حکومت نے آئی ایم ایف کےکہنے پر 30 ہزار اسامیاں ختم کی ہیں، وزیر آبپاشی پنجاب
اشاعت کی تاریخ: 7th, March 2025 GMT
پنجاب اسمبلی میں وزیر آب پاشی پیر کاظم پیر زادہ نے دعویٰ کیا ہے کہ حکومت نے آئی ایم ایف کےکہنے پر 30 ہزار امسامیاں ختم کی ہیں، نہروں کا نظام مزید بہتر سے بہتر بنا رہے ہیں۔
اسپیکر نے کورم کی نشاندہی کرتے ہوئے اپوزیشن کو آڑے ہاتھوں لیا۔ اجلاس میں سات بل بھی پیش کیے گئے۔
پنجاب اسمبلی کا اجلاس شروع ہوا تو اپوزیشن نے نعرے بازی شروع کر دی جس پر اسپیکر پلے کارڈر اٹھا کر نعرے بازی پر پابندی لگا دی۔ انہوں نے کہا کہ احتجاج اپوزیشن کا حق ہے لیکن پلے کارڈز نیچے کیے جائیں، اس پر اپوزیشن نعرے بازی کرتے ہوئے واک آؤٹ کرگئی۔
وزیر آبپاشی پیر کاظم پیرزادہ نے سوالات کے جواب دیتے ہوئے کہا کہ آئی ایم ایف کے کہنے پر 30 ہزار آسامیاں ختم کی گئی ہیں۔ نہری نظام سو سال پرانا ہے، 2025-26 میں اسےٹھیک کر دیں گے۔
اسپیکر ملک محمد احمد نے کہا کہ کسانوں کو شکایت ہے کہ انہیں وافر پانی نہیں ملتا، وقفہ سوالات کے بعدایوان میں 7 نئے بل پیش کیے گئے۔ ایجنڈا مکمل ہونے پر اجلاس 10مارچ صبح گیارہ بجے تک ملتوی کر دیا گیا۔
.ذریعہ: Jang News
پڑھیں:
خواتین کو بااختیار بنائے بغیر ترقی ممکن نہیں، اسپیکر قومی اسمبلی
اسلام آباد (نیوز ڈیسک) اسپیکر قومی اسمبلی سردار ایاز صادق نے خواتین کے عالمی دن کے موقع پر اپنے خصوصی پیغام میں کہا ہے کہ کسی بھی ترقی پسند معاشرے کی تشکیل کے لیے خواتین کو بااختیار بنانا ناگزیر ہے۔ انہوں نے کہا کہ خواتین نے تعلیم، صحت، کھیل اور دیگر شعبوں میں نمایاں خدمات انجام دی ہیں، جنہیں ہر سطح پر سراہا جانا چاہیے۔
اسپیکر قومی اسمبلی نے کہا کہ خواتین کے حقوق سے متعلق منفی رویوں کو تبدیل کرنا ہوگا اور انہیں قومی دھارے میں شامل کیے بغیر ملکی ترقی ممکن نہیں۔ انہوں نے پاکستان کی تاریخ میں خواتین کے نمایاں کردار پر روشنی ڈالتے ہوئے کہا کہ محترمہ بینظیر بھٹو کا مسلم دنیا کی پہلی خاتون وزیر اعظم کے طور پر انتخاب، ملک میں صنفی مساوات کے فروغ کا مظہر ہے۔
انہوں نے وزیراعلیٰ پنجاب مریم نواز شریف کی جانب سے خواتین کی فلاح و بہبود کے لیے کیے جانے والے اقدامات کی بھی تعریف کی اور کہا کہ یہ اقدامات خواتین کو معاشی اور سماجی طور پر مضبوط بنانے میں معاون ثابت ہوں گے۔ سردار ایاز صادق نے تحریک پاکستان میں محترمہ فاطمہ جناح، بیگم رعنا لیاقت علی خان، بیگم جہاں آرا شاہنواز اور بیگم شائستہ اکرام اللہ کے کردار کو خراج تحسین پیش کیا اور کہا کہ ان عظیم خواتین کی جدوجہد ہمیشہ یاد رکھی جائے گی۔
انہوں نے کہا کہ وومنز پارلیمانی کاکس اور خصوصی کمیٹی برائے جینڈر مین سٹریمنگ ملک میں خواتین کے حقوق کے تحفظ اور صنفی مساوات کے فروغ کے لیے فعال کردار ادا کر رہی ہیں۔ اسپیکر قومی اسمبلی نے مزید کہا کہ قانون سازی کے عمل میں خواتین اراکین موثر اور نمایاں کردار ادا کر رہی ہیں اور پاکستان کی پارلیمان خواتین کو ان کا جائز مقام دلانے کے لیے پر عزم ہے۔
Post Views: 1
بدقسمتی ہے جو ملکی حالات ہیں اس میں کوئی بھی محفوظ نہیں: شاہد خاقان عباسی