نیلم منیر کی شادی کے بعد شوبز چھوڑنے پر لب کشائی
اشاعت کی تاریخ: 7th, March 2025 GMT
دبئی(نیوز ڈیسک)پاکستانی اداکارہ نیلم منیر نے شادی کے بعد اپنا پہنوا مکمل طور پر تبدیل کر کے سب کی توجہ حاصل کرتے ہوئے خود کو تنقید کا مرکز بھی بنوادیا۔روڈ شوز اور اشتہارات سے کریئر کا آغاز کرنے والی نیلم منیر نے آہستہ آہستہ اداکاری کی دنیا میں قدم جمانے شروع کیے اور متعدد ڈراموں میں بہترین اداکاری کے جوہر دکھا کر سب سے تعریف کے ٹوکرے سمیٹتی چلی گئیں۔
نیلم منیر کے چہرے پر بڑے مسے کی موجودگی اگرچہ انہیں منفرد بناتی ہے لیکن انہوں نے یہ بھی بتایا کہ انڈسٹری میں انہیں بہت سے لوگوں نے اسے ریموو کروانے کا بھی مشورہ دیا تھا لیکن انہوں نے ایسا نہیں کیا۔اداکارہ کے مشہور ڈراموں میں دل موم کا دیا ، احرامِ جنون ،محبت داغ کی صورت ، محشر اورخمار شامل ہیں۔
نیلم منیر نے سال 2025 کے آغاز کو بے معنی نہ جانے دیتے ہوئے زندگی کے سب سے حسین سفر کا آغاز کیا اور شادی کے بندھن میں بندھ گئیں۔
نیلم منیر نے دبئی میں مقیم، صوبے پنجاب کے شہر میانوالی سے تعلق رکھنے والے محمد راشد نامی شخص سے شادی کی جنکا ٹریول اینڈ ٹورازم کا بزنس اور 3 سے 4 ریسٹورنٹس ہیں۔نیلم منیز نے شادی کے بعد سے فوٹو اینڈ ویڈیو شیئرنگ ایپ انسٹاگرام پر ایسی پوسٹس شیئر کیں جو انکے مذہب کی جانب بڑھتے رجحان کو بیان کر رہی ہیں۔ساتھ ساتھ یہ خبر بھی گردش کرنے لگیں کہ اداکارہ شادی کے بعد شوبز کی دنیا کو خیر باد کہہ چکی ہیں جس پر اب نیلم منیر نے اپنا موقف جاری کردیا ہے۔
اداکارہ نے انسٹاگرام اسٹوری شیئر کرتے ہوئے لکھا کہ ‘میرے حوالے سے بے شمار افواہیں زیرِ گردش ہیں، اس لیے میں نے سوچا کہ میں خود انکی تصحیح کردوں تاکہ جتنی بھی غلط فہمی پھیلی ہوئی ہے وہ ختم ہوجائے۔انہوں نے لکھا کہ ‘جی ہاں میں نے شادی کرلی ہے، لیکن میں نے شوبز انڈسٹری کو نہیں چھوڑا ہے، اداکاری کرنا میرا شوق ہے اور کوئی اپنے شوق کو کیسے چھوڑ سکتا ہے، اللہ آپ سب کو خوش رکھے۔ایک صارف نے نیلم منیر کے اس موقف پر تبصرہ کرتے ہوئے لکھا کہ ‘آپکا اپنے شوق کو فالو کرنا ضروری نہیں بلکہ نفس پر قابو رکھنا فرض ہے، یہ پڑھ لیں کہ کیا حلال ہے اور کیا حرام، بہت بے تکی بات کہی ہے آپ نے۔
پنجاب میں نوجوانوں کیلئے انٹرن شپ کی رقم 60 ہزار کرنے کا اعلان
.ذریعہ: Daily Ausaf
کلیدی لفظ: نیلم منیر نے شادی کے بعد
پڑھیں:
محمد عامر نے آئی پی ایل میں شمولیت سے متعلق خبروں پر لب کشائی کر دی
پاکستان کرکٹ ٹیم کے سابق فاسٹ بولر محمد عامر نے انڈین پریمیئر لیگ (آئی پی ایل) کھیلنے کے حوالے سے جاری قیاس آرائیوں پر وضاحت دے دی نجی ٹی وی چینل پر گفتگو کے دوران میزبان نے عامر سے سوال کیا کہ وہ جلد برطانوی پاسپورٹ حاصل کرلیں گے، جس کے بعد ان کے لیے آئی پی ایل میں شرکت ممکن ہو جائے گی، تو کیا وہ اس لیگ میں کھیلنے کا ارادہ رکھتے ہیں؟ اس پر محمد عامر نے دوٹوک جواب دیا کہ اگر انہیں اگلے سال آئی پی ایل میں کھیلنے کا موقع ملا تو وہ ضرور کھیلیں گے میزبان تابش ہاشمی نے مزید پوچھا کہ اگر پاکستان میں آئی پی ایل کھیلنے پر تنقید کی گئی تو ان کا ردعمل کیا ہوگا؟ جس پر عامر نے واضح کیا کہ وہ انٹرنیشنل کرکٹ سے ریٹائر ہو چکے ہیں اس لیے یہ معاملہ ان کا ذاتی فیصلہ ہوگا انہوں نے اشاروں میں تنقید کرتے ہوئے کہا کہ ماضی میں پاکستانی کرکٹرز پر آئی پی ایل کھیلنے کی پابندی تھی مگر ہمارے سابق کرکٹرز اس لیگ میں کمنٹری اور کوچنگ کرتے رہے محمد عامر نے انڈین پریمیئر لیگ کی فرنچائز رائل چیلنجر بنگلور (آر سی بی) میں شمولیت کی خواہش کا اظہار کرتے ہوئے کہا کہ وہ اس ٹیم کی نمائندگی کرنا پسند کریں گے اس موقع پر شو میں موجود ان کے ساتھی احمد شہزاد نے بھی عامر کی حمایت کی اور کہا کہ آر سی بی کو اپنی بولنگ لائن مضبوط کرنے کے لیے عامر جیسے تجربہ کار فاسٹ بولر کی ضرورت ہے، جو ٹیم کو پہلا ٹائٹل جتوانے میں اہم کردار ادا کر سکتے ہیں
BYDنےپاکستان میں الیکٹرک گاڑیوں کی فراہمی کا آغازکردیا