خیبرپختونخوا اوربلوچستان میں دہشتگردی کے معاملے پر ایمل ولی کا صدر مملکت کوخط
اشاعت کی تاریخ: 7th, March 2025 GMT
ایمل ولی نے بلوچستان اور خیبر پختونخوا کے حالات سے متعلق صدر پاکستان کو خط لکھ دیا، ایمل ولی کی جانب سے خط میں خیبر پختونخوا اور بلوچستان کے معاملے پر پارلیمان کا مشترکہ اجلاس بلانے کا مطالبہ کیاگیا۔
عوامی نیشنل پارٹی کے مرکزی صدر ایمل ولی نے صدر آصف علی زرداری کو لکھے گئے خط میں کہا ہے کہ بلوچستان اور خیبر پختونخوا میں ٹارگٹ کلنگ اور دہشتگردوں کے حملے معمول بن چکے ہیں، ہم نے امن کے لئے ریاست کے ساتھ کھڑے ہونے کا اپنا فرض نبھایا ہے۔
صدر اے این پی نے خط میں مزید لکھا کہ اس جدوجہد میں ہمارے 1300 کارکن ، رہنما اور اراکین اسمبلی شہید ہوئے، اس کے باوجود خیبر پختونخوا کے عوام کو مسلسل نظر انداز کیا جارہا ہے۔
ایم ولی نے خط میں لکھا کہ 2018 میں خفیہ معاہدے کے ذریعے چالیس ہزار دہشتگردوں کو خیبر پختونخوا میں بسایا گیا، یہ وقت مزید تاخیر اورغلط فیصلوں کا نہیں دونوں صوبوں کے عوام کو یقین دلانا ہوگا کہ وہ تنہا نہیں۔
دوسری جانب ضلع شانگلہ کی تحصیل بشام سانگھڑی میں ٹریفک کا حادثہ پیش آیا ہے، حادثے میں عوامی نیشنل پارٹی کے ڈپٹی جنرل سیکرٹری جان بحق ہوگئے۔
پولیس کے مطابق افسوس ناک واقعہ تیز رفتاری کے باعث پیش آیا جس میں عوامی نیشنل پارٹی کے صوبائی ڈپٹی جنرل سیکرٹری متوکل خان ایڈووکیٹ موقع پر جاں بحق ہوئے ہیں جبکہ ان کا ڈرائیور شدید زخمی ہوا ہے۔
پولیس کا کہنا ہے کہ گاڑی ڈرائیور سے بے قابو ہوکر گہری کھائی میں گرگئی۔
ذریعہ: Daily Mumtaz
کلیدی لفظ: خیبر پختونخوا ایمل ولی
پڑھیں:
جماعت اسلامی عوامی خدمت کے ساتھ ظالم حکمرانوں سے حقوق بھی حاصل کرے گی، منعم ظفر خان
راشن کی تقسیم کی تقریب سے خطاب کرتے ہوئے امیر جماعت اسلامی کراچی نے کہا کہ پیپلز پارٹی کی صوبائی حکومت ٹاؤن و یوسی میں اختیارات منتقل کرنے کے لیے بھی تیار نہیں ہے، جماعت اسلامی عوامی خدمت کے ساتھ ساتھ ظالم حکمرانوں سے عوام کے حقوق بھی حاصل کرے گی۔ اسلام ٹائمز۔ امیر جماعت اسلامی کراچی منعم ظفر خان نے کہا ہے کہ پیپلز پارٹی 17 سال سے سندھ میں حکومت کررہی ہے لیکن اس نے کراچی کے عوام کے لیے عملاً کچھ نہیں کیا، اہل کراچی کو باعزت ٹرانسپورٹ، معیاری تعلیم، پینے کا صاف پانی، علاج معالجے کی سہولت سمیت بنیادی ضروریات تک میسر نہیں، پیپلز پارٹی اپنے وڈیرہ شاہی اور جاگیردارانہ مائنڈ سیٹ کواندرون سندھ کی طرح کراچی پر بھی مسلط کرنا چاہتی ہے، جماعت اسلامی کے 9 ٹاؤنز نے ڈیڑھ سال کے مختصر وقت میں پارکوں کو بحال کیا، پانی و سیوریج کے مسائل حل کیے اور اب گلیوں میں پیور بلاک کے کام کروائے جارہے ہیں، پیپلز پارٹی کی صوبائی حکومت ٹاؤن و یوسی میں اختیارات منتقل کرنے کے لیے بھی تیار نہیں ہے، جماعت اسلامی عوامی خدمت کے ساتھ ساتھ ظالم حکمرانوں سے عوام کے حقوق بھی حاصل کرے گی۔ ان خیالات کا اظہار انہوں نے جماعت اسلامی ضلع گلبرگ وسطی یوسی 8 کے تحت فیڈرل بی ایریا بلاک 5 میں 1200 مستحق خاندانوں میں راشن کی تقسیم کی تقریب سے خطاب کرتے ہوئے کیا۔
منعم ظفر خان نے مزید کہا کہ پورے ملک میں الخدمت کا نیٹ ورک موجود ہے، الخدمت ایک این جی او ہے جو کسی بھی ریاست کا متبادل نہیں ہوسکتی لیکن اس کے باوجود کراچی سمیت ملک بھر میں عوامی خدمات انجام دے رہی ہے، علاقہ گلبرگ و حلقہ گلفشاں کو مبارکباد پیش کرتا ہوں جو گزشتہ 25 سال سے اپنے فرائض سر انجام دے رہے ہیں، 12 سو سے زائد ضرورت مندوں میں راشن کی تقسیم کی جارہی ہے، رمضان المبارک برکت و رحمت کا مہینہ ہے، رمضان المبارک غم خواری، صبر و استقامت و ایثار قربانی کا درس دیتا ہے، شہری مشکل حالات میں زندگی گزار رہے ہیں، نفسا نفسی کے عالم میں الخدمت مفت بازار قابل مبارکباد ہے، الخدمت کے تحت مختلف سرگرمیاں سرا نجام دی جارہی ہیں، کراچی میں الخدمت صحت کی سہولیات، پینے کے صاف پانی و دیگر پروجیکٹ پر کام کررہی ہے، الخدمت پورے پاکستان میں 30 ہزار زائد یتیم بچوں کو کفالت یتامیٰ کے تحت سرپرستی کررہی ہے۔
وزیراعظم شہباز شریف اور بلاول بھٹو میں کل اہم ملاقات ہو گی