آج اسلام آباد میں گرینڈ اپوزیشن الائنس کا اجلاس طلب کیا ہے: اسد قیصر
اشاعت کی تاریخ: 6th, March 2025 GMT
پی ٹی آئی رہنما اسد قیصر — فائل فوٹو
سابق اسپیکر قومی اسمبلی اور تحریکِ انصاف (پی ٹی آئی) کے مرکزی رہنما اسد قیصر نے بتایا ہے کہ آج اسلام آباد میں گرینڈ اپوزیشن الائنس کا اجلاس طلب کیا ہے۔
پشاور میں ’جیو نیوز‘ سے گفتگو کرتے ہوئے اسد قیصر نے کہا کہ اجلاس میں الائنس کا باضابطہ آئین بنایا جائے گا۔
سابق اسپیکر قومی اسمبلی نے کہا کہ اس وقت ملک معاشی مشکلات اور دہشت گردی سے دوچار ہے، ملک کو ان مسائل سے نکالنے کے لیے تمام اپوزیشن جماعتوں کو متحد ہونا ہو گا۔
سابق اسپیکر قومی اسمبلی اور تحریک انصاف (پی ٹی آئی) کے مرکزی رہنما اسد قیصر نے کہا ہے کہ ذوالفقار علی بھٹو کی پارٹی نے بہت مایوس کیا ہے۔
انہوں نے کہا کہ موجودہ وفاقی حکومت کی ہر لحاظ سے کارکرگی صفر ہے۔
اسد قیصر نے یہ بھی کہا کہ ہماری تحریک کامیاب ہو گی، تمام رکاوٹیں عبور کریں گے، مینڈیٹ چور وفاقی حکومت کو ملکی مسائل کی کوئی فکر نہیں۔
.ذریعہ: Jang News
پڑھیں:
پنجاب غیرملکی سرمایہ کاروں کے لیے محفوظ اور پرکشش مقام ہے، اسپیکر پنجاب اسمبلی
اسپیکر پنجاب اسمبلی ملک محمد احمد خان کی پرتگال کے سرمایہ کاروں سے اسپیکر ہاؤس میں ملاقات ہوئی۔ اس موقع پر اسپیکر پنجاب اسمبلی کی طرف سے وفد کے اعزاز میں استقبالیہ تقریب بھی منعقد ہوئی۔
ملاقات میں پنجاب میں سرمایہ کاری کے فروغ پر پرتگالی وفد اور اسپیکر ملک محمد احمد خان کے درمیان تبادلہ خیال ہوا۔
اسپیکر ملک محمد احمد خان کا کہنا تھا کہ پنجاب غیرملکی سرمایہ کاروں کے لیے محفوظ اور پرکشش مقام ہے، اسپیشل انویسٹمنٹ فیسلیٹیشن کونسل (ایس آئی ایف سی) سرمایہ کاروں کو سہولیات فراہم کر رہی ہے۔
یہ بھی پڑھیے: چولستان نہری منصوبے پر سندھ کے اعتراضات، معاملہ افہام و تفہیم سے حل ہونا چاہیے: اسپیکر پنجاب اسمبلی
ملک محمد احمد خان کا کہنا تھا کہ بین الاقوامی سرمایہ کاری معیشت کی ترقی کی بنیاد ہیں، صحت، آئی ٹی، انرجی اور زراعت کے شعبوں میں سرمایہ کاری کا خیر مقدم کرتے ہیں، پنجاب اسمبلی سرمایہ کار دوست قانون سازی میں کلیدی کردار ادا کر رہی ہے۔
اس موقع پر پرتگال کے وفد نے سرمایہ کاری کے مواقع کو حوصلہ افزا قرار دیا اور اسپیکر کی میزبانی پر اظہارِ تشکر کیا۔
پرتگالی سرمایہ کاروں نے پنجاب میں سرمایہ کاری پر دلچسپی کا اظہار کیا جس پر اسپیکر ملک محمد احمد خان نے پرتگالی سرمایہ کاروں کو ہر ممکن تعاون کی یقین دہانی کروائی۔
یہ بھی پڑھیے: سمندر پار پاکستانیوں کے لیے خصوصی عدالت کے قیام کا قانون پنجاب اسمبلی سے منظور
وفد میں علی اصغر کمرشل کونسلر ایمبیسی آف اسپین، لوئس فرانسیسکو، اوسکار مانوئل، ٹییاگو میگوئل اور امیلکار یونو سمیت دیگر پرتگال کے سرمایہ کار شامل تھے۔
تقریب میں ممبران اسمبلی احمد سعید خان، راحیلہ خادم، افتخار چھچھڑ، آغا علی حیدر بھی موجود تھے۔
اس کے علاوہ ممبران اسمبلی حنا پرویز بٹ، سارہ احمد، عارف گل، حسن رضا، خرم ورک،احمد لغاری، رانا عبدالمنان، غزالی سلیم بٹ، فیبلس کرسٹوفر اور سیکرٹری جنرل چودھری عامر حبیب بھی تقریب میں شریک ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پرتگال پنجاب اسمبلی سرمایہ کار
ارمغان کے لیپ ٹاپ سے بین الاقوامی مالیاتی فراڈ کے شواہد مل گئے، ماہانہ آمدنی 4 لاکھ ڈالر