پشاور؛ دو ماہ کے دوران 1100 اشتہاری گرفتار
اشاعت کی تاریخ: 7th, March 2025 GMT
پشاور:
اشتہاری مجرمان کے خلاف کریک ڈاؤن کے دوران دو ماہ میں 1106اشتہاری مجرمان گرفتار کرلیے گئے۔
تفصیلات کے مطابق سی سی پی او پشاور قاسم علی خان اور ایس ایس پی آپریشنز مسعود احمد کی ہدایات پر ضلع بھر میں امن وامان کی صورتحال برقرار رکھنے کی خاطراشتہاری مجرمان کے خلاف کریک ڈاون مزید تیزکردیا گیا ہے۔
اس ضمن میں تمام ڈویژنل ایس پیزکو خصوصی ٹاسک دیا گیا ہے، جس کے دوران ضلع بھر میں اندرون شہر سمیت نواحی اور مضافاتی علاقوں میں سنگین جرائم میں مطلوب خطرناک اشتہاری مجرمان کے خلاف کریک ڈاؤن کو مزید تیزکردیا گیا ہے،جس کے دوران ضلع بھر میں رواں سال کے ابتدائی دو ماہ میں سنگین جرائم میں مطلوب 1106 اشتہار ی مجرمان کو گرفتار کیا گیا ہے۔
خصوصی مہم کے دوران قتل، اقدام قتل، راہزنی، ڈکیتی، اغوا اور دیگر سنگین جرائم میں مطلوب اشتہاریوں کو خصوصی طور پر نشانہ بنایا گیا ہے۔
سی سی پی او پشاور قاسم علی خان نے حالیہ کریک ڈاؤن کے دوران حاصل ہونے والے اہداف پر اطمینان کا اظہار کرتے ہوئے اشتہاری مجرمان اور منشیات فروشوں کے خلاف کارروائیاں اسی طرح جاری رکھنے کی ہدایت کی ہے۔
.ذریعہ: Express News
کلیدی لفظ: اشتہاری مجرمان کے دوران کے خلاف گیا ہے
پڑھیں:
سید عباس عراقچی نے اسرائیل کے خلاف اجتماعی پابندیوں کا مطالبہ کر دیا
OIC کے اجلاس سے اپنے ایک خطاب میں ایرانی وزیر خارجہ کا کہنا تھا کہ امریکہ اور مغربی اتحادیوں کی بلا مشروط حمایت کی وجہ سے صیہونی رژیم نے ایسے خوفناک جرائم کا ارتکاب کیا ہے جن کی بین الاقوامی جنگی جرائم اور نسل کشی کی تاریخ میں مثال نہیں ملتی۔ اسلام ٹائمز۔ جدہ میں اسلامی جمہوریہ ایران کے وزیر خارجہ سید عباس عراقچی" نے OIC کے اعلیٰ سطحی اجلاس سے خطاب کیا۔ اس موقع پر سید عباس عراقچی نے کہا کہ اس نازک صورت حال میں اس اجلاس کے انعقاد اور اس کی میزبانی کرنے پر سعودی بادشاہ کا شکر گزار ہوں۔ انہوں نے کہا کہ یہ اجلاس اس کٹھن مرحلے پر منعقد ہو رہا ہے جب غزہ کے لوگوں کو 16 مہینوں سے شدید ترین مشکلات اور نسل کشی کا سامنا ہے۔ فلسطین بالخصوص غزہ کی صورت حال نہایت تشویش ناک ہے۔ یہ بحران صرف ایک انسانی تباہی ہی نہیں بلکہ ایک ایسی قوم کے خلاف گہری ناانصافی کا مظہر ہے جو 7 سے زائد دہائیوں سے مںظم طور پر اپنے بنیادی حقوق سے محروم اور بے رحمانہ قبضے کا شکار ہے۔ امریکہ اور مغربی اتحادیوں کی بلا مشروط حمایت کی وجہ سے صیہونی رژیم نے ایسے خوفناک جرائم کا ارتکاب کیا ہے جن کی بین الاقوامی جنگی جرائم اور نسل کشی کی تاریخ میں مثال نہیں ملتی۔ بدقسمتی سے ان مکروہ افعال کا محاسبہ تک نہیں ہو سکا۔
جاری ہے۔۔۔۔۔۔۔۔
چیمپئینز ٹرافی؛ نیوزی لینڈ کیخلاف بھارت کی پہلی وکٹ جلد گرگئی