی نے کیا، پی ٹی آئی نے جی ایچ کیو پر حملہ کیا، چھائونیوں میں جلائو گھراؤ کیا، آج تک کبھی ایسا نہیں ہوا، مہنگائی اڑتیس سے ایک اعشاریہ چھ تک پہنچ گئی ہے، ادارے بہتر ہو گئے ہیں۔
رانا مبشر نے کہا کہ واپڈا میں نقصانات پہلے بہت اب بہتر ہو گئے ہیں ڈیڑھ سال کے دوران اڑان پاکستان پورے ایشیاء میں اعلان کرے گا، ہم اندھیروں سے اجالوں میں لائے ایٹمی طاقت تو بن گئے ہیں لیکن اب معشیت کو بہتر کررہے ہیں، کوئی کرپشن کا سکینڈل سامنے نہیں آیا۔
ان کا کہنا تھا کہ رمضان پیکج چالیس لاکھ لوگوں کو دے رہے ہیں پہلے لوگ یوٹیلٹی سٹورز پر دھکے کھاتے رہے، چالیس لاکھ لوگوں کو رمضان پیکج دئیے گھروں میں پیسے پہنچا رہے ہیں، ایک صوبہ پی ٹی آئی کو دیا ہوا ہے اب بھی ادھر حکومت ہے کے پی کو ڈیفالٹ کردیا ہے، علی امین گنڈا پور صرف بڑھکیں مار رہا ہے یہ اناڑی ہے پہلے ان کے لیڈر اب یہ لوگ کے پی کے عوام کے ساتھ کررہے ہیں۔
رانا مبشر نے کہا کہ مریم نواز کا علی امین گنڈا پور کے ترقیاتی کاموں کا موازنہ کرلیں، عوام کو سہولت دینا ہوگی پچھلے چار سالوں میں کون سا منصوبہ لگایا اربوں درخت کسی کو نظر آ رہے ہیں لاکھوں گھر کسی کو نظر آ رہے ہیں ملک کو دیوالیہ کردیا ہے، شہبازشریف کی ٹیم دن رات محنت کررہی ہے گرین پاسپورٹ کی عزت کروائیں گے پی ٹی آئی نے تو نہیں کروائی۔
انہوں نے کہا کہ دہشت گرد تنظیموں کے خلاف فوج جنگ لڑ رہی ہے وہ شہید ہورہے ہیں تو کس وجہ سے ہو رہا ہے، ہمارے دوسرے ممالک کے ساتھ معاہدے ہو رہے ہیں اس سے سرمایہ کاری بڑھ رہی ہے ، گیارہ روپے صنعتوں اور چار روپے گھریلو صارفین کو ریلیف دیا ہے پچیس سے چھبیس روپے یونٹ تک لانا چاہتے ہیں، سولرائزیشن سے عوام کو فائدہ ہوگا۔
ان کا کہنا تھا کہ پبلک افیئر یونٹ سب کو نظر آ گیا ہے مسائل حل کریں گے، ہر جگہ پر عوامی مسائل کو حل کریں گے چور بازاری کرپشن جو چل رہا تھا اسے ختم کیا ہے، عوامی مسائل ترجیحی بنیادوں پر حل کریں گے یہ تو خلق خدا ہے، بلوچستان اور کی پی سمیت ہر صوبہ میں دفتر کھولیں گے یہی ایجنڈا ہر صوبہ میں ہوگا، پہلے بھی بڑے فیصلے لئے اب بھی دہشت گردی کے خاتمہ کےلئے بڑے فیصلہ لیں گے۔
رانا مبشر نے کہا کہ افغانستان کی سرزمین سے پاکستان پر حملہ ہورہے ہیں، بانی نے دہشت گرد تنظیموں کو قبائلی علاقوں میں رہنے کی دعوت دی جو عوام دشمنی فیصلہ تھا، دہشت گردی کے خاتمہ کیلئے افغان حکومت سے بات کریں گے لوگوں کی جانوں کا نقصان نہیں کریں گے، دہشت گردی کا قلع قمع کریں گے سپہ سالار بھی دہشت گردی کا خاتمہ کرنے کےلئے کوششیں کررہے ہیں۔
وفاقی وزیر نے کہا کہ جادو کی چھڑی کسی کے پاس نہیں ہے لیکن ملک میں چینی کی قیمت بھی کنٹرول میں ہے، روٹی کی قیمت بھی پہلے کے مقابلے میں کم ہوئی ہے، چینج کے ذخیرہ اندوزوں کے گریبان پکڑیں گے، دہشتُگرد کو پکڑا ہے اداروں کی نیک نامی ہے کہ امریکہ تعریف کررہا ہے، ہم خود مختار ملک ہیں اپنے فیصلہ خود کرتے ہیں۔
