گندم کی بوائی متاثر، کاشتکار منافع بخش فصلوں کی جانب منتقل ہونے لگے
اشاعت کی تاریخ: 9th, March 2025 GMT
گندم کی کم قیمتوں اور حکومت کی جانب سے امدادی نرخوں (سپورٹ پرائس ) کے خاتمے نے گندم کے موجودہ بوائی سیزن کو متاثر کیا ہے، جس کی وجہ سے گندم کے کاشتکار زیادہ منافع بخش سبزیوں اور نقد آور فصلوں جیسے سرسوں اور دالوں کی طرف منتقل ہو رہے ہیں۔
نجی اخبار کی رپورٹ کے مطابق اقوام متحدہ کے ادارہ برائے خوراک و زراعت (ایف اے او) کی جانب سے شائع کنٹری بریف آن پاکستان نامی رپورٹ میں کہا گیا ہے کہ حکومت کی جانب سے مئی 2024 میں گندم کی کم از کم امدادی قیمت ختم کیے جانے کے بعد سے کاشت کیے گئے رقبے میں سال بہ سال کمی واقع ہوئی ہے۔
ایف اے او کی دستیاب رپورٹ میں کہا گیا ہے کہ 2025 میں گندم کی پیداوار کا انحصار اپریل تک برساتی موسم کی کارکردگی پر ہوگا۔
رپورٹ کے مطابق اکتوبر 2024 اور فروری 2025 کے اوائل کے درمیان اوسط سے کم بارش کی مقدار اور اوسط سے زیادہ گرم درجہ حرارت کے باوجود، آبپاشی کے پانی کی مناسب فراہمی کی وجہ سے گندم کی اہم فصل والے علاقوں میں نباتات کی صورتحال اوسط سے زیادہ تھی۔
تاہم خشک موسم نے بارش پر منحصر علاقوں (بارانی علاقوں) میں فصلوں کے ابھرنے اور ابتدائی نشوونما کو منفی طور پر متاثر کیا، جو کل لگائے گئے پودوں کا تقریباً 20 فیصد ہے، اور آبپاشی کے پانی کی کمی کی وجہ سے ملک کے شمالی حصوں میں کچھ چھوٹے آبپاشی علاقوں میں گندم کی بوائی متاثر ہوئی۔
ان علاقوں میں فروری کے اوائل میں ایف اے او کے ایگریکلچر اسٹریس انڈیکس (اے ایس آئی) نے اشارہ دیا تھا کہ زرعی زمین خشک سالی کے حالات سے متاثر ہوئی ہے، جس سے پیداوار کے منفی امکانات کی نشاندہی ہوتی ہے۔
اناج کی پیداوار
فصلوں کے سیزن کو دسمبر 2024 میں حتمی شکل دی گئی اور اناج کی مجموعی پیداوار کا تخمینہ 56.
اسی طرح دھان کی فصل کی پیداوار کا تخمینہ 15.2 ملین ٹن کی ریکارڈ سطح پر لگایا گیا ہے، جس کی بنیادی وجہ بوائی میں اضافہ ہے، جس کی وجہ پودے لگانے کے وقت اونچی قیمتیں ہیں، مکئی کی پیداوار کا تخمینہ 9.5 ملین ٹن کی اوسط سطح پر لگایا گیا ہے۔
گندم کی درآمد
مارکیٹنگ سال 25-2024 (اپریل/مارچ) میں گندم کی درآمد کی ضروریات نہ ہونے کے برابر ہونے کی پیش گوئی کی گئی ہے، اگر پچھلے 5 سال کے اوسط سے موازنہ کیا جائے، جس کی زیادہ تر وجہ 2024 میں ریکارڈ پیداوار ہے۔
اگرچہ پاکستان روایتی طور پر گندم برآمد کرنے والا ملک تھا، لیکن 2021-2020 اور 2024-2023 کے درمیان غیر معمولی طور پر بڑی مقدار میں گندم درآمد کی گئی، جب 2018 اور 2020 کے درمیان جمع ہونے والی اوسط سے کم پیداوار اور 2022 میں شدید سیلاب کی وجہ سے اسٹاک نقصان کی وجہ سے مقامی طور پر دستیابی کم تھی۔
ملک کے سب سے بڑے برآمدی اناج چاول کی برآمدات کیلنڈر سال 2025 میں 50 لاکھ ٹن ہونے کی پیشگوئی کی گئی ہے، جو مارکیٹ مسابقت میں اضافے کی وجہ سے 2024 میں بھیجے گئے 60 لاکھ ٹن کی ریکارڈ سطح سے کم ہے، لیکن پھر بھی مجموعی طور پر کافی برآمدی سطح ہے۔
