سعود شکیل پہلے پاکستانی بلے باز جو ٹائم آؤٹ قرار پائے
اشاعت کی تاریخ: 6th, March 2025 GMT
راولپنڈی میں کھیلے جانے والے پریذیڈنٹ ٹرافی کے فائنل میں سعود شکیل کو ٹائم آؤٹ دیدیا گیا۔ اس طرح آؤٹ ہونے والے وہ پہلے پاکستانی بیٹسمین بن گئے۔
راولپنڈی میں پی ٹی وی اور اسٹیٹ بینک کے درمیان کھیلے جانے والے پریذیڈنٹ ٹرافی گریڈ ون کے فائنل میچ کے پہلے دن پی ٹی وی کی اننگ کے دوران اسٹار قومی بلے باز سعود شکیل کو ٹائم آؤٹ قرار دے دیا گیا۔ وہ پہلے پاکستانی بلے باز ہیں جو اس انداز میں آؤٹ ہوئے۔
واضح رہے کہ کرکٹ میچ میں پی ٹی وی کی تیسری وکٹ 49 رنز کے اسکور پر گری۔ سعود شکیل کو مڈل آرڈر میں پانچویں نمبر پر بیٹنگ کے لیے آنا تھا تاہم وہ مقررہ وقت کے اندر کریز پر نہ پہنچے، نتیجتاً امپائر نے انہیں ٹائم آؤٹ قرار دے دیا۔
پاکستان میں فرسٹ کلاس ڈومیسٹک کرکٹ میچ میں بائیں ہاتھ سے بیٹنگ کرنے والے مبینہ طور پر میچ کے دوران جھپکی لے رہے تھے جس کی وجہ سے وہ بروقت کریز پر نہ پہنچ سکے۔
قبل ازیں اسٹیٹ بینک کی ٹیم پہلی اننگ میں 205 رنز بنا کر آؤٹ ہو گئی تھی۔
میچ میں یہ ساری ڈرامائی صورتحال محمد شہزاد کے اوور میں ہوئی۔ محمد شہزاد نے اپنے اوور کی تیسری اور چوتھی گیند پر کپتان عمر امین کو 6 جبکہ فواد عالم کو صفر پر آؤٹ کر دیا۔ اس کے بعد سعود شکیل کو بیٹنگ کے لیے آنا تھا تاہم وہ مقررہ وقت پر نہ آ سکے۔ یوں ٹائم آؤٹ قرار پائے۔
سعود شکیل کو ٹائم آؤٹ قرار دیے جانے کے بعد عرفان نیازی بیٹنگ کے لیے آئے لیکن وہ اگلی ہی گیند پر بولڈ ہوگئے۔ یوں ہیٹ ٹرک ہوگئی۔
اس صورت حال کا دلچسپ پہلو یہ بھی ہے کہ کرکٹ کی تاریخ میں 3 گیندوں پر 4 وکٹیں گریں۔ محمد شہزاد نے اس اننگ میں 29 رنز دے کر 5 کھلاڑی آؤٹ کیے۔
ٹائم آؤٹ کا اصول کیا ہے؟آئی سی سی کے قانون کے مطابق بیٹسمین کے آؤٹ ہونے کے بعد اگلے بیٹسمین کے لیے 3 منٹ کے اندر کریز پر پہنچنا لازم ہے۔
انٹرنیشنل کرکٹ میں اسی انداز میں آؤٹ ہونے کا ایک واقعہ ورلڈ کپ 2023 کے دوران بھی پیش آیا جب سری لنکا کے اینجلو میتھیوز بنگلہ دیش کے خلاف ٹائم آؤٹ قرار دیے گئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹائم آؤٹ سعود شکیل.ذریعہ: WE News
کلیدی لفظ: ٹائم ا ؤٹ سعود شکیل ٹائم ا و ٹ قرار سعود شکیل کو کے لیے
پڑھیں:
پی ایس ایل 10: کراچی کنگز کی کوئٹہ گلیڈی ایٹرز کیخلاف بیٹنگ جاری
ایچ بی ایل پاکستان سپر لیگ (پی ایس ایل) 10 میں کراچی کنگز نے ٹاس جیت کر بیٹنگ کا فیصلہ کیا ہے۔
کراچی میں کھیلے جانے والے ایونٹ کے آٹھویں میچ میں کراچی کنگز کے کپتان ڈیوڈ وارنر نے ٹاس جیت کر کا فیصلہ کیا۔
واضح رہے دونوں ٹیموں کو اپنے آخری میچ میں لاہور قلندرز سے شکست کا کرنا پڑا تھا۔
اسکواڈ:
کراچی کنگز: ڈیوڈ وارنر (کپتان)، ٹِم سائیفرٹ (وکٹ کیپر)، جیمز ونس، محمد ریاض اللہ، عرفان خان نیازی، خوشدل شاہ، محمد نبی، عامر جمال، عباس آفریدی، حسن علی، میر حمزہ
کوئٹہ گلیڈی ایٹرز: سعود شکیل (کپتان)، فِن ایلن، حسن نواز، کوشل مینڈس (وکٹ کیپر) رائلی روسو، خواجہ نافع، فہیم اشرف، شان ایبٹ، محمد عامر، ابرار احمد، علی ماجد
آئینی بینچ میں مزید دو ججز شامل کرنے کا فیصلہ