“دبئی بوائز” کے آگے پیسے پھینکیں کچھ بھی کریں گے
اشاعت کی تاریخ: 7th, March 2025 GMT
قومی ٹیم کے سابق کپتان راشد لطیف نے چیمپئینز ٹرافی میں قومی ٹیم کی ناکامی کے بعد وسیم اکرم اور وقار یونس پر نام لیے بغیر سخت تنقید کرتے ہوئے انہیں “دبئی بوائز” قرار دے دیا۔
نجی ٹی وی چینل کے پروگرام میں گفتگو کرتے ہوئے سابق کپتان راشد لطیف نے 90 کی دہائی کے کرکٹرز پر تنقید کے نشتر چلاتے ہوئے زور دیا کہ پاکستان کرکٹ بورڈ (پی سی بی) اِن کھلاڑیوں کو منیجمنٹ کے معاملات سے دور رکھے۔
سابق کپتان کا کہنا تھا کہ پاکستان کو 1992 کا ورلڈکپ جیتنے کے بعد 17 سال کا عرصہ اس لیے لگا کیونکہ 90 کی دہائی کے کھلاڑیوں نے پاکستان کرکٹ کو نہیں بخشا تھا، راشد لطیف نے طنزیہ کہا کہ وہ اتنے عرصے سے پاکستان کرکٹ کی خدمت کر رہے ہیں، مجھے لگتا ہے اب انہیں آرام کرنا چاہیے۔
راشد لطیف نے دوران شو وقار یونس اور وسیم اکرم کا نام لیے بغیر کہا کہ دبئی بوائز نے تباہی پھیلادی ہے، آج کل دوسرے کی تعریفیں کرکے خوش ہورہے ہیں، زندگی بھر آپس میں لڑتے رہے اور ہمیں آگ میں جھونک دیا۔
انہوں نے کہا کہ ان کے آگے پیسے پھینکو یہ کچھ بھی کردیں گے، آج کل چیمپئینز ٹرافی کے دوران ایک ٹی وی شو کیلئے یواےای میں موجود ہیں۔
اس سے قبل گزشتہ روز ایک اور سابق کپتان محمد حفیظ نے بھی سوال اٹھایا تھا کہ نائنٹیز کی ٹیم نے پاکستان کئی میگا اسٹارز دیے تاہم انہوں نے ہمیں کوئی آئی سی سی ایونٹ نہیں جتوایا، 1996 میں پرفارمنس خاطر خواہ نہیں رہی، 1999 کے فائنل میں پہنچے جبکہ 2003 کے ورلڈکپ میں پہلے ہی راؤنڈ سے باہر ہوکر قوم کا سر شرم سے جُھکا دیا۔
انہوں نے شعیب اختر سے سوال کیا کہ بتائیں ہمارے نوجوان کرکٹرز کو 90 کی دہائی کے کرکٹرز کون سا ایونٹ جتوا کر دیا، وہ میگا سپر اسٹارز ضرور تھے کوئی ٹورنامنٹ نہیں دے سکے۔
Post Views: 1.ذریعہ: Daily Mumtaz
کلیدی لفظ: راشد لطیف نے سابق کپتان
پڑھیں:
بھارتیوں نے آسٹریلوی کرکٹر کو بھی “مشرقی” رنگ میں ڈھال دیا
ویمنز پریمئیر لیگ (ڈبلیو پی ایل) میں رائل چیلنجر بنگلور کی نمائندگی کرنیوالی ویمن کرکٹر ایلیسی پیری کو مشرقی رنگ میں ڈھال دیا۔
سوشل میڈیا پلیٹ فارمز پر آسٹریلوی ویمن کرکٹر سمیت کئی دیگر غیر ملکی کھلاڑیوں کو ویمنز پریمئیر لیگ کے دوران مشرقی لباس ساڑھی زیب تن کیے ہوئے دیکھا گیا، جس کی تصاویر وائرل ہوگئیں۔
ویمنز پریمیئر لیگ 2025 کا سیزن اپنے آخری مرحلے میں داخل ہوگیا جبکہ پلے آف کا آغاز 13 مارچ سے ہوگا اور ایونٹ کا 15 مارچ کو کھیلا جائے گا۔
اس موقع پر رائل چیلنجر بنگلور کی فرنچائز نے کھلاڑیوں کیلئے خصوصی تفریحی نائٹ کا اہتمام کیا جس میں ملکی و غیرملکی کرکٹرز شریک ہوئے۔
اس تقریب میں آسٹریلوی کرکٹر ایلیسی پیری نگاہوں کو مرکز بن گئیں، انہوں نے مشرقی لباس یعنی ساڑھی زیب تن کیا ہوا تھا، جس نے مداحوں کو حیران کردیا۔
آسٹریلوی کرکٹر کے علاوہ تقریب میں رچا گھوش، اسمرتی مندھانا، سوفی مولینکس سمیت دیگر کھلاڑیوں نے بھی مشرقی لباس پہننے تھے۔
Post Views: 1
آئی ایم ایف سے قرض کی قسط، جائزہ مشن دو روز میں پاکستان آئے گا