درجنوں شہریوں سے عمرے کے نام پر ویزا فراڈ کرنے والا گرفتار
اشاعت کی تاریخ: 6th, March 2025 GMT
کراچی:
ایف آئی اے کمپوزٹ سرکل میرپورخاص نےکارروائی کے دوران عمرے کے 36 زائرین سے ویزا فراڈ کرنے والے ایجنٹ کوگوفتار کرلیا۔
ترجمان ایف آئی اے کے مطابق انسانی اسمگلنگ میں ملوث اورعمرے کے خواہش مند 36 زائرین سے ویزا فراڈ کرنے والے ایجنٹ کی گرفتاری ایف آئی اے کمپوزٹ سرکل میرپورخاص کے ذریعےعمل میں آئی۔
ملزم کی شناخت اقتدار علی عرف سونو کےنام سے ہوئی،ملزم کو چھاپہ مار کارروائی میں میرپور خاص سے گرفتارکیا گیا۔
ترجمان کے مطابق ملزم نے 36 زائری زائرین کو سعودی عرب بھجوانے کے نام پر 40 لاکھ روپے سے زائد کا فراڈ کیا، ملزم بھاری رقوم وصول کر کے روپوش ہوگیا تھا اورغیرقانونی طورپرٹریول ایجنسی چلارہا تھا،گرفتارملزم کے خلاف تفتیش کاآغاز کردیا گیا ہے۔
.ذریعہ: Express News
پڑھیں:
لیاری سے کالعدم تنظیم کا دہشتگرد گرفتار، اہم انکشافات متوقع
رینجرز اور سی ٹی ڈی کی لیاری میں کارروائی، کالعدم تنظیم کا دہشتگرد گرفتار، ملزم اختر عرف اکو عرف بنگالی کے قبضے سے اسلحہ و ایمونیشن بھی برآمد کیا گیا۔
ترجمان رینجرز کے مطابق ملزم ساتھی کے ہمراہ حساس مقامات کی ریکی کرنے اور ویڈیوز بنانے میں ملوث رہا ہے، ملزم نے 2021 میں لیاری میں چینی شہری کی گاڑی پر فائرنگ کی، فائرنگ سے چینی شہری اور راہگیر خالد زخمی ہوئے تھے۔
مزید پڑھیں: لیاری گینگ کے سرغنہ عزیر بلوچ تہرے قتل کے مقدمے سے بری
ترجمان رینجرز کے مطابق ملزمان کو سی سی ٹی وی وڈیو میں واضح دیکھا گیا ہے، ملزم نے ساتھی فراز کے ہمراہ حب چوکی میں صحافی اکرم ساجدی اور شاہد زہری کی ریکی کی اوروڈیو بنائی، ملزمان نے وڈیو بنا کر کالعدم تنظیم کے کمانڈر عبدالرحمان عرف عدنان کو بھیجی۔
ترجمان رینجرز کے مطابق 10 اکتوبر 2021 کو دہشتگردوں نے حب چوکی پر شاہد زہری کی گاڑی پر مقناطیسی بم نصب کرکے بلاسٹ کیا، حملے میں شاہد زہری جاں بحق اور 2 افراد زخمی ہوئے تھے۔
مزید پڑھیں: جیل میں قید لیاری گینگ وار کے سرغنہ عزیر بلوچ کی انوکھی فرمائش
یکم نومبر 2021 کو دہشتگردوں نے صحافی اکرم ساجدی کی گاڑی پر مقناطیسی بم نصب کرکے بلاسٹ کیا، حملے میں صحافی اکرم ساجدی ہلاک ہوگیا تھا، ملزم سے مزید اہم انکشافات متوقع ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دہشتگرد رینجرز سی ٹی ڈی کالعدم تنظیم کراچی لیاری
قومی اسمبلی میں فلسطینیوں کی حمایت، اسرائیلی بربریت کیخلاف قرارداد منظور