تحریک انصاف کے ساتھ مفاہمت نہیں، مزاحمت کی سیاست ہونی چاہیے، خواجہ محمد آصف
اشاعت کی تاریخ: 6th, March 2025 GMT
پاکستان کے وزیر دفاع خواجہ محمد آصف نے کہا ہے کہ اگر کوئی فریق آپ پر حملہ آور ہو رہا ہو تو پھر آپ کو مفاہمت کی نہیں، مزاحمت کی سیاست کرنی چاہیے۔
پارلیمنٹ ہاؤس کے باہر میڈیا سے گفتگو کے دوران مفاہمت کی سیاست سے متعلق ایک سوال کے جواب میں میں خواجہ آصف نے کہا کہ کس سے مفاہمت کریں؟ کیا بھلا پی ٹی آئی سے مفاہمت ہوسکتی ہے؟ وہ 3، 4 حملے اسلام آباد پر کر چکے ہیں، اب عید کے بعد ایک نئے حملے کی تیاری کر رہے ہیں۔ اس کے بعد کیا مفاہمت کی سیاست ہونی چاہیے یا مزاحمت کی سیاست ہونی چاہیے؟
انہوں نے کہا کہ مفاہمت کی سیاست تب ہوتی ہے جب دوسرا فریق حملہ آور نہ ہو رہا ہو۔ اگر دوسرا فریق حملہ آور ہو رہا ہو تو پھر آپ کو مزاحمت کی سیاست کرنی چاہیے۔
خواجہ آصف نے کہا کہ امریکا نے اپنا اثر و رسوخ اور دائرہ کار بڑھانے کے لیے جنگیں لڑی۔ عراق میں بھی لڑی اور افغانستان میں بھی لڑی۔ آپ دیکھیں کہ ان تمام جنگوں میں امریکا کبھی کسی کے ساتھ ہوتا ہے اور کبھی کسی کے خلاف ہوتا ہے۔
یہ بھی پڑھیےمذاکرات سے انکار کی کوئی بنیاد نہیں، پی ٹی آئی والے عمران خان کے ساتھ بھی مخلص نہیں، خواجہ آصف
انہوں نے کہا کہ ہم خود دہشتگردی کے سب سے بڑے شکار ہیں۔ ہم نے ایک دہشت گرد کو گرفتار کرکے امریکا کے حوالے کیا ہے۔ اگر بین الاقوامی برادری اس پر ہماری تعریف کر رہی ہے، امریکا تعریف کر رہا ہے۔ یہ ایک مشترکہ جنگ ہے جس میں سب کو حصہ ڈالنا چاہیے۔ پاکستان فرنٹ لائن پر لڑ رہا ہے۔
وزیر دفاع نے کہا کہ افغانستان سے پاکستان میں جو دراندازی ہورہی ہے، وہ اس ہائی ٹیک اسلحہ کی وجہ سے ہورہی ہے جو امریکا افغانستان میں چھوڑ گیا ہے۔ خود موجودہ امریکی صدر کہہ رہے ہیں کہ یہ اسلحہ وہاں نہیں چھوڑنا چاہیے تھا۔
’میں سمجھتا ہوں کہ امریکی اپنی غلطی کا احساس کر رہے ہیں، وہ کہہ رہے ہیں کہ وہ اس اسلحہ کو وہاں سے واپس منگوائیں گے۔ اس سے دہشتگردی کے خلاف لڑی جانے والی جنگ میں کامیابی کے امکانات بہت بڑھ جائیں گے۔‘
وزیراعلیٰ خیبر پختونخوا کے وفاق پر عائد الزامات کے حوالے سے ایک سوال کے جواب میں وزیر دفاع نے کہا کہ خیبر پختونخوا حکومت خود بھی دہشتگردی کی ذمہ داری اٹھائے۔ وہ جرگہ جرگہ کر رہے ہیں، اور کچھ بھی نہیں کر رہے۔ وہ عمران خان کے لیے اقتدار کی جنگ لڑ رہے ہیں۔ دہشت گردی کے خلاف جنگ میں ان کی پرفارمنس صفر ہے۔ پارا چنار میں آج بھی حالات مخدوش ہیں۔ وہاں پر امن نہیں ہوا۔ یہ ان کی ذمہ داری ہے۔ وہاں دہشتگردی ہورہی ہے تو وہ وفاق سے تعاون لیں۔ وفاق ہر قسم کی مدد کرنے کو تیار ہے۔
یہ بھی پڑھیےعلی امین گنڈاپور کہتے ہیں 99 فیصد مطالبات پورے ہوگئے تو پھریہ احتجاج کس بات کا؟ خواجہ آصف
انہوں نے کہا کہ سب سے پہلے پشاور میں بیٹھی ہوئی حکومت کے خلاف انکوائری ہونی چاہیے۔ باقی انکوائریاں بعد میں ہوں گی۔ وہ دہشتگردوں کے ساتھ ہیں یا وفاق کے ساتھ ہیں۔
جب ٹرمپ کی طرف سے پاکستان کا شکریہ ادا کرنے کے حوالے سے پوچھا گیا کہ کیا اس سے تحریک انصاف کی امیدوں کا خون ہوا ہے؟ خواجہ آصف نے کہا کہ یہ سوال ان سے کریں، یہ سوال مجھ سے نہیں بنتا۔
انہوں نے کہا کہ عمران خان پہلے یہاں خطوط بازی کرتے رہے ہیں، اب اس خطوط بازی کو بین الاقوامی درجہ دیدیا ہے۔ جو پچھلے خطوط کا حشر ہوا ہے، وہی بین الاقوامی خطوط کا حشر ہوگا۔
