پنجاب پولیس، 39 ڈی ایس پیز کو ایس پی کے عہدے پر ترقی، نوٹیفیکیشن جاری
اشاعت کی تاریخ: 9th, March 2025 GMT
لاہور:
لاہور: پنجاب پولیس کے 39 ڈی ایس پیز کو ایس پی کے عہدے پر ترقی دے دی گئی ہے، جس کا نوٹیفیکیشن جاری کر دیا گیا ہے۔
ایس پی عہدے پر ترقی کے لئے پروموشن بورڈ کا اجلاس گزشتہ دنوں آئی جی پنجاب ڈاکٹر عثمان انور کی زیر صدارت منعقد ہوا تھا۔
ترجمان پنجاب پولیس کے مطابق، پروموشن بورڈ نے میرٹ اور قواعد و ضوابط کے مطابق 39 ڈی ایس پیز کی ترقی کے لئے سفارشات تیار کیں، جنہیں آئی جی پنجاب ڈاکٹر عثمان انور نے منظوری کے لیے حکومت پنجاب کو بھیج دیا تھا۔
وزیر اعلیٰ پنجاب مریم نواز شریف کی حتمی منظوری کے بعد ترقیوں کا باقاعدہ نوٹیفیکیشن جاری کر دیا گیا۔
آئی جی پنجاب ڈاکٹر عثمان انور نے ترقی پانے والے افسران کو مبارکباد دیتے ہوئے کہا کہ ان کی محنت اور ایمانداری کی قدر کی جاتی ہے۔
انہوں نے ایس پی کے عہدے پر ترقی پانے والے افسران سے مزید دلجمعی کے ساتھ فرائض کی ادائیگی کی توقع ظاہر کی اور کہا کہ پاکستان کی بے خوف حفاظت اور پاکستانی عوام کی بے لوث خدمت کو یقینی بنائیں۔
ترقی پانے والے افسران میں ڈی ایس پی ٹریفک ریاض احمد کے علاوہ شاہد رشید، ساجد محمود، یوسف ہارون، فواد احمد، منیر بدر، شفقت ندیم، کاشف عبداللہ، رمیز احمد، رضا اللہ، علی اختر، شاہد شفیق، عامر مشتاق، شاہد نذیر، جان محمد، محمد خان، عرفان الحق، بابر ممتاز، سعید احمد، منصور الحسن، اختر علی، عاطف عمران، محمد سلیم، فیاض احمد، جمشید اقبال، محمد طارق، حسن فاروق، نصراللہ خان، خالد سعید، ظفر جاوید، شاہد اکرام، عصر علی، غازی محمد عمر فاروق، ذوالفقار علی، مدثر اقبال، ہمایوں افتخار، معظم علی، سلیم اللہ اور آئی جی پنجاب کے اے پی ایس او عادل رشید شامل ہیں۔
ترجمان پنجاب پولیس نے بتایا کہ کرائم کنٹرول ڈیپارٹمنٹ اور دیگر یونٹس میں ایس پی کے عہدے پر ترقی کے لئے پروموشن بورڈ کا اگلا اجلاس عید کے بعد منعقد ہوگا۔
.ذریعہ: Express News
کلیدی لفظ: ایس پی کے عہدے پر ترقی پنجاب پولیس ڈی ایس پی
پڑھیں:
شاہد کپور نے کرینہ کپور سے ملاقات پر کیا کہا؟
بالی ووڈ اداکار شاہد کپور نے کرینہ کپور سے ملاقات پر کہا ہے کہ اگر لوگوں کو یہ دیکھ کر خوشی ہو رہی ہے تو یہ بہت بڑی بات ہے۔
راجستھان میں منعقد 25ویں IIFA ایوارڈز کی پریس کانفرنس میں شاہد کپور اور کرینہ کپور کی ملاقات مداحوں کے لیے خوشگوار حیرت کا باعث بنی۔
ملاقات کے دوران دونوں اداکار ایک دوستانہ ماحول میں نظر آئے، ایک دوسرے کو گلے لگاتے اور بات چیت کرتے دکھائی دیے، جس سے یہ ظاہر ہورہا تھا کہ ان کے ماضی کے تعلقات میں کوئی تلخی باقی نہیں رہی۔
شاہد کپور نے میڈیا سے بات کرتے ہوئے کہا کہ ہمارے لیے یہ کوئی نئی بات نہیں ہے، ہم یہاں وہاں ملتے رہتے ہیں اور ہمارے لیے یہ بالکل معمولی ہے، اگر لوگوں کو اچھا لگ رہا ہے تو یہ بہت بڑی بات ہے۔
شاہد کپور اور کرینہ کپور 2000ء میں ایک دوسرے کے ساتھ رشتے میں تھے اور دونوں نے کئی کامیاب فلموں میں ایک ساتھ کام کیا۔
بعدازاں کرینہ کپور نے سیف علی خان سے شادی کی اور دو بیٹوں کی ماں بن گئیں جبکہ شاہد کپور میرا راجپوت سے شادی کے بندھن میں بندھے اور ان کا ایک بیٹا اور ایک بیٹی ہے۔
Post Views: 2
رمضان المبارک میں مہنگائی، وزیراعلیٰ پنجاب نے بڑے احکامات جاری کردیے