سعود شکیل پہلے پاکستانی بلے باز جو ٹائم آؤٹ قرار پائے
اشاعت کی تاریخ: 6th, March 2025 GMT
راولپنڈی میں کھیلے جانے والے پریذیڈنٹ ٹرافی کے فائنل میں سعود شکیل کو ٹائم آؤٹ دیدیا گیا۔ اس طرح آؤٹ ہونے والے وہ پہلے پاکستانی بیٹسمین بن گئے۔
راولپنڈی میں پی ٹی وی اور اسٹیٹ بینک کے درمیان کھیلے جانے والے پریذیڈنٹ ٹرافی گریڈ ون کے فائنل میچ کے پہلے دن پی ٹی وی کی اننگ کے دوران اسٹار قومی بلے باز سعود شکیل کو ٹائم آؤٹ قرار دے دیا گیا۔ وہ پہلے پاکستانی بلے باز ہیں جو اس انداز میں آؤٹ ہوئے۔
واضح رہے کہ کرکٹ میچ میں پی ٹی وی کی تیسری وکٹ 49 رنز کے اسکور پر گری۔ سعود شکیل کو مڈل آرڈر میں پانچویں نمبر پر بیٹنگ کے لیے آنا تھا تاہم وہ مقررہ وقت کے اندر کریز پر نہ پہنچے، نتیجتاً امپائر نے انہیں ٹائم آؤٹ قرار دے دیا۔
پاکستان میں فرسٹ کلاس ڈومیسٹک کرکٹ میچ میں بائیں ہاتھ سے بیٹنگ کرنے والے مبینہ طور پر میچ کے دوران جھپکی لے رہے تھے جس کی وجہ سے وہ بروقت کریز پر نہ پہنچ سکے۔
قبل ازیں اسٹیٹ بینک کی ٹیم پہلی اننگ میں 205 رنز بنا کر آؤٹ ہو گئی تھی۔
میچ میں یہ ساری ڈرامائی صورتحال محمد شہزاد کے اوور میں ہوئی۔ محمد شہزاد نے اپنے اوور کی تیسری اور چوتھی گیند پر کپتان عمر امین کو 6 جبکہ فواد عالم کو صفر پر آؤٹ کر دیا۔ اس کے بعد سعود شکیل کو بیٹنگ کے لیے آنا تھا تاہم وہ مقررہ وقت پر نہ آ سکے۔ یوں ٹائم آؤٹ قرار پائے۔
سعود شکیل کو ٹائم آؤٹ قرار دیے جانے کے بعد عرفان نیازی بیٹنگ کے لیے آئے لیکن وہ اگلی ہی گیند پر بولڈ ہوگئے۔ یوں ہیٹ ٹرک ہوگئی۔
اس صورت حال کا دلچسپ پہلو یہ بھی ہے کہ کرکٹ کی تاریخ میں 3 گیندوں پر 4 وکٹیں گریں۔ محمد شہزاد نے اس اننگ میں 29 رنز دے کر 5 کھلاڑی آؤٹ کیے۔
ٹائم آؤٹ کا اصول کیا ہے؟آئی سی سی کے قانون کے مطابق بیٹسمین کے آؤٹ ہونے کے بعد اگلے بیٹسمین کے لیے 3 منٹ کے اندر کریز پر پہنچنا لازم ہے۔
انٹرنیشنل کرکٹ میں اسی انداز میں آؤٹ ہونے کا ایک واقعہ ورلڈ کپ 2023 کے دوران بھی پیش آیا جب سری لنکا کے اینجلو میتھیوز بنگلہ دیش کے خلاف ٹائم آؤٹ قرار دیے گئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹائم آؤٹ سعود شکیل.ذریعہ: WE News
کلیدی لفظ: ٹائم ا ؤٹ سعود شکیل ٹائم ا و ٹ قرار سعود شکیل کو کے لیے
پڑھیں:
’ سوشل میڈیا پر مہم چلاؤ اور ٹیم میں آجاؤ‘، پاکستانی ٹیم میں تبدیلیوں پر صارفین کے تبصرے
دورہ نیوزی لینڈ کے لیے پاکستان کرکٹ ٹیم میں کا اعلان کردیا گیا جس میں بڑے پیمانے پر تبدیلی ہوئی۔ محمد رضوان کو ٹی20 ٹیم کی قیادت سے فارغ کرکے سلمان علی آغا کو نیا کپتان مقرر کردیا گیا، جبکہ شاداب خان نائب کپتان ہوں گے۔
ون ڈے ٹیم میں بھی 6 تبدیلیاں کی گئی ہیں، شاہین شاہ آفریدی، محمد حسنین اور عثمان خان کو ون ڈے اسکواڈ سے ڈراپ کردیا گیا۔
