نارووال روٹ 211 اپ اور 212 ڈاؤن کے شیڈول پر نظرثانی کی جائے، رانا تنویر کاچیئرمین ریلوے کو خط
اشاعت کی تاریخ: 9th, March 2025 GMT
اسلام آباد (نمائندہ خصوصی)وفاقی وزیر برائے قومی غزائی تحفظ رانا تنویر حسین نے چیئرمین ریلوے کو خط لکھا ہے جس میں کہا ہے کہ نارووال روٹ 211 اپ اور 212 ڈاؤن کے موجودہ شیڈول پر نظرثانی کی جائے ،وفاقی وزیر رانا تنویر حسین نے ریلوے حکام سے 211 اپ کو صبح 7 بجے 212 ڈاؤن کو شام 5 بجے کرنے کی گزارش کی ،موجودہ ریلوے شیڈول سے کسانوں، دفاتر کے ملازمین اور بزرگ شہریوں کو مشکلات ہیں ،مسافروں کی سہولت کے پیش نظر ریلوے شیڈول میں بہتری ناگزیر ہے ،نارووال کے مسافروں کو درپیش طویل انتظار، رات دیر سے سفر جیسے مسائل حل کرنے کی ضرورت ہے ،وفاقی وزیر رانا تنویر حسین نے چیئرمین ریلوے کو فوری اقدامات کی درخواست کی ۔
.ذریعہ: Nawaiwaqt
کلیدی لفظ: رانا تنویر
پڑھیں:
اوورسیز پاکستانیوں کے پاسپورٹ بلاک،وفاقی وزیرکا نوٹس
اسلام آباد(نیوز ڈیسک)اوورسیز پاکستانیوں کے پاسپورٹ بلاک کرنے کے معاملے پر وفاقی وزیر چوہدری سالک حسین نے نوٹس لیتے ہوئے وزارت داخلہ کو باقاعدہ خط لکھ دیا۔تفصیلات کے مطابق پاکستان بزنس فورم فرانس نے اس مسئلے کو وفاقی وزیر کے سامنے اٹھایا تھا۔چودھری سالک حسین کا کہنا تھا کہ یہ انتہائی نازک مسئلہ ہے لہٰذا معاملے کی فوری انکوائری کی جائے، سمندر پار پاکستانی ہمارا سرمایہ ہیں انہیں ناجائز تنگ نہ کیا جائے۔
وفاقی وزیر نے کہا کہ سمندر پار پاکستانیوں سے زیادتی برداشت نہیں کی جائے گی، وزارت ایئرپورٹس پر سمندر پار پاکستانیوں کے لیے فسلیٹیشن ڈیسک قائم کرے گی۔پاکستان بزنس فورم فرانس کے سرپرست اعلیٰ ابراہیم ڈار، چیئرمین ظہور اقبال اور صدراسلم چوہدری کی طرف سے وفاقی وزیر کو خط بھیجا گا تھا۔خط کے متن کے مطابق ہزاروں اوورسیز پاکستانیوں کے پاسپورٹ بلاک کیے جانے کی خبریں مل رہی ہیں، پاکستانی ایئرپورٹس پر عملہ اوورسیز پاکستانیوں کو روک کر چار سے پانچ لاکھ روپے رشوت لے رہا ہے۔
خط کے مطابق دستاویزات کی انکوائری تک فلائٹ مس ہو جانے کا کہہ کر اوورسیز پاکستانیوں کو مجبور کیا جا رہا ہے، اوورسیز پاکستانیوں میں تشویش پائی جا رہی ہے، مسئلہ حل کر کے حکومت پر اعتماد بحال کیا جائے۔
کراچی:گھرکی چھت گرنے سے6 بچے جاں بحق ہوگئے
وزیراعظم شہباز شریف اور بلاول بھٹو میں کل اہم ملاقات ہو گی