اسلام آباد +وزیر آباد+ گکھڑ منڈی(اپنے سٹا ف رپو رٹر سے+نامہ نگار+ نوائے وقت رپورٹ) وفاقی وزیر اطلاعات عطاء اللہ تارڑ کی قیادت میں وزارت اطلاعات و نشریات نے گزشتہ ایک سال کے دوران وزارت اطلاعات میں نمایاں اصلاحات نافذ کیں جن میں ڈیجیٹل ترقی، میڈیا کے ساتھ تعاون اور تعمیری صحافت کے فروغ پر خصوصی توجہ دی گئی۔ وفاقی وزیر اطلاعات نے قومی ترقی میں ٹیکنالوجی کے کلیدی کردار کو تسلیم کرتے ہوئے اپنے ایک سالہ دور میں وزارت میں انقلابی تبدیلیاں متعارف کروائیں۔ انقلابی تبدیلیوں کا یہ سال بنیادی طور پر اعلیٰ انتظامیہ کی واضح حکمت عملی کے وژن کا نتیجہ تھا جس کا مقصد ایک باخبر اور ہم آہنگ معاشرے کو فروغ دینا اور میڈیا کی ترقی کو آگے بڑھانا ہے۔ موجودہ دور میں روایتی طریقوں کی جامع اصلاح، ڈیجیٹلائزیشن، آٹومیشن اور سٹریٹجک ریفارمز پر زور دیا گیا ہے تاکہ میڈیا کے ابھرتے ہوئے منظر نامے کے ساتھ بہتر طور پر ہم آہنگ ہوا جا سکے۔3 اکتوبر 2024ء کو ڈیجیٹل کمیونیکیشن ڈیپارٹمنٹ (ڈی سی ڈی) کا قیام ایک اہم کامیابی تھی جس کا مقصد غلط معلومات، سائبر وار فیئر اور ہائبرڈ تنازعات کے بڑھتے ہوئے خطرات سے نمٹنا ہے۔ دریں اثناء ڈائریکٹوریٹ آف الیکٹرانک میڈیا اینڈ پبلی کیشنز(DEMP) نے اعلیٰ معیار کی موضوعاتی دستاویزی فلمیں تیار کر کے قومی بیانیہ کی تشکیل اور اسے فروغ دینے میں اہم کردار ادا کیا جو موثر طریقے سے قومی اور بین الاقوامی سطح پر پاکستان کے امیج کو بہتر بناتے ہوئے اہم پالیسی مقاصد کے فروغ میں کردار ادا کر رہا ہے۔4.
45 ارب روپے مالیت کے چار پی ایس ڈی پی منصوبوں کی تکمیل نے اہم میڈیا اداروں کی آپریشنل صلاحیتوں کو نمایاں طور پر اپ گریڈ کیا۔ اس میں پاکستان براڈ کاسٹنگ کارپوریشن (پی بی سی) کے سٹوڈیوز اور ماسٹر کنٹرول رومز کو جدید تقاضوں سے ہم آہنگ کرنا بھی شامل ہے۔ اس کے علاوہ پرتشدد انتہاپسندی کا موثر جواب دینے کے لئے ایک مخصوص میڈیا سیل کا قیام بھی عمل میں لایا گیا جو اہم سکیورٹی چیلنجز سے نمٹنے کے عزم کا مظہر ہے۔ ایس او ایز ایکٹ 2023ء کے تحت پی ٹی وی اور پی بی سی کے بورڈ آف ڈائریکٹرز کی تشکیل سے گورننس اور جوابدہی کے نظام کو مزید مستحکم بنایا گیا۔ ایڈورٹائزمنٹ پالیسی 2021ء کے تحت ڈیجیٹل میڈیا ایڈورٹائزمنٹ گائیڈ لائنز کی تیاری نے سرکاری اشتہارات کی تقسیم میں زیادہ شفافیت اور منصفانہ طرز عمل کو یقینی بنایا۔ گزشتہ ایک سال کے دوران چین اور ایران کے ساتھ فلم کی مشترکہ پروڈکشنز کے لئے مفاہمتی یادداشتوں پر دستخط اور ترکیہ کے تعاون سے ریڈیو پاکستان میوزیم کے قیام نے میڈیا سیکٹر میں بین الاقوامی شراکت داری کو مزید مستحکم بنایا۔ وزارت نے اپنی ریگولیٹری کارکردگی اور فوری ردعمل کو بہتر بنانے پر خصوصی توجہ دی۔ اے بی سی کی جانب سے نئے محفوظ سرکولیشن سرٹیفیکیٹ کے اجرا اور آئی ٹی این ای کیسز کے موثر حل جن کے تحت 5.5 کروڑ روپے کی مالی مدد فراہم کی گئی، شفاف اور منصفانہ طرز عمل کے عزم کا مظہر ہیں۔ مزید برآں، ای آفس سسٹم پر منتقلی نے انتظامی امور کو منظم کرنے اور کارکردگی میں نمایاں بہتری پیدا کرنے میں اہم کردار ادا کیا۔ وفاقی وزیر اطلاعات و نشریات عطاء اللہ تارڑ نے گکھڑ منڈی وزیرآباد کا دورہ مختلف ترقیاتی منصوبوں کا افتتاح کیا افطار ڈنر سے خطاب میں انہوں نے کہا کہ مسلم لیگ ن کی حکومت ملک کو ڈیفالٹ کے دہانے سے نکال لائی ماضی گواہ ہے کہ ملک کی معاشی ترقی میں ہمیشہ مسلم لیگ ن کا کردار سب سے بہتر رہا ہے، پاکستان کے معاشی اعشاریوں کی پوری دنیا تعریف کر رہی ہے، ملک پر جب بھی سخت آزمائش یا بحران آیا نواز شریف کی جماعت نے کا مقابلہ کیا اور ملک کو بحرانوں سے نکالا، انہوں نے گکھڑ کے عوام سے مخاطب ہو کر کہا کہ جب ہم پر جھوٹے مقدمات درج ہوتے تھے تب بھی گکھڑ کے عوام ہمارے ساتھ کھڑے رہے، سیاسی تحریکوں میں ہمیشہ اہل گکھڑ نے ہمارا ساتھ دیا اور بڑھ چڑھ کر حصہ لیا۔ کوئی سال ڈیڑھ سال پہلے کچھ ناعاقبت اندیش لوگ کہتے تھے کہ ملک ڈیفالٹ کر جائے گا، بد بخت ملک کے ڈیفالٹ کی بد دعائیں دیتے تھے کچھ لوگ آئی ایم ایف کو خط لکھ رہے تھے یہ وہی ٹولہ تھا پنکی ،گوگی اور کپتان کا لیکن آج ملک کہاں کھڑا ہے ملک ترقی کی سمت گامزن ہے، معاشی اشارے مثبت، دنیا ہماری معاشی پوزیشن کی تعریف کر رہی ہے، ڈیفالٹ کے دہانے سے میاں شہباز شریف نے ملک کو نکال لیا۔ تم وہ لوگ ہو تم نے 9 مئی کو ملکی اداروں پر حملہ کیا جبکہ نواز شریف نے 28 مئی کو ایٹمی دھماکے کر کے ملکی دفاع کو مضبوط کیا، میاں نواز شریف نے موٹر ویز کا جال بچھایا، ملک کو لوڈ شیڈنگ سے نجات دلوائی مریم نواز پنجاب میں ترقی کا سفر طے کر رہی ہے۔ سوشل میڈیا پر منفی پروپیگنڈا کا بخار اتر رہا ہے، انہوں نے لوگوں کو تقسیم کیا ان کی اپنی پارٹی دس گروہوں میں بٹ چکی ہے یہ پاک فوج کو للکارتے ہیں۔ الزام تراشیاں کرتے ہیں، فوج کے خلاف بیانیے بنا رہے ہیں آج ان کی اپنی یہ حالت ہے کہ ان کے جلسوں میں بندے پورے نہیں ہو رہے۔ جھوٹ اور نفرت کی سیاست اب دفن ہو رہی ہے۔ عطاء اللہ تارڑ کا گکھڑ منڈی وزیرآباد میں ترقیاتی منصوبوں، 8 کلو میٹر پیر کوٹ تا کلیر روڈ کا افتتاح، ڈرین اور جی ٹی روڈ پر انڈر پاس و سٹریٹ لائٹس تنصیب کے افتتاح کے موقع پر سابق ایم پی اے بلال فاروق تارڑ و ایم پی اے وقار چیمہ ، چوہدری عنصر محمود سندھو کے ہمراہ افطار ڈنر سے خطاب اور کارکنوں سے گفتگو کی۔ عطاء اللہ تارڑ نے کہا کہ پی ٹی آئی نے نفرت کی سیاست کو پروان چڑھایا آج خود تقسیم کا شکار ہے۔ آج پورا پاکستان مسلم لیگ ن کی قیادت سے خوش ہے، ماضی میں سابقہ حکومت نے عوام کو اندھیرے کی طرف دھکیلا، مسلم لیگ کی حکومت ہمیشہ عوام کے لئے تعمیر و ترقی کی علامت رہی ہے۔ حکومتی اقدامات سے معیشت درست سمت میں گامزن ہے۔ بانی پی ٹی آئی نے 190 ملین پاؤنڈ کی ڈکیتی کی۔ پی ٹی آئی نے ملک کو بہت نقصان پہنچایا، یہ وہ لوگ تھے جنہوں نے پاکستان کی بہتری کے لئے ایک اینٹ نہیں لگائی۔ پی ٹی آئی نے اپنے دور حکومت میں ملکی ترقی کا سفر روکا۔ آج پی ٹی آئی دس حصوں میں تقسیم ہو چکی ہے۔ اس پارٹی نے ہمیشہ نفرت اور لوٹ مار کی سیاست کی۔گکھڑ منڈی سے نامہ نگار کے مطابق عطاء تارڑ نے کہا کہ سابقہ چیئرمین وسیم یعقوب بٹ بلال فاروق تارڑ بہترین لیڈر ہیں جس کو سیاست کے میدان میں اتارا اس کا مقصد صرف اور صرف عوامی ترقی کے منصوبے تھے اور آج جو لوگوں کے دلوں پر راج کر رہا ہے، گکھڑ کے عوامی حلقوں میں بلال فاروق تارڑ کے سوا کوئی جگہ نہیں لے سکتا۔ وسیم یعقوب بٹ، عنصر سندھو، وقار چیمہ، ایڈووکیٹ مستنصر گوندل بلال فاروق تارڑ نے بھی اپنے خیالات کا اظہار کیا۔
ذریعہ: Nawaiwaqt
کلیدی لفظ:
عطاء اللہ تارڑ
پی ٹی آئی نے
مسلم لیگ
تارڑ نے
ملک کو
رہا ہے
کے لئے
کہا کہ
رہی ہے
پڑھیں:
حکومتی ورک رپورٹ کے مطابق بچوں اور معذوروں کے لیے خدمات کے انتظامات کئے گئے ہیں، چینی وزیر
حکومتی ورک رپورٹ کے مطابق بچوں اور معذوروں کے لیے خدمات کے انتظامات کئے گئے ہیں، چینی وزیر WhatsAppFacebookTwitter 0 9 March, 2025 
سب نیوز
بیجنگ : چودہویں نیشنل پیپلز کانگریس کے تیسرے اجلاس میں ایک پریس کانفرنس کا انعقاد کیا گیا جس میں چین کی وزارت شہری امور، وزارت انسانی وسائل و سماجی تحفظ، وزارت ہاؤسنگ اور شہری و دیہی ترقی اور نیشنل ہیلتھ کمیشن کے سربراہان نے متعلقہ امور پر چینی اور غیر ملکی صحافیوں کے سوالات کے جوابات دیئے۔
اتوار کے روز شہری امور کے وزیر لو جی یوان نے کہا کہ اس سال کی حکومتی ورک رپورٹ میں ضرورت مند افراد کی بنیادی زندگی کے تحفظ، بچوں اور معذوروں کے لیے خدمات کے انتظامات کئے گئے ہیں جن پر سول افیئرز کے محکمے عمل درآمد کے لیے موثر اقدامات کریں گے۔ انسانی وسائل اور سماجی تحفظ کی وزیر وانگ شیاؤ پھنگ نے کہا کہ 2024 کے آخر تک ملک بھر میں بنیادی پنشن، بے روزگاری اور روزگار کے دورا ن انجری انشورنس کے ذریعے بیمہ شدہ افراد کی تعداد بالترتیب 1.07 ارب، 250 ملین اور 300 ملین تک پہنچی ۔
انہوں نے کہا کہ اس وقت کچھ پلیٹ فارمز جیسے ایکسپریس ڈیلیوری، ٹیک اوے اور آن لائن کار ہیلنگ ڈرائیورز کے بیمہ شدہ ملازمین کی تعداد ایک کروڑ سے تجاوز کرچکی ہے۔
ہاؤسنگ اور شہری و دیہی ترقی کے وزیر نی ہونگ نے کہا کہ گزشتہ سال کی چوتھی سہ ماہی میں نو تعمیر شدہ کمرشل ہاؤسنگ کی فروخت کے علاقوں اور رقوم نے مثبت نمو حاصل کی ہے، اور رئیل اسٹیٹ مارکیٹ نے اس سال جنوری اور فروری میں “گراوٹ کو روکنے اور استحکام ” کی مثبت رفتار برقرار رکھی ہے۔
نیشنل ہیلتھ کمیشن کے ڈائریکٹر لے ہائی چھاؤ نے کہا کہ 2024 میں چینی باشندوں کی متوقع عمر 79 سال تک پہنچی جو 2023 کے مقابلے میں 0.4 سال زیادہ ہے اور قومی معاشی و سماجی ترقی کے لیے چودہویں پانچ سالہ منصوبے کا ہدف مقررہ وقت سے پہلے حاصل کر لیا گیا ہے۔
وزیراعلیٰ مریم نواز کا مہنگائی کے سدباب کیلئے مؤثر کریک ڈاؤن کا حکم