شہناز گل کی وائرل ویڈیو نے سوشل میڈیا صارفین کو مشتعل کردیا
اشاعت کی تاریخ: 7th, March 2025 GMT
بھارتی اداکارہ شہناز گل کے حالیہ رویے نے سوشل میڈیا صارفین کو سخت مشتعل کردیا ہے، جس کے بعد صارفین نے انھیں مغرور قرار دے دیا۔
ریئلٹی شو ’’بگ باس‘ کے سیزن 13 سے شہرت حاصل کرنے والی اداکارہ اپنی ایک ویڈیو کی وجہ سے سوشل میڈیا پر تنقید کا نشانہ بن گئی ہیں۔ ان کے رویے کو دیکھ کر صارفین نے انہیں گھمنڈی اور بدتمیز قرار دے رہے ہیں۔
انسٹاگرام پر وائرل ہونے والی ویڈیو میں دیکھا جاسکتا ہے کہ ایک تقریب کے دوران ایک خاتون شہناز گل کے پاس آتی ہیں اور اپنے ہیئر کیئر برانڈ کے بارے میں بات کرنے کی کوشش کرتی ہیں۔
شہناز فوراً جواب دیتی ہیں، ’’کیا آپ کے پاس مجھے ادا کرنے کےلیے پیسے ہیں؟‘‘ خاتون جواب دیتی ہیں، ’’میں آپ کو ابھی فوراً پیسے دے سکتی ہوں۔‘‘
اس پر شہناز کا جواب تھا، ’’آپ مجھے افورڈ نہیں کرسکتیں۔‘‘ اور پھر انہوں نے خاتون کو اپنے منیجر سے بات کرنے کی ہدایت کرتے ہوئے کہا، ’’وہ رہا میرا منیجر، آپ ان سے بات کرسکتی ہیں۔‘‘
اگرچہ خاتون نے شہناز کے ساتھ مذاق کرتے ہوئے بات کو ہنسی میں اڑا دیا، لیکن انٹرنیٹ صارفین نے شہناز کے رویے کو نہایت سنجیدگی سے لیا۔ سوشل میڈیا صارفین نے اداکارہ کو آڑے ہاتھوں لیتے ہوئے انہیں گھمنڈی اور متکبر قرار دے دیا۔
View this post on InstagramA post shared by punjabiyan di shan vakhri (@punjabi.
ویڈیو کے کمنٹ سیکشن میں صارفین نے شہناز کے رویے پر سخت ردعمل ظاہر کیا۔ ایک صارف نے لکھا، ’’آپ مجھے افورڈ نہیں کرسکتیں؟ تُو ہے کون اور ایسا کیا کردیا ہے کہ اتنا گھمنڈ آگیا؟‘‘
ایک اور صارف نے کہا، ’’شہناز گل کو اپنا رویہ ٹھیک کرنے کی ضرورت ہے۔‘‘ جبکہ ایک نے لکھا، ’’ایسی بات مذاق میں بھی نہیں کرنی چاہیے۔ یہ رویہ غیر مناسب ہے، اور عوامی شخصیت کے طور پر ایسی باتیں کرنا ان کےلیے زیبا نہیں۔‘‘
کچھ صارفین اس ویڈیو کو مذاق کے طور پر لے رہے ہیں، لیکن زیادہ تر لوگ شہناز کے رویے کو غیر مناسب قرار دے رہے ہیں۔ صارفین کا کہنا ہے کہ عوامی شخصیات کے رویے اور گفتگو کا عوام پر گہرا اثر ہوتا ہے، اور شہناز گل پر یہ الزام عائد کیا جا رہا ہے کہ وہ اپنے مقام اور شہرت کا ناجائز فائدہ اٹھا رہی ہیں۔
ذریعہ: Express News
کلیدی لفظ: سوشل میڈیا صارفین نے شہناز گل شہناز کے کے رویے
پڑھیں:
سعدیہ امام کی بیٹی کے روزہ چھوڑنے کی وجہ جان کر سوشل میڈیا صارفین کنفیوژ
پاکستان شوبز انڈسٹری کی معروف اداکارہ سعدیہ امام کی بیٹی میرب کے روزہ چھوڑنے کی وجہ جان کر سوشل میڈیا صارفین کنفیوژ ہو گئے۔
سعدیہ امام نے جرمنی میں رہائش پزیر ایک کاروباری شخص عدنان حیدر سے شادی کی اور اب اس جوڑی کی بیٹی ہے جس کا نام میرب ہے۔
اُنہوں نے بیٹی میرب کی روایتی پاکستانی ماحول میں پرورش کرنے کے لیے پاکستان میں رہنے کا انتخاب کیا اور اسے اسلامی تعلیمات کی پیروی کرنا سکھایا۔
میرب کو نعتیں اور کلام پڑھنے کا بہت شوق ہے اور وہ اکثر ماہِ صیام میں رمضان ٹرانسمیشن میں بھی نعتیں پڑھتی نظر آتی ہیں۔
حال ہی میں سعدیہ امام نے میرب کے ہمراہ ایک نجی ٹی وی کی رمضان ٹرانسمیشن میں شرکت کی۔
میرب نے رمضان ٹرانسمیشن میں اپنی خوبصورت آواز میں حضرت فاطمہ ؓ کی شان میں ایک کلام پیش کیا۔
اداکارہ نے بیٹی کے کلام پیش کرنے سے پہلے یہ بتایا کہ شو میں نعت پڑھنے کے لیے آج میرب نے روزہ چھوڑا ہے۔
سعدیہ امام نے میرب کے روزہ چھوڑنے کی جو وجہ بتائی وہ جان کر سوشل میڈیا صارفین کنفیوژ ہو گئے۔
زیادہ تر صارفین اداکارہ کے اس بیان پر یہ سوال اُٹھاتے نظر آ رہے ہیں کہ کیا رمضان ٹرانسمیشن میں نعت پڑھنا اتنا اہم ہے کہ بچی نے فرض روزہ چھوڑ دیا؟
آئی ایم ایف سے قرض کی قسط، جائزہ مشن دو روز میں پاکستان آئے گا