دانیہ شاہ اور حکیم شہزاد کی گاڑی کو خطرناک حادثہ، ایک شخص جاں بحق
اشاعت کی تاریخ: 7th, March 2025 GMT
لاہور (ڈیلی پاکستان آن لائن )مشہور ٹک ٹاکر دانیہ شاہ اور ان کے شوہر حکیم شہزاد لوہا پاڑ ایک خطرناک کار حادثے کا شکار ہوگئے۔ حادثے کے نتیجے میں ایک شخص جاں بحق ہو گیا جبکہ ایک خاتون زخمی ہوئیں۔
تفصیلات کے مطابق حکیم شہزاد لوہا پاڑ اور دانیہ شاہ اپنی ٹیم کے ہمراہ کار میں سفر کر رہے تھے کہ اچانک ایک موٹر سائیکل ان کی گاڑی سے ٹکرا گئی۔
حکیم شہزاد کے مطابق، موٹر سائیکل سوار غلط سمت سے تیز رفتاری میں آئے اور ان کی گاڑی سے جا ٹکرائے۔ موٹر سائیکل پر میاں بیوی سوار تھے، جن میں سے مرد جاں بحق ہوگیا جبکہ خاتون زخمی ہوئیں۔حکیم شہزاد نے بتایا کہ گاڑی ان کا ڈرائیور چلا رہا تھا، اور اس میں ان کے کیمرہ مین اور دیگر ملازمین بھی سوار تھے۔ دانیہ شاہ بھی گاڑی میں موجود تھیں، لیکن وہ محفوظ رہیں۔
اگر روزانہ کچھ مقدار میں خربوزہ کھایا جائے تو جسم پر کیا اثرات مرتب ہوتے ہیں؟
حادثے کی شدت کا اندازہ اس بات سے لگایا جا سکتا ہے کہ حکیم شہزاد کی گاڑی کو بہت زیادہ نقصان پہنچا۔ حکیم شہزاد کو سر پر چوٹ آئی، جس کی وجہ سے وہ بے ہوش ہوگئے۔ انہوں نے بتایا کہ وہ ابھی تک ذہنی طور پر مکمل صحت یاب نہیں ہوسکے ہیں۔
حکیم شہزاد نے نشے میں گاڑی چلانے کے الزامات کو بھی مسترد کر دیا۔ انہوں نے واضح کیا کہ گاڑی ان کا ڈرائیور چلا رہا تھا، اور وہ خود بھی اس حادثے کے صدمے سے باہر نہیں آسکے ہیں۔
حکیم شہزاد نے بتایا کہ ان کی اہلیہ دانیہ شاہ بالکل خیریت سے ہیں۔ انہوں نے یہ بھی کہا کہ وہ جاں بحق ہونے والے شخص کے بچوں اور اہل خانہ کی مالی مدد کرنے کا ارادہ رکھتے ہیں۔
محکمہ موسمیات کی رمضان المبارک میں موسم سے متعلق نئی پیشگوئی
یاد رہے کہ دانیہ شاہ نے جولائی 2024 میں حکیم شہزاد لوہا پاڑ سے شادی کی تھی۔ اس سے قبل وہ فروری 2022 میں مشہور اسکالر عامر لیاقت سے شادی کر چکی تھیں، جو جون 2022 میں انتقال کرگئے تھے۔ عامر لیاقت کی وفات کے دو سال بعد، دانیہ نے حکیم شہزاد سے شادی کی۔
حادثے کی ویڈیو سوشل میڈیا پر وائرل ہوگئی ہے، جس میں حکیم شہزاد کی گاڑی کو بری طرح تباہ حالت میں دیکھا جا سکتا ہے۔
مزید :.ذریعہ: Daily Pakistan
کلیدی لفظ: حکیم شہزاد دانیہ شاہ کی گاڑی
پڑھیں:
زینب رضا کا عمر شہزاد سے تعلقات پر وضاحتی بیان
ابھرتی ہوئی اداکارہ زینب رضا نے حالیہ پوڈکاسٹ میں اداکار عمر شہزاد کے ساتھ تعلقات پر بات کرتے ہوئے انہیں اپنا اچھا دوست قرار دیا ان کا کہنا تھا کہ لوگ وہی مانیں گے جو وہ سمجھنا چاہتے ہیں اور وہ کسی کے تاثر کو بدلنے کے لیے کچھ نہیں کرسکتیں زینب رضا نے واضح کیا کہ عمر شہزاد اور وہ پہلے بھی اچھے دوست تھے اور اب بھی ہیں، اور اس حوالے سے مزید وضاحت دینے کی ضرورت نہیں سمجھتیں انہوں نے مزید کہا کہ ان کے ایک اور قریبی دوست احمد کو بھی لوگ ان کا بوائے فرینڈ سمجھنے لگے ہیں جبکہ حقیقت کچھ اور ہے یہ امر قابل ذکر ہے کہ زینب رضا اور عمر شہزاد نے ایک مشہور ریئلٹی شو کے دوسرے سیزن میں ایک ساتھ شرکت کی تھی جہاں سے ان کی دوستی کی خبریں گردش کرنے لگیں اس وقت دونوں ایک ڈرامہ سیریل میں بھی ایک ساتھ کام کر رہے ہیں جس میں دیگر اداکاروں میں حنا طارق اور رابعہ کلثوم شامل ہیں واضح رہے کہ عمر شہزاد نے گزشتہ ماہ سعودی عرب کے شہر مکہ میں ماڈل شانزے لودھی سے نکاح کیا تھا جس کی تصاویر سوشل میڈیا پر وائرل ہوئیں اور مداحوں نے انہیں مبارکباد دی
ماڈرن وارفیئرکے چیلنجز سے نمٹنے کیلئے سخت ٹریننگ ضروری ہے،آرمی چیف