حکومت سرمایہ کاری اور کاروباری سرگرمیوں کیلئے سازگار ماحول فراہم کر رہی ہے، وزیر اعظم
اشاعت کی تاریخ: 7th, March 2025 GMT
ملک کے معروف تاجروں سے گفتگو کرتے ہوئے شہباز شریف کا کہنا تھا کہ معاشی بہتری اور تمام شعبوں میں اصلاحات کا سفر کاروباری رہنماؤں کی مشاورت سے جاری رہے گا۔ اسلام ٹائمز۔ وزیر اعظم شہباز شریف نے کہا ہے کہ حکومت سرمایہ کاری اور کاروباری سرگرمیوں کے فروغ کیلئے سازگار ماحول فراہم کر رہی ہے۔ وہ جمعہ کے روز اسلام آباد میں ملک کے معروف تاجروں سے گفتگو کر رہے تھے۔ وزیر اعظم نے ملکی ترقی کے لیے تاجر برادری کی کوششوں کو سراہا۔ انہوں نے ملک میں روزگار کے مواقع پیدا کرنے میں تاجر برادری کے کردار کا بھی اعتراف کیا۔ وزیراعظم نے کہا کہ معاشی بہتری اور تمام شعبوں میں اصلاحات کا سفر کاروباری رہنماؤں کی مشاورت سے جاری رہے گا۔ انہوں نے اس بات پر زور دیا کہ تاجر برادری کے ساتھ مشاورتی عمل کا مقصد ملک کی اقتصادی ترقی کو مزید تیز کرنا ہے۔ اس موقع پر تاجر برادری کے ارکان نے حکومت کی تاجر دوست پالیسیوں پر مکمل اعتماد کا اظہار کیا۔ انہوں نے زراعت کے شعبے کی ترقی کے لیے معیاری بیجوں کی فراہمی کو یقینی بنانے کے لیے نیشنل سیڈ ڈویلپمنٹ اتھارٹی کے قیام پر حکومت کی کاوشوں کو سراہا۔ شرکاء نے حکومت کی جانب سے شروع کیے گئے گرین پاکستان اقدام کو بھی سراہا۔ انہوں نے کہا کہ حکومت کی دانشمندانہ پالیسیوں کی وجہ سے پاکستان کی آئی ٹی انڈسٹری بین الاقوامی سطح پر اپنی شناخت بنا رہی ہے۔ شرکاء نے مزید مختلف شعبوں کے حوالے سے اپنی تجاویز پیش کیں۔ وزیر اعظم شہباز شریف نے متعلقہ وزارتوں کو ہدایت کی کہ وہ تاجر برادری اور اسٹیک ہولڈرز کے نمائندوں سے مشاورت کریں۔
.ذریعہ: Islam Times
کلیدی لفظ: تاجر برادری انہوں نے حکومت کی
پڑھیں:
جس کی غلطی وہی جوابدہ، پاکستانی سرمایہ لگا ئیں تو باہر سے بھی آئیگا: شہباز شریف
اسلام آباد (خبرنگار خصوصی ) وزیراعظم شہباز شریف نے ملک میں سرمایہ کاری اور کاروباری سرگرمیوں کے فروغ کیلئے سازگار ماحول کی فراہمی کے عزم کا اعادہ کرتے ہوئے کہا ہے کہ زراعت، صنعتی ترقی اور تجارت کا فروغ حکومت کا ہدف ہے۔ آئندہ جمعرات سے شعبہ جاتی جائزہ اجلاس باقاعدگی سے ہوگا۔ کسانوں کی محنت اور ویلیو ایڈیشن کی وجہ سے چاول کی برآمدات چار ارب ڈالر تک پہنچ گئی ہیں۔ میکرو اقتصادی اشاریے بتدریج بہتر ہو رہے ہیں۔ حکومت میں جہاں جس کی بھی غلطی ہو گی اسے جوابدہ بنایا جائے گا۔ وہ ممتاز کاروباری شخصیات سے ملاقات میں گفتگو کر رہے تھے۔ وزیراعظم نے کہا کہ ملک کی ترقی، خوشحالی، پیداوار اور روزگار کے مواقع بڑھانے میں کاروباری برادری کا کردار لائق تحسین ہے، مخلص اور دیانتدار کاروباری برادری ہمارا قیمتی اثاثہ ہے، آپ نے مشکل وقت میں ملکی صنعتی و معاشی ترقی کیلئے اپنا سرمایہ ملک میں لگایا ہے، آپ کی کاوشوں کی بدولت ملکی معیشت کا پہیہ چلا، لوگوں کو روزگار ملا، آپ کی مشاورت اور مفید آراء سے ملکی معیشت کی بہتری اور تمام شعبوں میں اصلاحات کا سفر جاری رکھیں گے، کاروباری شخصیات کے ساتھ ملاقاتوں کا مقصد معیشت کی بہتری کیلئے ان کی رائے لینا ہے۔ انہوں نے کہا کہ ملکی معیشت صحیح سمت میں گامزن ہے، سرمایہ کاری کا سفر مقامی سرمایہ کاروں سے شروع ہوتا ہے۔ اب ہمیں روزگار، پیداوار اور برآمدات میں اضافے پر توجہ مرکو زکرنی ہے۔ کاروباری حالات کو بہتر بنانے کی کوششوں اور سازگار ماحول کے فروغ کیلئے حکومت بھرپور تعاون کرے گی ۔ اگر ملکی سرمایہ کار سرمایہ لگائیں گے تو بیرون ملک سے بھی سرمایہ کاری ہو گی۔ وزیراعظم نے کہا کہ حکومت کاروباری شعبہ سے شراکت کی خواہاں ہے تاکہ معیشت کا پہیہ تیزی سے گھومے۔ اس سلسلہ میں کاروباری برادری کی مشاورت سے اقدامات کئے جائیں گے۔ وزیراعظم نے کہا کہ شعبہ جاتی جائزہ اجلاس ہفتے میں دو بار ہو گا، حکومت میں جہاں جس کی بھی غلطی ہو گی اسے جوابدہ بنایا جائے گا۔ کاروباری برادری نے وزیراعظم شہباز شریف کی قیادت میں حکومتی پالیسیوں پر اعتماد کا اظہار کیا۔سازگار ماحول فراہم کرنے پر انہیں خراج تحسین پیش کیا۔ شرکاء نے حکومت کے گرین پاکستان انیشی ایٹو کی بھی تعریف کی۔ شرکاء نے مختلف شعبوں کے حوالے سے تجاویز بھی پیش کیں۔
اسلام آباد( خبرنگار خصوصی ) پاکستان میں تعینات چین کے سفیر جیانگ زیڈونگ نے وزیر اعظم محمد شہباز شریف سے وزیر اعظم ہائوس میں ملاقات کی۔ وزیراعظم نے صد شی جن پنگ اور وزیر اعظم لی کیانگ کے لئے نیک خواہشات کا اظہار کیا۔ انہوں نے قومی عوامی کانگریس اور چینی عوامی سیاسی مشاورتی کانفرنس کے دو اجلاسوں کے کامیاب انعقاد پر چینی قیادت اور قوم کو مبارکباد بھی دی۔ وزیراعظم نے تمام بنیادی مسائل پر پاکستان کی دیرینہ اور مسلسل حمایت پر چین کا شکریہ ادا کیا۔ انہوں نے چین کے قومی دلچسپی کے امور پر پاکستان کی مسلسل اور غیر متزلزل حمایت کا بھی اعادہ کیا۔ ملاقات میں دونوں ممالک کے درمیان سکیورٹی اور انسداد دہشت گردی تعاون پر پیش رفت پر بھی تبادلہ خیال کیا گیا۔ اس سلسلے میں وزیراعظم نے اس یادگار موقع کو شایان شان طریقے سے منانے کی ہدایات جاری کیں۔ انہوں نے صدر شی جن پنگ کو پاکستان کا سرکاری دورہ کرنے کے لیے اپنی انتہائی پرخلوص دعوت کی بھی تجدید کی۔ چینی سفیر نے چینی قیادت کے لیے نیک خواہشات پر وزیراعظم کا شکریہ ادا کیا۔ ملک میں میکرو اکنامک صورتحال کو بہتر بنانے میں حکومت کی کامیابیوں کو سراہتے ہوئے، چینی سفیر نے اس بات کا اعادہ کیا کہ چین پاکستان کی قومی ترقی کوششوں میں اپنی مکمل حمایت اور تعاون جاری رکھے گا۔ علاوہ ازیںایکس پر ایک ٹویٹ میں وزیراعظم نے کہا کہ چین اپنے قومی ترقیاتی اہداف کے حصول کیلئے نمایاں پیشرفت کر رہا ہے، ہم صدر شی جن پنگ کی وژنری قیادت میں چین کی جدیدیت سے بالخصوص بہت متاثر ہیں۔ انہوں نے کہا کہ بحیثیت آئرن برادر اور ہر طرح کی صورتحال میں سٹرٹیجک تعاون کے شراکت داروں کے طور پر پاکستان اور چین امن و ترقی کے مشترکہ مقاصد کے تحت تعاون کو مزید مضبوط بنانے کیلئے مل کر کام کرتے رہیں گے۔
قرآن کریم اور رمضان المبارک کی برکات