اخترمینگل کے بیٹے سمیت1800 افراد پر مقدمہ، بی این پی نے احتجاجاً شاہراہیں بند کردیں
اشاعت کی تاریخ: 6th, March 2025 GMT
بلوچستان کی قوم پرست سیاسی جماعت بلوچستان نیشنل پارٹی مینگل(بی این پی مینگل) کی کال پر مظاہرین نے قومی شاہراہیں بند کردی ہیں۔
مظاہرین نے کوئٹہ کراچی قومی شاہراہ کو میاں غنڈی کے مقام پر، کوئٹہ جیک آباد قومی شاہراہ کو دشت کے مقام پر جبکہ نوشکی، تفتان، گوادر حب چوکی اور کیچ سمیت اندرون بلوچستان مختلف شاہراہیں احتجاجاً ٹریفک کے لیے بند رہیں، بی این پی مینگل کے احتجاج کے باعث قومی شاہراہوں پر گاڑیوں کی لمبی قطاریں لگ گئیں۔
یہ بھی پڑھیں:آئینی ترمیم منظور کرانے کے لیے ہمارے 2 لوگوں کو اٹھایا گیا، اختر مینگل
وی نیوز سے بات کر تے ہوئے بلو چستان نیشنل پارٹی کے ضلع کوئٹہ کے صدر غلام نبی مری نے بتایا کہ ہمارا احتجاج سردار اختر مینگل کے بیٹے گورگین مینگل سمیت 1800 افراد کے خلا ف بے بنیاد مقدمہ درج کر نے کے خلاف ہے۔
انہوں نے کہا کہ انتظامیہ کی جانب سے وڈھ کے رہائشی 1800افراد سمیت گورگین مینگل کو مقدمے میں نامزد کیا گیا ہے جس پر گورگین مینگل گزشتہ8روز سے گرفتاری دینے کے لیے وڈھ تھانے میں موجود ہیں جبکہ تھانے کے باہر 8روز سے سر دار اختر مینگل بھی سراپا احتجاج ہیں۔
یہ بھی پڑھیں: میری رہائشگاہ پر چھاپہ اور پارٹی سینیٹر کو اغوا کرلیا گیا، اختر مینگل کا الزام
غلام نبی مری نے بتایا کہ معاملہ تب شروع ہوا جب وڈھ میں تاجروں نے انتظامیہ کی جانب سے اپنے مسلح گارڈز کی حراست کے خلاف احتجاج شروع کیا تھا اس دوران مظاہرین کا مطالبہ تھا کہ انتظامیہ تاجروں کو تحفظ فراہم کر نے میں ناکام ہوچکی ہے جس کی وجہ سے تاجر براری تنخواہ پر پرائیویٹ گارڈ رکھنے پر مجبور ہوگئی ہے ایسے میں ان گارڈز کو بھی انتظامیہ کی جانب سے پریشان کیا جارہا ہے۔
ان کا کہنا تھا کہ اس معاملے پر مظاہرین نے 2روز تک کوئٹہ کراچی قومی شاہراہ کو وڈھ کے مقام پر بند رکھا، انتظامیہ سے مذاکرات کے بعد تاجروں نے اپنا احتجاج ختم کردیا لیکن انتظامیہ کی جانب سے تاجروں، سردار اختر مینگل کے صاحبزاے گورگین مینگل سمیت 1800افراد پر دفعہ 144 کی خلاف ورزی سمیت دیگر دفعات پر مشتمل 3مقدمات درج کئے گئے۔
یہ بھی پڑھیں: پاکستان کی سیاست اور ریاست دونوں سے مایوس ہو چکا ہوں، اختر مینگل
’ گزشتہ ہفتے سردار اختر مینگل وڈھ تھانے میں گر فتاری کے لیے پیش ہوئے تو انتظامیہ کی جانب سے انہیں گرفتارنہیں کیا گیا بعد ازاں مذاکرات کر کے سر دار اختر مینگل کو یقین دہانی کروائی گئی کہ تینوں مقدمات ختم کر دیے جائیں گے لیکن 3 میں سے 2مقدمات ختم کیے گئے جبکہ ایک مقدمہ تاحال بر قرار ہے۔
غلام نبی مری نے بتایا کہ بی این پی مینگل نے قومی شاہراہیں بند کر کے اپنا احتجاج ریکارڈ کروایا ہے تاہم اگر معاملہ حل نہ ہوا تو احتجاج میں مزید شدت لائی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news احتجاج اختر مینگل بلوچستان بی این پی شاہراہیں بند غلام نبی مری گورگین مینگل.ذریعہ: WE News
کلیدی لفظ: اختر مینگل بلوچستان بی این پی شاہراہیں بند غلام نبی مری گورگین مینگل انتظامیہ کی جانب سے شاہراہیں بند غلام نبی مری اختر مینگل بی این پی مینگل کے کے لیے
پڑھیں:
کراچی، فشریز میں گیس لیکیج سے 5 خواتین سمیت 15 افراد کی حالت غیر
کراچی:فشریز میں مچھلیوں کے صفائی کے کارخانے میں گیس لیکیج کے باعث 15 افراد کی حالت غیر ہو گئی، جن میں 5 خواتین بھی شامل ہیں۔
ریسکیو حکام کے مطابق، گیس لیکیج سے متاثرہ افراد کو فوری طور پر ایمرجنسی طبی امداد فراہم کی گئی اور سول اسپتال منتقل کر دیا گیا۔
اس واقعے میں 8 افراد کی حالت غیر ہوئی، جنہیں ابتدائی طبی امداد کے بعد سول اسپتال منتقل کیا گیا۔ ان افراد میں 36 سالہ اسد، 16 سالہ صدرہ، 32 سالہ سکینہ، 22 سالہ عزیز، 35 سالہ نور، 15 سالہ فاطمہ، 18 سالہ شازیہ اور 17 سالہ سیما شامل ہیں۔
ڈی ایس پی ارشد آفریدی نے بتایا کہ گیس لیکیج کا واقعہ گولڈ اسٹوریج میں استعمال ہونے والی امونیا گیس کے لیک ہونے کی وجہ سے پیش آیا۔ گیس کی لیکیج کی مرمت کا کام مکمل کر لیا گیا ہے اور اس سلسلے میں تحقیقات جاری ہیں۔
ریسکیو حکام کے مطابق متاثرہ 12 افراد کو سول اسپتال منتقل کیا گیا جبکہ 3 افراد کو کتیانہ میمن اسپتال بھیجا گیا۔ ایک خاتون کو طبی امداد کے بعد گھر روانہ کر دیا گیا۔
سول اسپتال میں 11 افراد اور کتیانہ میمن اسپتال میں 3 افراد زیر علاج ہیں۔ تمام متاثرہ افراد کی حالت خطرے سے باہر ہے۔
ڈی ایس پی ارشد آفریدی کا کہنا تھا کہ گیس لیکیج کے واقعے کی تفصیلات کا جائزہ لیا جا رہا ہے اور جلد اس کی مکمل تحقیقات مکمل کی جائیں گی۔
سیاسی حقوق اورشہری آزادیوں میں پاکستان کی تین درجے تنزلی‘جزوی آزادملک قرار