ان کا کہنا تھا کہ بانی پی ٹی آئی عمران خان نے جو کچھ کیا، وہ پہلے بھگتیں، ہم انتقام تو نہیں لے رہے، حکومت سے کہہ کر کسی حریف کو گرفتار نہیں کروایا لیکن بانی پی ٹی آئی نے کسی کو معاف نہیں کیا۔
.ذریعہ: Express News
کلیدی لفظ: ان کا کہنا تھا کہ بانی پی ٹی نے کہا کہ پی ٹی آئی رہے ہیں کریں گے کے ساتھ کسی کو جو کچھ
پڑھیں:
مریم نواز نے میو اسپتال کے جس ایم ایس کو نکالا وہ 3 ہفتے پہلے استعفیٰ دے چکا تھا، فیصل واوڈا کا انکشاف
وزیراعلیٰ پنجاب مریم نواز نے گزشتہ روز میو اسپتال لاہور کا ہنگامی دورہ کیا تو مریضوں نے شکایات کے انبار لگا دیے جس پر مریم نواز نے اسپتال انتظامیہ کی سرزنش کی اور ایم ایس میو اسپتال کو عہدے سے فارغ کرنے کے احکامات بھی جاری کردیے۔
مریم نواز نے میو اسپتال کے جس ایم ایس کو عہدے سے فارغ کیا اس کے بارے میں سینیٹر فیصل واوڈا نے دعویٰ کیا ہے کہ وہ تین ہفتے پہلے ہی استعفیٰ دے چکے تھے مگر ان کا استعفیٰ منظور نہیں کیا گیا تھا۔
فیصل واوڈا کا مزید کہنا تھا کہ اسپتال میں دوائیاں نہیں تھیں کیونکہ کنٹریکٹرکو پیسےنہیں دیے گئے اور مریم صفدر کو پتہ ہی نہیں کہ اسپتال میں دوائیاں نہیں ہیں لیکن ایم ایس کو نکال دیا۔
مریم صفدر نے میو ہسپتال کے جس MS کو نکالا وہ تین ہفتے پہلے استعفی دے چکا تھا مگر اس کا استعفی منظور نہیں کیا گیا ہسپتال میں دوائیاں نہیں تھیں کیونکہ کنٹریکٹرکو پیسےنہیں دیے گئے مریم صفدر کو پتہ ہی نہیں کہ ہسپتال میں دوائیاں نہیں ہیں لیکن آپٹکس کے لیے MS کو نکال دیا ! فیصل واوڈا pic.twitter.com/nS0d3bEYOX
— AMJAD KHAN (@iAmjadKhann) March 7, 2025
پاکستان تحریک انصاف کے رہنما نعیم حیدر پنجوتھہ کا کہنا تھا کہ مریم نواز بے نقاب ہو گئی ہیں۔
Exposed https://t.co/fOuZ7u42dp
— Naeem Haider Panjutha (@NaeemPanjuthaa) March 7, 2025
ایک ایکس صارف نے لکھا کہ میو ہسپتال کے ایم ایس کو نکالا نہیں گیاہے دراصل موقع کا فائدہ اٹھا کر مریم نواز نے اس کا استعفیٰ منظور کرلیا ہے۔
میو ہسپتال کے ایم ایس کو نکالا نہیں گیاہے دراصل موقع کا فائدہ اٹھا کر اسکا استعفیٰ منظور کرلیا میڈم نے!
ڈرامہ بازی ختم ہے اس عورت پر! #MandateThiefMinister https://t.co/sSgtTSEFtq
— Nausheen Peerwani (@NausheenPirwani) March 6, 2025
ایک صارف نے تبصرہ کرتے ہوئے لکھا کہ ایک تو یہ پڑھے لکھے نہیں اوپر سے کوشش بھی نہیں کرتے۔
ایک تو یہ پڑھے لکھے بھی نہیں ہوتے اوپر سے بھی کوشش بھی نہیں کرتے۔
— Farsi (@4arsiboy) March 6, 2025
صنم جاوید خان نے لکھا کہ تھیف منسٹر پر سستی ایکٹنگ تو ختم ہے، اب وہ اپنے اشتہاروں پر پیسہ لگائے یا دوائیوں پر۔
تھیف منسٹر پر سستی ایکٹنگ تو ختم ہے نہ اب وہ اپنے اشتہاروں پر پیسہ لگائے یا دوائیوں پر https://t.co/lbfGr2qbyE
— Sanam Javaid Khan (@sanamkh22) March 7, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مریم نواز میو اسپتال
عوام کو اشیائے خور و نوش کی ارزاں نرخوں پر فراہمی حکومت کی اولین ترجیح ہے، وزیراعظم