منشیات ڈیلر میاں بیوی سمیت متعدد ملزمان گرفتار، کروڑوں روپے کی منشیات برآمد
اشاعت کی تاریخ: 7th, March 2025 GMT
لاہور:
پولیس نے مختلف علاقوں میں منشیات فروشوں کے خلاف کریک ڈاؤن کرتے ہوئے منشیات ڈیلر میاں بیوی سمیت متعدد ملزمان کو گرفتار کرکے کروڑوں روپے مالیت کی منشیات برآمد کرلی۔
نصیر آباد پولیس نے خفیہ اطلاع پر کارروائی کرتے ہوئے ضلع قصور کے رہائشی منشیات فروش میاں بیوی کو گرفتار کر لیا۔ ملزمان صابر اور رقیہ بی بی چونیاں سے لاہور منشیات سپلائی کرنے آئے تھے۔ ان کے قبضے سے 8 کلو 400 گرام چرس برآمد ہوئی، جبکہ زیرِ استعمال موٹر سائیکل بھی پولیس تحویل میں لے لی گئی۔
ایس پی کینٹ اویس شفیق کی ہدایت پر ایس ایچ او انسپکٹر محمد رضا کی سربراہی میں پولیس ٹیم نے خفیہ اطلاع پر کارروائی کرتے ہوئے بین الضلاعی ریکارڈ یافتہ منشیات فروش اشرف میسح اور تنویر کو گرفتار کر لیا۔ دونوں ملزمان کو 10 کلو سے زائد منشیات سمیت پکڑا گیا، جس کی مالیت 2 کروڑ روپے سے زائد ہے۔
ملزمان نے بیرون ملک سے اسمگل شدہ منشیات آن لائن منگوا کر لاہور اور دیگر اضلاع میں سپلائی** کرنے کا اعتراف کیا۔ پولیس کے مطابق یہ پوش علاقوں اور تعلیمی اداروں میں منشیات فروشی میں ملوث تھے۔
ایس پی صدر ڈاکٹر غیور احمد خاں کی ہدایت پر ایس ایچ او مصطفیٰ ٹاؤن کی قیادت میں پولیس نے کارروائی کرتے ہوئے 5 منشیات فروشوں کو گرفتار کر لیا۔ گرفتار ملزمان میں حمزہ، سدرہ، فیاض عرف مٹھو سائیں، بلال اور عامر شامل ہیں، جن کے قبضے سے 7 کلو 640 گرام چرس اور 250 گرام آئس برآمد کی گئی۔
ملزمان نے تعلیمی اداروں، ہوسٹلز اور کالجز کے قریب نوجوان نسل کو منشیات فروخت کرنے کا اعتراف کیا۔ پولیس نے تمام ملزمان کے خلاف مقدمہ درج کر کے تفتیش کا آغاز کر دیا ہے۔
اے ایس پی ڈیفنس شہر بانو نقوی کی ہدایت پر ایس ایچ او جہانگیر شہزاد اور پولیس ٹیم نے کارروائی کرتے ہوئے منشیات فروش تنویر اور رخسانہ بی بی کو گرفتار کر لیا۔ ملزمان سے 3 کلو سے زائد چرس برآمد ہوئی۔ گرفتار ملزمان نے اعتراف کیا کہ وہ تعلیمی اداروں اور ہوسٹلز میں منشیات فروخت کرتے تھے۔
.ذریعہ: Express News
کلیدی لفظ: کارروائی کرتے ہوئے کو گرفتار کر لیا پولیس نے
پڑھیں:
سوشل میڈیا پر منفی پروپیگنڈا کا الزام، بیرسٹر گوہر سمیت متعدد پی ٹی آئی رہنما جے آئی ٹی میں پیش
پیشی کے بعد بات کرتے ہوئے چیئرمین پی ٹی آئی بیرسٹر گوہر کا کہنا تھا کہ جے آئی ٹی نے ڈیڑھ گھنٹے تک پوچھ گچھ کی۔ انہوں نے بتایا کہ ہم تمام اداروں کا احترام کرتے ہیں، کسی بھی ادارے کے ساتھ خلیج نہیں چاہتے، جے آئی ٹی کی جانب سے اٹھائے گئے سوالات پارٹی کے پلیٹ فارم پر ڈسکس کریں گے۔ اسلام ٹائمز۔ سوشل میڈیا پر منفی پروپیگنڈے کے الزام پر پاکستان تحریک انصاف (پی ٹی آئی) کے متعدد طلب کردہ رہنما بشمول چیئرمین بیرسٹر گوہر مشترکہ تحقیقاتی ٹیم (جے آئی ٹی) کے سامنے پیش ہوئے۔ نجی ٹی وی کے مطابق جے آئی ٹی میں پیشی کے بعد بات کرتے ہوئے چیئرمین پی ٹی آئی بیرسٹر گوہر کا کہنا تھا کہ جے آئی ٹی نے ڈیڑھ گھنٹے تک پوچھ گچھ کی۔ انہوں نے بتایا کہ ہم تمام اداروں کا احترام کرتے ہیں، کسی بھی ادارے کے ساتھ خلیج نہیں چاہتے، جے آئی ٹی کی جانب سے اٹھائے گئے سوالات پارٹی کے پلیٹ فارم پر ڈسکس کریں گے۔ بیرسٹر گوہر کا مزید کہنا تھا کہ سوشل میڈیا سے متعلق سوالات پر بانی تحریک انصاف سے بھی ڈسکس کریں گے۔ دریں اثناء جے آئی ٹی میں پیشی سے متعلق اندرونی کہانی سامنے آ گئی۔ نجی ٹی وی ڈان نیوز کے مطابق ذرائع نے بتایا کہ تحریک انصاف کے طلب کردہ افراد سے سوشل میڈیا ہینڈلر سے متعلق سوالات کیے گئے، پاک فوج اور ریاستی اداروں سے متعلق سوشل میڈیا پوسٹس پر سخت سوالات کیے گئے۔
ذرائع کا کہنا تھا کہ پی ٹی آئی رہنماوں کو سوشل میڈیا پر پوسٹس سے متعلق سب کچھ دکھایا گیا، تحریک انصاف نے پارٹی فنڈز سے متعلق تمام ریکارڈ جے آئی ٹی کو پیش کر دیا۔ ذرائع کے مطابق بیرسٹر گوہر و دیگر سے پارٹی فنانسنگ سے متعلق بھی سوالات پوچھے گئے، جے آئی ٹی نے پیش نہ ہونے والے افراد کے خلاف سخت ایکشن لینے کا فیصلہ کر لیا۔ ذرائع نے بتایا کہ جے آئی ٹی نے واضح کیا کہ جو پیش نہیں ہوئے ان پر سخت ایکشن لے رہے ہیں۔ ذرائع کے مطابق بیرسٹر گوہر، روف حسن اور شاہ فرمان جے آئی ٹی کے سامنے پیش ہوئے، تحریک انصاف کے فنانس ڈیپارٹمنٹ کے 2 لوگ جے آئی ٹی کے سامنے پیش ہوئے۔ ذرائع نے بتایا کہ عالیہ حمزہ اور کنول شوذب کی جانب سے ان کے وکیل ڈاکٹر علی عمران جے آئی ٹی کے سامنے پیش ہوئے، عالیہ حمزہ اور کنول شوذب کی آج کی مشروط حاضری قبول کر لی گئی۔ ذرائع کے مطابق جے آئی ٹی نے ہدایت کی کہ آئندہ طلبی پر دونوں خواتین رہنما ہر صورت پیش ہوں، جے آئی ٹی کی ہدایت کی۔
ذرائع نے بتایا کہ فنانس ٹیم نے تحریک انصاف کی فنڈنگ سے متعلق تمام ریکارڈ جے آئی ٹی کو پیش کر دیا۔ واضح رہے کہ گزشتہ روز سوشل میڈیا پر منفی پروپیگنڈے کے الزام کی تحقیقات کے لیے جے آئی ٹی نے پی ٹی آئی کے چیئرمین بیرسٹر گوہر، سلمان اکرم راجا، رؤف حسن سمیت دیگر اہم رہنماؤں کو طلب کیا تھا۔ انسپکٹر جنرل (آئی جی) پولیس اسلام آباد کی سربراہی میں قائم جے آئی ٹی نے پی ٹی آئی کے مزید 15 افراد کو طلبی کے نوٹس جاری کیے تھے، ان میں سابق اسپیکر قومی اسمبلی اسد قیصر، کنول شوزب، تیمور سلیم، شاہ فرمان، عون عباس، عالیہ حمزہ ملک، شہباز شبیر اور وقاص اکرم شامل ہیں۔ اس سے قبل پی ٹی آئی سوشل میڈیا ٹیم کے 10 افراد کو بذریعہ نوٹس کل دوپہر 12 بجے طلب کیا گیا تھا۔ نوٹس کے مطابق آصف رشید، محمد ارشد، صبغت اللہ ورک، اظہر مشوانی اور محمد نعمان افضل، جبران الیاس، سلمان رضا، زلفی بخاری، موسیٰ ورک، علی حسنین کو طلب کیا گیا تھا۔
آئی ایم ایف سے قرض کی قسط، جائزہ مشن دو روز میں پاکستان آئے گا