بنوں خودکش حملے کے منصوبہ سازوں کو جلد قانون کے کٹہرے میں لایا جائے گا، آرمی چیف
اشاعت کی تاریخ: 6th, March 2025 GMT
پاکستان کے آرمی چیف جنرل عاصم منیر نے کمبائنڈ ملٹری ہسپتال (سی ایم ایچ) بنوں کا دورہ کیا اور خودکش حملے میں زخمی ہونے والے سپاہیوں کی عیادت کی۔
فوج کے شعبہ تعلقات عامہ (آئی ایس پی آر) کے جمعرات کو جاری کردہ بیان کے مطابق آرمی چیف جنرل عاصم منیر نے اس موقعے پر فوجی اہلکاروں کی بہادری اور غیرمتزلزل ہمت کو سراہا۔
آرمی چیف نے ریاست کے استحکام اور تحفظ کے لیے اور دہشت گردی کے خلاف پاکستان فوج کی خدمات کو جاری رکھنے کے عزم کا اعادہ بھی کیا۔
بیان کے مطابق ’آرمی چیف نے دہشت گردی کے اس گھناؤنے واقعے میں جان کھو دینے والے بے گناہ شہریوں کے خاندانوں سے تعزیت کا اظہار بھی کیا۔
انہوں نے یقین دلایا کہ اس واقعے میں ملوث کرداروں اور منصوبہ سازوں کو جلد قانون کے کٹہرے میں لایا جائے گا۔
آرمی چیف نے کہا کہ عام شہریوں، بچوں اور خواتین کو نشانہ بنانے والے اس اقدام سے خوارج کی نیت واضح ہو گئی کہ وہ اسلام کے دشمن ہیں۔
واضح رہے کہ پاکستان کے صوبہ خیبر پختونخوا کے ضلع بنوں میں واقع کینٹ میں دو خودکش دھماکوں میں کم ازکم 13 افراد ہلاک جبکہ 32 زخمی ہوئے تھے۔ دہشت گردوں نے کینٹ کی دیوار توڑنے کے لیے دو خودکش دھماکے کیے۔ دھماکوں کے بعد حملہ آوروں نے اندر گھسنے کی کوشش کی جنہیں سکیورٹی فورسز نے ہلاک کر دیا۔
ذریعہ: Daily Mumtaz
پڑھیں:
وزیر اعظم کا بنوں کینٹ پر حملے کی مذمت ،شہریوں کی شہادت پر دکھ کا اظہار
سٹی 42: وزیراعظم شہباز شریف کا بنوں کینٹ پر خوارج کا حملہ ناکام بنانے اور دہشت گردوں کو واصل جہنم کرنے پر سکیورٹی فورسز کو خراج تحسین پیش کیا
وزیرِ اعظم نے حملے کی کوشش کرنے والے خارجیوں کو جہنم واصل کرنے پر سیکیورٹی فورسز کے افسران و اہلکاروں کی پزیرائی کی . وزیرِ اعظم کا واقعے میں معصوم شہریوں کی شہادت پر گہرے دکھ اور رنج کا اظہار کیا اور
وزیرِ اعظم کی شہداء کی بلندی درجات اور اہل خانہ کیلئے صبر جمیل کی دعا کی ۔ وزیرِ اعظم کی واقعے میں زخمی ہونے والے افراد کی جلد صحتیابی کی دعا، انہیں بہترین طبی سہولیات فراہم کرنے کی ہدایت کی
آسٹریلیا نے کب کیا غلطی کی، مدبر کیپٹن نے اعتراف کر لیا
وزیرِاعظم نے کہا سیکیورٹی فورسز کے افسران و اہلکاروں نے فتنہ الخوارج کا حملہ ناکام بنایا.رمضان المبارک کے مقدس مہینے میں معصوم شہریوں کو نشانہ بنانے والے بزدل دھشتگرد کسی رعایت کے مستحق نہیں.فتنہ الخوارج پاکستان اور اسکے معصوم شہریوں کے دشمن ہیں جن کے ناپاک عزائم کبھی کامیاب نہیں ہونے دیں گے. فتنہ الخوارج کی مکمل سرکوبی تک اسکے خلاف جنگ میں پوری قوم اپنی سیکیورٹی فورسز کے شانہ بشانہ کھڑی ہے.
پنجاب پولیس میں بھرتی کیلئے تحریری امتحان کے شیڈول کا اعلان
سندھ کے دیگر اضلاع کے لوگوں کو ڈومیسائل پر کراچی میں نوکریاں مل رہی ہیں، فاروق ستار