سوشل میڈیا صارفین ان تبدیلیوں پر مختلف تبصرے کرتے نظر آتے ہیں۔ سلیم خالق لکھتے ہیں کہ ان تبدیلیوں کے بعد بھی سلیکشن کمیٹی برقرار، عبوری ہیڈ کوچ عاقب جاوید برقرار، ناکام کھلاڑی برقراراور سفارشی کھلاڑی بھی برقرارہیں۔ انہوں نے کہا کہ دورہ نیوزی لینڈ کے اسکواڈ سے اندازہ لگا لیں کہ پاکستان میں شائقین کرکٹ، سابق کرکٹرز اور میڈیا جو کہے اس کی کوئی اہمیت نہیں ہوتی۔
سلیکشن کمیٹی برقرار
ہیڈ کوچ عاقب جاوید برقرار
ناکام کھلاڑی برقرار
سفارشی کھلاڑی برقرار
دورئہ نیوزی لینڈ کے اسکواڈز سے اندازہ لگا لیں کہ پاکستان میں شائقین کرکٹ،سابق کرکٹرز اور میڈیا جو کہے اس کی کوئی اہمیت نہیں ہوتی
— Saleem Khaliq (@saleemkhaliq) March 4, 2025
محمد ولید خان لکھتے ہیں کہ ایک روزہ کرکٹ میں بُری پرفارمنس کے بعد پاکستان کی ٹی20 ٹیم اور کپتان تبدیل کردیا گیا، پھر کہتے ہیں کہ ہماری کرکٹ ترقی کیوں نہیں کرتی۔
ایک روزہ کرکٹ میں بری پرفارمنس کے بعد پاکستان کی ٹی20 ٹیم اور کپتان تبدیل کر دیا
پھر کہتے ہیں ہماری کرکٹ ترقی کیوں نہیں کرتی
Worst Era of Cricket pic.twitter.com/DQKYI6Z7ej
— Muhammad Waleed Khan (@immwofficial) March 4, 2025
عامر سعید عباسی لکھتے ہیں کہ سلیکشن کمیٹی اور ہیڈ کوچ برقرارہیں اور ٹیم بھی تقریباً وہی ہے، صرف 19، 20 کا فرق ہے، اب کی بار بھی قوم جیت کی امید کے بجائے اگلی سرجری کے اعلان کا انتظار کرے۔
سلیکشن کمیٹی اور ہیڈ کوچ برقرار اور ٹیم بھی تقریباً وہی صرف 19، 20 کا فرق ہے،
اب کی بار بھی قوم جیت کی امید کے بجائے اگلی سرجری کے اعلان کا انتظار کرے۔#PCB #PakistanCricket #Pakvs pic.twitter.com/K7BoUTfdxN
— Aamir Saeed Abbasi (@AmirSaeedAbbasi) March 4, 2025
قادر خواجہ نے لکھا کہ سعود شکیل کو اسکواڈ سے کیوں نکالا گیا یہ بہت بُرا فیصلہ ہے۔
https://Twitter.com/iamqadirkhawaja/status/1896868536578097578
شانزے نامی صارف نے لکھا کہ سوشل میڈیا پر مہم چلاؤ اور ٹیم میں آجاؤ۔
Cheap selection by Cheap selectors
Social media py campaign chlao aur team mai a jao#PakistanCricket pic.twitter.com/GaXEAil1lT
— Shanzay ???????? (@BushraShanzay) March 4, 2025
واضح رہے کہ قومی ٹیم نیوزی لینڈ میں 16 مارچ سے 5 اپریل تک 5 ٹی20 اور 3 ون ڈے میچ کھیلے گی۔ سیریز میں پہلا ٹی20 میچ 16 مارچ، دوسرا 18، تیسرا 21، چوتھا 23 اور پانچواں 26 مارچ کو کھیلا جائے گا۔ پاکستان اور نیوزی لینڈ کے درمیان 3 ایک روزہ میچز کا پہلا مقابلہ 29 مارچ، دوسرا 2 اپریل اور تیسرا میچ 5 اپریل کو ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان کرکٹ ٹیم محمد رضوان
سیاسی حقوق اورشہری آزادیوں میں پاکستان کی تین درجے تنزلی‘جزوی آزادملک قرار