2024-25 میں مکئی کی برآمدات 5 لاکھ ٹن کی اوسط سطح پر ہونے کی پیش گوئی کی گئی ہے۔
مارچ اور جون 2024 میں گندم کے آٹے کی مقامی قیمتوں میں تیزی سے کمی ہوئی، جس کی وجہ 2024 کی ریکارڈ فصل سے وافر مارکیٹ سپلائی ہے۔
مزید برآں، پنجاب حکومت (جس نے پہلے کسانوں سے کم از کم امدادی قیمت پر گندم خریدی تھی) نے 2024 کی فصل سے گندم نہ خریدنے کا فیصلہ کیا، جس سے مارکیٹ سپلائی میں اضافہ ہوا اور قیمتوں میں مزید کمی ہوئی۔
خوراک کا عدم تحفظ
تازہ ترین انٹیگریٹڈ فوڈ سیکورٹی فیز کلاسیفکیشن (آئی پی سی) کے تجزیے کے مطابق، اپریل اور جولائی 2025 کے درمیان تقریبا 10 ملین افراد کو شدید غذائی عدم تحفظ (آئی پی سی فیز 3 [بحران] اور اس سے اوپر) کا سامنا کرنا پڑ سکتا ہے، جو نومبر 2024 سے مارچ 2025 کی مدت کے دوران 11 ملین افراد سے کم ہے۔
اس بہتری کی وجہ 2024 کی ریکارڈ پیداوار کے بعد گندم کے ذخائر میں اضافہ اور آٹے کی قیمتوں میں سال بہ سال نمایاں کمی ہے، جس سے اپریل 2025 میں گندم کی فصل کی بوائی اور پاکستانی گھرانوں کی خوراک تک رسائی میں اضافہ متوقع ہے۔
Post Views: 1ذریعہ: Daily Mumtaz
کلیدی لفظ: کی پیداوار کا میں گندم کی میں اضافہ کی ریکارڈ کے درمیان لگایا گیا کی وجہ سے کی جانب گندم کے اوسط سے ملین ٹن کی گئی گیا ہے
پڑھیں:
سمارٹ فونز سے بینکنگ ڈیٹا کی چوری کیلئے گذشتہ سال 2024 کے دوران 195.71 فیصد اضافہ
اسلام آباد (اُردو پوائنٹ اخبارتازہ ترین - اے پی پی۔ 07 مارچ2025ء) سمارٹ فونز سے بینکنگ ڈیٹا کی چوری میں گزشتہ سال 2024 کے دوران 195.71فیصد اضافہ ہوا ہے۔ سائبر سیکیورٹی و اینٹی وائرس خدمات فراہم کرنے والی بین الاقوامی کمپنی کسپرسکی نے اپنی ایک رپورٹ میں کہا ہے کہ سال 2023 کے دوران بینکنگ ڈیٹا کی چوری کیلئے سمارٹ اینڈ رائیڈ فونز پر 4لاکھ 20 ہزار سائبرحملے کئے گئے تھے تاہم گزشتہ سال 2024 کے دوران سائبر حملوں کی تعداد 12 لاکھ 42 ہزار تک بڑھ گئی ۔(جاری ہے)
اس طرح سال 2023 کے مقابلہ میں سال 2024 کے دوران بینکنگ ڈیٹا چرانے کیلئے اینڈ رائیڈ سمارٹ فونز پر ہونے والے سائبر حملوں کی شرح میں 195.71 فیصد کا نمایاں اضافہ ریکارڈ کیا گیا ہے ۔ رپورٹ میں کہا گیا ہے کہ ہائیکرز کسی بھی صارف کے آن لائن بینکنگ ڈیٹا ، ای پیمنٹس یا کریڈٹ کارڈ سروسز کے ڈیٹا کو چرانے کیلئے دھوکہ دہی پرمبنی کمپیوٹر پروگرامز سے مدد حاصل کرتے ہیں ۔ بعض واقعات میں سائبر کریمنلز صارفین کو میسج بھیج کر ان کا اکائونٹ ہیک کر کے ڈیٹا چوری کرتے ہیں جبکہ انٹر نیٹ کے ذریعے مجرمانہ سرگرمیوں کے مرتکب افراد حساس معلومات یا خبروں کے ذریعے اپنے پیغامات کی اہمیت میں اضافہ کر کے صارفین کے ڈیٹا تک رسائی حاصل کرتے ہیں ۔
محکمہ جنگلی حیات کی جھنگ، تونسہ بیراج میں کارروائی، 5 آبی پرندے اور ریچھ برآمد