کراچی میں افطاری کے لیے سب سے مزیدار بوفے کہاں لگا ہوا ہے؟
اشاعت کی تاریخ: 7th, March 2025 GMT
کراچی میں رمضان مبارک کے دوران مختلف ریسٹورینٹس صارفین کو اپنی طرف راغب کرنے کے لیے طرح طرح کی افطار اور سحری بوفے آفرز دے رہے ہیں۔ اس تحریر میں ہم بتانے کی کوشش کریں گے کہ کراچی کے کون سی چند مشہور رمضان بوفے آفرز ہیں۔
افطار کے وقت شہریوں کی خواہش ہوتی ہے کہ وہ کھلی فضا میں افطار کریں۔ ویسے بھی کراچی کا ہوا دار موسم ان دنوں کھلی فضا سے محظوظ ہونے کا پورا موقع بھی فراہم کرتا ہے، ایسے میں اہل کراچی کے ذہن میں سب سے پہلا خیال ہائی وے کا آتا ہے، جہاں کھلے اور کشادہ ریسٹورینٹس کی بھر مار ہے۔ انہی میں سے ایک مندی ہاؤس ہے جس نے رمضان آفرز میں قیمتوں میں خصوصی رعایت دے رکھی ہے۔ ہائی وے پر ہی موجود کراچی کا مشہور شاہین شنواری ریسٹورینٹ بھی ہے جس نے 50 ڈشوں پر مشتمل بوفے کی آفر لگائی ہے جس کو حاصل کرنے کے لیے بڑوں کے لیے فی کس 1700 روپے جبکہ فی بچہ 1450 روپے ادا کرنا ہوگا۔
یہ بھی پڑھیےکراچی میں فلسطین کے لذیذ پکوان کی دھوم، فلسطینی خاندان نے دل جیت لیے
اگر بات کریں شارع فیصل پر موجود مشہور ’لال قلعہ‘ کی تو یہاں بھی 50 سے زائد دیسی ولائتی، چائینز اور سی فوڈز پر مشتمل رمضان بوفے لگایا ہے جس کی قیمت ایک فرد کے لیے 3590 روپے جبکہ ایک بچے کے لیے 1890 روپے ہے۔
’کوکونٹ گروو‘ نے بھی افطار کے لیے رمضان بوفے لگایا ہوا ہے جس میں ان گنت کھانے موجود ہیں۔ یہاں بچہ ہو یا بڑا ، ہر کوئی 2799 روپے ادا کرکے ان کھانوں سے مزہ لے سکتا ہے۔ ساتھ ہی کوکونٹ گروو نے سحری کے لیے بھی آفر لگائی ہے جو 1999 روپے میں ہے تاہم سحری میں کھانوں کی تعداد صرف 20 ہوتی ہے۔
یہ بھی پڑھیےکراچی کی کھجور مارکیٹ میں کون سی اقسام دستیاب ہیں، ٹرینڈز اور چیلنجز کیا ہیں؟
’مزاج‘ کی بات کی جائے تو انہوں نے بھی 50 سے زائد کھانوں کا افطار بوفے لگایا ہوا ہے جس میں خاص بات یہ ہے کہ 4 سال سے کم بچہ سے کوئی قیمت وصول نہیں کی جائے گی جبکہ 4 سال سے بڑے بچے 1950 روپے جبکہ بڑے فی کس 2950 روپے میں ان کھانوں کا مزہ لے سکتے ہیں۔
اگر بات کی جائے ’سالٹ اینڈ پیپر‘ کی تو وہاں بھی بے شمار کھانوں پر مشتمل رمضان بوفے آفر لگا ہوتا ہے جہاں بڑے 1599 روپے جبکہ چھوٹے 999 روپے میں ان کھانوں کا مزہ لے سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
پڑھیں:
کوئٹہ: اشیائے خور و نوش کا سرکاری نرخ نامہ نظر انداز
کوئٹہ میں مختلف اشیائے خور و نوش کا سرکاری نرخ نامہ نظر انداز کر دیا گیا۔
مارکیٹ ذرائع کے مطابق شہر میں مٹن فی کلو 2100 سے2200 روپے میں فروخت کیا جا رہا ہے۔
ذرائع کا کہنا ہے کہ بغیر ہڈی بیف فی کلو 1350 جبکہ ہڈی والا گوشت 1000 روپے میں فروخت ہو رہا ہے۔
سرکاری نرخ نامے میں مٹن فی کلو 1900 جبکہ بیف بغیر ہڈی 1050 اور ہڈی والا 925 روپے مقرر ہے۔
مارکیٹ ذرائع کا کہنا ہے کہ تازہ دودھ کی فی لیٹر 200 روپے جبکہ دہی کی فی کلو 240 روپے میں فروخت جاری ہے۔
کوئٹہ میں تازہ دودھ کا فی لیٹر سرکاری نرخ 190 اور دہی کا فی کلو 200 روپے مقرر ہے۔
شہر میں سرکاری نرخ نامے میں 20 کلو آٹے کے تھیلے کی قیمت 1400 روپے مقرر ہے۔
مارکیٹ ذرائع نے بتایا ہے کہ 20 کلو آٹے کا تھیلا 1950 سے 2000 روپے میں فروخت کیا جا رہا ہے۔
مولانا حامد الحق کی شہادت کے پس پردہ عالمی سامراجی استعماری قوتیں اور انکے آلہ کار ہیں، علماء مشائخ