باصلاحیت نوجوانوں کی کابینہ میں شمولیت سے حکومت کی استعداد کار میں اضافہ ہو گا،وزیراعظم
اشاعت کی تاریخ: 6th, March 2025 GMT
وزیراعظم محمد شہباز شریف نے کہا ہے کہ نوجوان اس ملک کا سرمایہ ہیں ، باصلاحیت نوجوانوں کی کابینہ میں شمولیت سے حکومت کی استعداد کار میں اضافہ ہو گا۔
یہ بھی پڑھیں: وزیراعظم شہبازشریف دوست، ان سے اچھی کیمسٹری ملتی ہے، معاون خصوصی حذیفہ رحمان
وزیراعظم ہاؤس کے میڈیاونگ سے جاری بیان کے مطابق وزیراعظم نے ان خیالات کا اظہار معاون خصوصی حذیفہ رحمان سے گفتگو کرتے ہوئے کیا جنہوں نے جمعرات کو ان سے ملاقات کی۔
وزیرِاعظم محمد شہباز شریف سے معاون خصوصی حذیفہ رحمان کی ملاقات
• وزیرِاعظم کی حذیفہ رحمان کو وفاقی کابینہ میں شمولیت پر مبارکباد اور نیک خواہشات کا اظہار
• نوجوان اس ملک کا سرمایہ ہیں اور باصلاحیت نوجوانوں کی کابینہ میں شمولیت سے حکومت کی استعداد کار میں اضافہ ہو گا،وزیرِاعظم pic.
— Shehbaz Digital Media (@ShehbazDigital) March 6, 2025
وزیراعظم نے حذیفہ رحمان کو وفاقی کابینہ میں شمولیت پر مبارکباد اور نیک خواہشات کا اظہار کیا۔
وزیراعظم نے کہا کہ نوجوان اس ملک کا سرمایہ ہیں اور باصلاحیت نوجوانوں کی کابینہ میں شمولیت سے حکومت کی استعداد کار میں اضافہ ہو گا۔
یہ بھی پڑھیں: وفاقی کابینہ میں شامل نئے چہرے کون ہیں؟
اس موقع پر حذیفہ رحمان نے حالیہ معاشی استحکام پر وزیراعظم کو خراج تحسین پیش کیا اور عوامی فلاح و بہبود کے لیے سرگرم عمل رہنے کے عزم کا اعادہ کیا۔
حذیفہ رحمان نے وزیراعظم کے اعتماد پر پورا اترنے کے عزم کا اظہار کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news حذیفہ رحمان نوجوان وزیراعظم شہباز شریف وزیراعظم ہاؤس وفاقی کابینہذریعہ: WE News
کلیدی لفظ: حذیفہ رحمان نوجوان وزیراعظم شہباز شریف وزیراعظم ہاؤس وفاقی کابینہ وفاقی کابینہ حذیفہ رحمان کا اظہار
پڑھیں:
وزیر اعظم یوتھ بزنس اینڈ ایگریکلچر لون اسکیم، ایک ماہ میں نوجوانوں میں 209 ارب روپے تقسیم
وزیراعظم یوتھ پروگرام کے تحت نوجوانوں کو بااختیار اور برسر روزگار بنانے کے لیے وزیر اعظم یوتھ بزنس اینڈ ایگریکلچر لون اسکیم کے ذریعے گزشتہ 8 ماہ کے دوران 31 ہزار 700 کاروباری نوجوانوں میں تقریباً 209 ارب روپے تقسیم کئے گئے ہیں۔مختلف 15 بینکوں کے ذریعے نوجوانوں کو قرضہ حاصل کرنے کی سہولت فراہم کی جا رہی ہے۔
یہ بھی پڑھیں: وزیراعظم کا غریب اور متوسط طبقے کے لیے بجٹ میں بڑے اقدامات کا فیصلہ
سرکاری خبررساں ایجنسی اے پی پی کے مطابق پاکستان کے نوجوانوں کے لیے وزیراعظم یوتھ پروگرام کے تحت وزیر اعظم یوتھ بزنس اینڈ ایگریکلچر لون اسکیم کے ذریعے کامیاب کاروباری بننے کی راہ پر گامزن ہونے کا بہترین موقع ہے، یہ اقدام دلچسپی رکھنے والے کاروباری افراد کو بلا سود مائیکرو فنانس قرضوں اور انتہائی کم شرح سود کے ساتھ قرضوں کے ذریعے اپنے سٹارٹ اپ اور کاروبار کو شروع کرنے یا بڑھانے کا ایک بھرپور موقع فراہم کرتا ہے۔نوجوانوں کو بااختیار اور برسر روزگار بنانے کے لیے وزیر اعظم یوتھ بزنس اینڈ ایگریکلچر لون اسکیم کے تحت 27 اگست سے مارچ 2025 تک 31 ہزار 700 کاروباری نوجوانوں میں تقریباً 209 ارب روپے تقسیم کئے گئے ہیں۔
اس پروگرام کے تحت ٹیئرون کے تحت نوجوانوں کو 5 لاکھ روپے بلاسود قرضہ فراہم کیا جا رہا ہے جبکہ ٹیئر 2 کے تحت 5 لاکھ روپے سے 15 لاکھ روپے پر 5 فیصد شرح سود اور ٹیئر 3 کے تحت نوجوانوں کو 15 لاکھ روپے سے 75 لاکھ روپے تک کا قرضہ 7 فیصد شرح سود پر فراہم کیا جا رہا ہے۔مختلف 15 بینکوں کے ذریعے نوجوانوں کو قرضہ حاصل کرنے کی سہولت فراہم کی جا رہی ہے۔
یہ بھی پڑھیں: ’اپنا گھر اسکیم‘، خیبرپختونخوا کے کم آمدن افراد کو 15 لاکھ روپے تک بلاسود قرض دینے کا فیصلہ
ا س پروگرام کامقصد نوجوانوں کو بااختیار بنانے کے ساتھ ساتھ ملک میں کاروباری سرگرمیوں کو فروغ دینا ہے۔ اس پروگرام کے تحت قرضہ حاصل کرنے والے نوجوان نہ صرف اپنے لیے روزگار حاصل کرتے ہیں بلکہ اپنے خاندان کا پیٹ بھی پالتے ہیں اور دیگر لوگوں کو بھی روزگار کے مواقع فراہم کرتے ہیں۔نوجوان اس پروگرام سے استفادہ کے لیے وزیراعظم یوتھ پروگرام کی ویب سائٹ کے ذریعے آن لائن درخواستیں دے سکتے ہیں۔
چیئرمین وزیراعظم یوتھ پروگرام رانا مشہود احمد خان نے کہا ہے کہ وزیراعظم محمد شہباز شریف کے وژن کے مطابق نوجوانوں کو بااختیار بنانے کے لیے وزیراعظم یوتھ پروگرام کے تحت اقدامات کئے جا رہے ہیں۔ نوجوانوں کو میرٹ اور شفافیت کے ذریعے بلاتفریق مواقع فراہم کئے جا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان قرضہ نوجوان وزیراعظم یوتھ پروگرام
رمضان کے بعد نواز شریف کا سیاسی منصوبہ سامنے آگیا