جسے اللہ رکھے اسے کون چھکے کا محارہ حقیقت بن گیا
اشاعت کی تاریخ: 9th, March 2025 GMT
جسے اللہ رکھے اسے کون چھکے کا محارہ حقیقت بن کر سامنے آگیا ۔حیدرآبادمیںریلوے سٹیشن پر ماں بیٹے کی ریلوے پٹڑی پر گرنے اور ٹرین گزرنے کی ویڈیو وائرل ہو گئی،کراچی سے پنجاب والی خیبر میل میں سوار خاتون اپنے بچے کے ساتھ ٹرین پر چڑھتے ہوئے چلتی ٹرین کے نیچے آگئی ۔اس دوران ٹرین چلتی رہی ویڈیو وائرل ہو گئی، سٹیشن پر موجود شہریوں نے خاتون کو بیٹھے رہنے کا کہا، بعدازاں ٹرین کی چین کھینچ لی ، ٹرین رکنے پر لوگوں نے خاتون اور بچے کو نکالا جو دونوں زندہ تھے ۔ خاتون مسمات رخشندہ زخمی ہوگئی تھی جسے مقامی ہسپتال علاج کیلئےلے گئے، خاتون فیملی کے ساتھ ٹنڈو آدم جانے کے لیے سوار ہو رہی تھی۔
.ذریعہ: Nawaiwaqt
پڑھیں:
پاؤں سے ڈرائیونگ کی ویڈیو وائرل، اسلام آباد پولیس نے نوجوان کو دھر لیا
اسلام آباد پولیس نے ایکسپریس ہائی وے پر انتہائی غیر ذمہ داری کا مظاہرہ کرتے ہوئے پاؤں سے گاڑی چلانے والے نوجوان کو حراست میں لے لیا۔
یہ گرفتاری اس وقت عمل میں آئی جب سوشل میڈیا پر ملزم کی ویڈیو وائرل ہوئی، جس میں وہ بے خوف ہو کر پاؤں کی مدد سے گاڑی چلاتے ہوئے دیکھا گیا۔
پولیس کے مطابق ملزم کی شناخت ظہران ولد محمد نثار کے نام سے ہوئی ہے، جسے فوری کارروائی کرتے ہوئے گرفتار کر لیا گیا۔ اس کے ساتھ ساتھ، ٹریفک پولیس نے اس کی گاڑی بھی تحویل میں لے کر تھانہ کورال میں بند کر دی ہے۔
ایس پی ٹریفک نے اس واقعے پر سخت ردعمل دیتے ہوئے کہا کہ ٹریفک قوانین کی خلاف ورزی کسی بھی وقت جان لیوا ثابت ہو سکتی ہے۔ ان کا کہنا تھا کہ اسلام آباد ٹریفک پولیس کسی بھی غیر ذمہ دارانہ اور خطرناک ڈرائیونگ کو برداشت نہیں کرے گی، اور اس قسم کے جرائم میں ملوث افراد کے خلاف سخت قانونی کارروائی کی جائے گی۔
پولیس حکام نے شہریوں کو خبردار کیا ہے کہ وہ ٹریفک قوانین پر سختی سے عمل کریں اور سڑکوں پر اپنی اور دوسروں کی زندگیوں کو خطرے میں ڈالنے سے گریز کریں، ورنہ ان کے خلاف بھی سخت قانونی کارروائی کی جائے گی۔
ٹرمپ نے انگریزی کو امریکا کی سرکاری زبان قرار دے دیا