عاقب جاوید ایک ’مسخرہ‘ ہے، جیسن گلیپسی
اشاعت کی تاریخ: 6th, March 2025 GMT
اسلام آباد (اُردو پوائنٹ ۔ DW اردو۔ 06 مارچ 2025ء) سابق آسٹریلین کرکٹر جیسن گلیسپی کا کہنا ہے کہ گزشتہ دسمبر میں پاکستان کے ٹیسٹ کرکٹ کوچ کے عہدے سے سبکدوش ہونے سے قبل ان کی کارکردگی کو نشانہ بنایا گیا۔ گلیپسی نے ایک سوشل میڈیا پوسٹ کا استعمال کرتے ہوئے پاکستانی کرکٹ ٹیم کے عبوری ہیڈ کوچ عاقب جاوید کو ''مسخرہ‘‘ قرار دیا۔
گلیسپی فاسٹ بولر تھے، جنہوں نے کوچنگ کا پیشہ اختیار کرنے سے قبل 1996 سے لے کر 2006 تک آسٹریلیا کے لیے 71 ٹیسٹ اور 97 ایک روزہ بین الاقوامی میچ کھیلے۔ انہیں گزشتہ اپریل میں دو سال کے لیے پاکستان کا ٹیسٹ کوچ مقرر کیا گیا تھا لیکن آٹھ ماہ سے بھی کم عرصے بعد جنوبی افریقہ میں ہونے والی سیریز سے قبل انہوں نے اپنے عہدے سے استعفیٰ دے دیا تھا۔
(جاری ہے)
پاکستان کے قومی سلیکٹر اور عبوری ہیڈ کوچ عاقب جاوید نے رواں ہفتے پاکستان کے چیمپئنز ٹرافی کے ناک آؤٹ مرحلے تک پہنچنے میں ناکامی کے بعد اعتراف کیا تھا کہ چھانٹیوں اور تبدیلیوں کے باوجود بھی قومی ٹیم کو کوئی فائدہ نہیں ہوا۔
پاکستان کے محدود اوورز کے اسکواڈ میں تازہ ترین تبدیلی کا اعلان کرنے کے لیے بلائی گئی ایک نیوز کانفرنس میں ان کا کہنا تھا، ''ہم نے گزشتہ دو سالوں میں تقریباً 16 کوچز اور 26 سلیکٹرز کو تبدیل کیا ہے۔
آپ یہ فارمولہ دنیا کی کسی بھی ٹیم پر لاگو کریں، مجھے لگتا ہے کہ وہ بھی اسی حالت میں ہوں گے۔‘‘ان کا مزید کہنا تھا، ''جب تک آپ اوپر سے نیچے، چیئرمین سے نیچے تک مستقل مزاجی اختیار نہیں کریں گے، تب تک آپ کی ٹیم ترقی نہیں کرے گی۔‘‘
گلیسپی نے ان تبصروں کا جواب بدھ کے روز ایک انسٹاگرام اسٹوری پوسٹ کرکے دیا جس میں انہوں نے عاقب جاوید کے مذکورہ تجزیے کو ''مزاحیہ‘‘ قرار دیا گیا۔
گلیسپی نے اپنی پوسٹ میں کہا، ''عاقب واضح طور پر گیری اور میرے خلاف پس پردہ مہم چلا رہے تھے تاکہ وہ خود تمام فارمیٹس میں کوچ بن سکیں۔"انہوں نے کہا، ''وہ ایک مسخرہ ہے۔‘‘
عاقب جاوید، ایک سابق پاکستانی انٹرنیشنل کرکٹر ہیں، اور وہ اس وقت پاکستانی ٹیم کے عبوری ہیڈ کوچ ہیں۔ عاقب کا معاہدہ ابتدائی طور پر چیمپئنز ٹرافی تک تھا لیکن وہ اس کردار کو اس وقت تک جاری رکھنے کے لیے تیار ہیں، جب کہ پاکستان کرکٹ بورڈ کل وقتی متبادل کی تلاش کر رہا ہے۔
ش ر/اب ا (روئٹرز، اے پی)
.ذریعہ: UrduPoint
کلیدی لفظ: تلاش کیجئے پاکستان کے عاقب جاوید کے لیے
پڑھیں:
ہم نکلیں گے تو عمران خان رہا ہوں گے: فیصل جاوید
پاکستان تحریک انصاف (پی ٹی آئی) کے سینیٹر فیصل جاوید—فائل فوٹوپاکستان تحریک انصاف (پی ٹی آئی) کے سینیٹر فیصل جاوید کا کہنا ہے کہ ہم نکلیں گے تو بانئ پی ٹی آئی رہا ہوں گے۔
پشاور میں میڈیا سے گفتگو کرتے ہوئے انہوں نے کہا کہ پُرامن احتجاج ہمارا حق ہے، احتجاج سے متعلق پارٹی حکمت عملی تیار کر رہی ہے۔
پی ٹی آئی کے سینیٹر فیصل جاوید نے ایئرپورٹ پر آف لوڈ کرنے کے معاملے پر پشاور ہائیکورٹ میں توہینِ عدالت کی درخواست دائر کردی۔
فیصل جاوید کا کہنا ہے کہ پی ٹی آئی کو سیاسی نشانہ بنایا جا رہا ہے، بانی نے عوام سے وعدہ کیا کہ جینا مرنا عوام کے ساتھ ہوگا۔
انہوں نے کہا کہ عمرے کی ادائیگی کے لیے جا رہا تھا مجھے روک دیا گیا، عدالتی حکمنامہ کے باوجود مجھے آف لوڈ کیا گیا۔
اسلام آباد ہائیکورٹ کا سی ڈی اے سمیت متعلقہ اداروں کو ریڑھی بانوں کا مسئلہ حل کرنیکا حکم