جنسیں صرف 2 ہی ہیں، میری حکومت خواتین کو مضبوط کر رہی ہے، ڈونلڈ ٹرمپ
اشاعت کی تاریخ: 7th, March 2025 GMT
امریکی صدر ڈونلڈ ٹرمپ نے مارچ 2025 کو ’خواتین کا تاریخ ساز مہینہ‘ قرار دینے کا صدارتی حکم نامہ جاری کر دیا۔
وائٹ ہاؤس کی ویب سائٹ پر جاری صدارتی حکم نامے میں کہا گیا ہے کہ حکومت کسی ایسے خیال کی حمایت نہیں کرے گی جس کے تحت عورتوں کے لیے مخصوص مواقع اور مخصوص جگہوں پر مردوں کو مقرر کیا جائے۔
حکم نامے میں کہا گیا ہے کہ امریکی حکومت کسی ایسے خیال کی حمایت کرے گی جس کے تحت خاندانی اقدار کو تباہ کرتے ہوئے ہمارے بیٹے اور بیٹیاں اپنے جسموں کے ساتھ جنگ کریں۔
’میری حکومت عظیم امریکی خاندانی اقدار کی حفاظت کرے گی جس کی بنیاد سچائی، فلاح و بہبود اور آزادی پر ہے۔‘
یہ بھی پڑھیےمرد اور عورت، امریکا میں 2 ہی جنس ہوں گی، ڈونلڈ ٹرمپ نے حکم نامہ جاری کردیا
امریکی صدر نے کہا کہ خواتین کو جنسی انتہا پسندی سے بچاتے ہوئے ہم نے معاشرے میں کامن سینس کو فروغ دیتے ہوئے اپنا وعدہ پورا کیا ہے، جس کی حمایت 80 فیصد امریکی کر رہے ہیں۔
’اپنے عہدِ صدارت کے پہلے دن میں نے اُس انتظامی آرڈر پر دستخط کیے تھے جس کے تحت یا تو کوئی حیاتیاتی طور پر مرد ہے یا پھر عورت۔ اور سرکاری دستاویزات سے جنیڈر ایکس کا خانہ ختم کر دیا تھا۔‘
’میرے کہنے پر نیشنل کالج اتھلیٹک ایسوسی ایشن نے اپنے قواعد میں ترمیم کی اور خواتین کھیلوں کے مقابلوں میں صرف خواتین کے حصے لینے کا اُصول طے کیا۔‘
یہ بھی پڑھیےٹرمپ نے ٹرانس جینڈر بچوں کی جنس تبدیلی کے علاج پر پابندی لگا دی
صدارتی حکم نامے میں صدر ڈونلڈ ٹرمپ نے کہا ہے کہ میرے دیگر وعدوں میں امریکی سرحدات کو محفوظ بنانا، غیر قانونی تارکین وطن کو واپس بھجوانا، معیشت کی تعمیر نو، تعلیم، امریکا کو صحت مند بنانا اور تولیدی صحت تک رسائی شامل ہیں۔ میں امریکی خواتین اور خاندانوں کے حقوق کے لیے جدوجہد جاری رکھوں گا۔
انہوں نے کہا کہ خواتین ہماری آئندہ نسلوں کو پروان چڑھانے میں اہم کردار ادا کرتی ہیں، اِس لیے مارچ 2025 کو ’خواتین کا تاریخ ساز مہینہ‘ قرار دیتا ہوں۔ اںہوں نے امریکی عوام سے کہا ہے کہ اس مہینے آپ اپنے اردگرد غیر معمولی صلاحیتوں کی حامل اور اپنے خاندان میں شامل خواتین کی کردار کو سیلیبریٹ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹرانس جینڈر خاندانی اقدار خواتین ڈونلڈ ٹمپ.ذریعہ: WE News
کلیدی لفظ: خواتین ڈونلڈ ٹمپ ڈونلڈ ٹرمپ
پڑھیں:
امریکی صدر ڈونلڈ ٹرمپ کی یرغمالیوں کی رہائی کیلئے حماس سے بات کرنے کی تصدیق
امریکی صدر ڈونلڈ ٹرمپ نے حماس سے یرغمالیوں کی رہائی کے لیے بات کرنے کی تصدیق کر دی۔
میڈیا سے گفتگو کرتے ہوئے امریکی صدر نے کہا کہ حماس سے یرغمالیوں کی رہائی کے لیے بات کی ہے، حماس کو غزہ میں قید تمام یرغمالیوں کو رہا کرنا ہو گا۔
امریکی صدر ڈونلڈ ٹرمپ نے کہا کہ میکسیکو اور کینیڈا پر ٹیرف کو 2 اپریل تک مؤخر کیا ہے، 2 اپریل امریکی تاریخ کا اہم دن ہو گا، امریکا میں تارکینِ وطن کا داخلہ روکنے کے لیے اقدامات کر رہے ہیں۔
ڈونلڈ ٹرمپ نے کہا کہ یوکرین کی مدد کے لیے اربوں ڈالرز دیے، چاہتا ہوں روس اور یوکرین کے درمیان جلد جنگ بندی کا معاہدہ ہو جائے۔
انہوں نے کہا کہ چینی صدر کے ساتھ بہترین تعلقات ہیں، ٹک ٹاک میں دلچسپی ہے، امید ہے کہ چین کے ساتھ معاملات طے پا جائیں گے۔
ٹرمپ کا کہنا ہے کہ ٹک ٹاک سمیت غیرملکی ایپس پر پابندی سے متعلق رپورٹ طلب کی ہے، اسٹیل اور ایلومینیئم پر محصولات میں ترمیم نہیں کریں گے۔
امریکی صدر نے کہا کہ کینیڈا اور بھارت ہماری مصنوعات پر سب سے زیادہ ٹیکس لگاتے ہیں، جوبائیڈن انتظامیہ کی غلط پالیسی سے افغانستان کو نقصان اٹھانا پڑا۔
صدر ٹرمپ نے یہ بھی کہا کہ سعودی عرب اور روس کے ساتھ تجارتی معاہدہ چاہتے ہیں، جو ممالک اپنی افواج پر مناسب اخراجات نہیں کر رہے وہ دفاع کے مستحق نہیں، سعودی عرب کے دورے کا ارادہ رکھتا ہوں۔
مولانا حامد الحق کی شہادت کے پس پردہ عالمی سامراجی استعماری قوتیں اور انکے آلہ کار ہیں، علماء مشائخ