دلیپ کمار نے مدھوبالا کو تھپڑ کیوں مارا؟ ایک فلمی رومانس کی کڑوی حقیقت
اشاعت کی تاریخ: 7th, March 2025 GMT
بالی وڈ کی سنہری تاریخ میں دلیپ کمار اور مدھوبالا کی جوڑی کو ہمیشہ سے ایک مثالی جوڑے کے طور پر یاد کیا جاتا ہے۔ لیکن کیا آپ جانتے ہیں کہ ان کے درمیان محبت کی یہ داستان کتنی پیچیدہ تھی؟ اور کس فلم میں دلیپ کمار نے مدھوبالا کو حقیقت میں تھپڑ مارا تھا؟
دلیپ کمار اور مدھوبالا کی جوڑی کو بالی وڈ کے حسین ترین جوڑوں میں سے ایک مانا جاتا ہے۔ لیکن ان کی محبت کی کہانی فلمی کہانیوں سے کہیں زیادہ پیچیدہ تھی۔ فلم ’مغلِ اعظم‘ کی شوٹنگ کے دوران دونوں کے درمیان تعلقات میں دراڑیں پڑگئیں۔
فلم کے ایک سین میں، دلیپ کمار کے کردار ’سلیم‘ کو مدھوبالا کے کردار ’انارکلی‘ کو تھپڑ مارنا تھا۔ عام طور پر ایسے مناظر میں اداکار حقیقت میں تھپڑ نہیں مارتے، بلکہ محض اداکاری کرتے ہیں۔ لیکن دلیپ کمار نے اس بار حقیقت میں مدھوبالا کو تھپڑ مار دیا۔
مدھوبالا پر لکھی گئی ایک کتاب میں اس واقعے کا ذکر کیا گیا ہے۔ ان کے ساتھی اداکار اجیت، جو فلم میں دلیپ کمار کے ساتھ تھے، نے بتایا کہ دلیپ نے پورے زور سے مدھوبالا کو تھپڑ مارا۔ شاٹ کو منظوری مل گئی، لیکن سیٹ پر ایک عجیب سی خاموشی چھا گئی۔ کسی کو بھی یہ توقع نہیں تھی کہ دلیپ ایسا کریں گے۔
فلم کے ڈائریکٹر ’کے آصف‘ نے مدھوبالا کو تسلی دیتے ہوئے کہا، ’’یہ تھپڑ اس بات کا ثبوت ہے کہ دلیپ کمار اب بھی تم سے محبت کرتے ہیں، چاہے تمہاری راہیں جدا ہو چکی ہوں۔‘‘ انہوں نے مزید کہا، ’’سوائے ایک عاشق کے، کون ایسا کرسکتا ہے؟ یہ ثابت کرتا ہے کہ وہ تم سے محبت کرتے تھے اور اب بھی کرتے ہیں۔‘‘
تاہم، ’کے آصف‘ کا یہ تبصرہ مدھوبالا کےلیے کسی تسلی کا باعث نہیں بنا۔ وہ اس حقیقت پر صدمے میں تھیں کہ جس شخص نے کبھی ان سے محبت کی تھی، اس نے اداکاری کا بہانہ بنا کر انہیں تھپڑ مار دیا۔
دلیپ کمار اور مدھوبالا کے درمیان تعلقات کی خرابی کی کئی وجوہات تھیں۔ مدھوبالا کے والد عطا اللہ خان چاہتے تھے کہ دلیپ کمار اور مدھوبالا کی شادی ایک کاروباری معاہدہ بن جائے۔ ان کا مطالبہ تھا کہ شادی کے بعد، دلیپ اور مدھوبالا صرف ان کے پروڈکشن ہاؤس کےلیے کام کریں۔
دلیپ کمار نے اپنی سوانح حیات میں لکھا کہ انہوں نے مدھوبالا اور ان کے والد کو سمجھایا کہ وہ اپنے پروجیکٹس کا انتخاب اپنی شرائط پر کرتے ہیں۔ لیکن یہ بات مدھوبالا کے والد کے لیے ناقابلِ قبول تھی، اور انہوں نے مدھوبالا کو قائل کرلیا کہ دلیپ کمار بدتمیز اور مغرور ہیں۔
دلیپ کمار اور مدھوبالا کے تعلقات کا آخری وار ’’نیا دور کیس‘‘ تھا، جہاں فلمساز بی آر چوپڑا نے مدھوبالا پر مقدمہ کیا اور دلیپ کمار کو گواہ کے طور پر بلایا۔ یہ واقعہ دونوں کے درمیان تعلقات کو مکمل طور پر تباہ کرنے کا باعث بنا۔
اگرچہ دلیپ کمار اور مدھوبالا کی آن اسکرین محبت کی کہانی ہمیشہ یاد رکھی جائے گی، لیکن ان کی حقیقی زندگی کی داستان کسی فلمی کہانی سے کم نہیں تھی۔ ان کے مداح آج بھی ان کی زندگی میں گہری دلچسپی لیتے ہیں۔
.ذریعہ: Express News
کلیدی لفظ: دلیپ کمار نے کے درمیان کرتے ہیں کو تھپڑ محبت کی
پڑھیں:
رواں برس نوبل امن انعام کی نامزدگیوں کے لیے امریکی صدر ڈونلڈ ٹرمپ بھی شامل
نوبیل امن انعام 2025 کے لیے 300 سے زائد افراد اور تنظیموں کیہ سفارش کی گئی ہے جن میں امریکی صدر ڈونلڈ ٹرمپ اور پوپ فرانسس بھی شامل ہیں۔
نارویجن نوبیل انسٹی ٹیوٹ کے مطابق اس سال کی نامزدگیوں کے لیے 338 ناموں کی سفارش آئی ہیں جن میں 244 افراد اور 94 تنظیمیں ہیں۔
اگرچہ ان نامزدگیوں کی تفصیلات خفیہ رکھی جاتی ہیں لیکن جن اہم شخصیات کا ذکر کیا جا رہا ہے ان میں ڈونلڈ ٹرمپ، پوپ فرانسس اور سابق نیٹو سربراہ جینز اسٹولٹن برگ کا نام شامل ہے۔
اس کی تصدیق یوں بھی ہوتی ہے کہ امریکی کانگریس کے رکن ڈیرل عیسیٰ نے سوشل میڈیا پر اعلان کیا کہ انہوں نے ٹرمپ کو امن انعام کے لیے نامزد کیا ہے کیوں کہ ڈونلڈ ٹرمپ نے ہی مشرق وسطیٰ میں امن کے لیے اہم کردار ادا کیا۔
اگرچہ ڈیرل عیسیٰ نے یہ نامزدگی آخری تاریخ کے بعد کی ہے لیکن اس سے قبل یوکرائنی پارلیمنٹ کے رکن اولیکسانڈر میرژکو نے نومبر میں ٹرمپ کے نام کی سفارش کرچکے ہیں۔
خیال رہے کہ اس سے قبل بھی ڈونلڈ ٹرمپ کی نوبیل انعام کے لیے کی گئی نامزدگیاں توجہ کا مرکز بنی تھیں لیکن اس سال ان کی نامزدگی خاص اہمیت رکھتی ہے۔
رواں برس صدارتی عہدہ سنبھالتے ہی ٹرمپ نے کئی متنازع فیصلے کیے ہیں جیسے کہ یوکرین جنگ پرروس کی حمایت اور اپنے یورپی اتحادیوں کے ساتھ تعلقات کو کشیدہ بنانا۔
جدید منصوبے آئی ٹی اور جنگی تیاریوں کے فروغ کیلئے متعارف کروائے گئے ہیں، آرمی چیف