ایک سوال کے جواب میں خواجہ آصف نے کہا کہ میں عمران خان کو کوئی مشورہ نہیں دے سکتا۔ وہ ہمارے مشوروں سے بہت دور ہیں۔ انہیں کون مشورہ دے سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان تحریک انصاف خواجہ محمد آصف عمران خان.ذریعہ: WE News
کلیدی لفظ: پاکستان تحریک انصاف خواجہ محمد ا صف خواجہ ا صف نے کہا کہ مزاحمت کی سیاست انہوں نے کہا کہ ہونی چاہیے مفاہمت کی کے ساتھ رہے ہیں کے خلاف کر رہے
پڑھیں:
کوئی کتنا ہی ناراض ہو انصاف دباؤ کے بغیر ہونا چاہیے، آغا رفیق
کراچی (جنگ نیوز) سابق چیف جسٹس فیڈرل شریعت کورٹ آف پاکستان جسٹس آغا رفیق احمد خان نے کہا ہے کہ کوئی کتنا ہی ناراض ہو انصاف کسی بھی دباؤ کے بغیر ہونا چاہیے۔
اپنی کتاب ”عدلیہ میں میرے 44 سال“ کی تقریب رونمائی سے خطاب کرتے ہوئے اُنہوں نے کہا کہ ججوں کو انصاف کے طالب لوگوں کی داد رسی کرنی چاہیے۔
تقریب سے خطاب میں منیر اے ملک نے کہا کہ آغا رفیق نے چیف جسٹس آف پاکستان کی تقرری کی کہانی لکھی ہے لہٰذا لوگوں کو یہ کتاب ضرور پڑھنی چاہیے۔
معروف معاشی ماہر جہانگیر صدیقی نے کہا کہ آغا صاحب سے پرانی رفاقت ہے، جب پاکستان میں ہوتا ہوں تو ہر ہفتے ملتے ہیں، ان کے گھر دسترخوان لگتا تھا، وہ نیک اور پر خلوص آدمی ہیں، کسی کا کام ہو تو ان کے لئے نکل کھڑے ہوتے تھے، یہ بہت ہی اعلیٰ ظرف کی بات ہے۔ مجھے یہ چیز میری والدہ نے سکھائی تھی کہتی تھی کوئی آپ کے پاس آئے اس کا کام کریں، آغا رفیق ہر ممکن کام کرنے کی کوشش کرتے تھے اور کہتے تھے کہ یہ کام اللہ نے کرنا ہے آپ جہاں تک وسیلہ بن سکتے ہیں بن جائیں، یہی خوبی آغا صاحب میں تھی۔
1972 میں کراچی اسٹاک ایکسچینج کا ڈائریکٹر بنا تھا۔
کراچی میں تقریب رونمائی سے میاں محمد سومرو، معین الدین حیدر، غوث علی شاہ، اقبال حمید الرحمان، منیر اے ملک، آغا سراج درانی اور محمود شام نے بھی خطاب کیا۔
اُن کا کہنا تھا کہ میں وزیر داخلہ تھا تو مشرف نے پوچھا کہ حمودالرحمان کمیشن رپورٹ کو پبلش کیا جائے یا نہیں، اس پر کمیٹی بنائی گئی اور ہم نے تجویز دی کہ دو چیپٹرز کے علاوہ رپورٹ شائع کی جائے۔
معین الدین حیدر نے انکشاف کیا کہ پرویز مشرف رپورٹ شائع نہیں کرنا چاہتے تھے کیونکہ وہ سمجھتے تھے کہ یہ فوج کے خلاف ہے، میں نے کہا کہ ہمیں اپنی غلطیوں سے سیکھنا چاہیے۔
سابق وزیر داخلہ نے مزید بتایا کہ جو لوگ ایگزیکٹیو پوزیشن میں ہوتے ہیں انہیں مشورے خوش کرنے کےلیے نہیں دینے چاہئیں بلکہ ملک کو تباہی سے بچانے کے لیے بڑی غلطیوں سے اجتناب کرنا چاہیے۔
اپنی خدمات کا ذکر کرتے ہوئے انہوں نے کہا کہ میری سندھ میں بڑی سروس رہی ہے۔ بینظیر جب شاہنواز کو تدفین کےلیے لائیں تھیں تو میں وہیں تھا۔ شاید میں یہ بیان نہ دیتا مگر زرداری صاحب نے یہ بیان کر دیا۔ بعد میں معلوم ہوا کہ زرداری کےلیے پنجاب سے پولیس منگوائی گئی، ان کی زبان کاٹی گئی اور ایک اور مقدمہ درج ہوا۔
منظور مغل نے بتایا کہ اگر زرداری صاحب کو مار دیا گیا تو بڑا ہنگامہ کھڑا ہو جائے گا۔ سیف الرحمان پیپلز پارٹی والوں کو زرداری سے نہیں ملنے دے رہے تھے۔ پی پی والے میرے پاس آئے، میں نے سیف الرحمان سے بات کی تو وہ بولے کہ جنرل صاحب بزدل نہ بنیں، مشکل سے موقع دیا ہے۔ میں نے نواز شریف سے کہا کہ کورٹ کا آرڈر ہے، ایسا نہ کریں۔ رات تین بجے چیف سیکریٹری کو بلا کر زرداری کو لانڈھی جیل واپس بھجوایا۔
رانا مقبول کو کہا کہ دیر ہو گئی ہے، زرداری کو واپس بھیج دیں، اور انہیں عام قیدی نہ سمجھا جائے۔ یہ واقعہ میں نے پہلے کبھی کسی کو نہیں سنایا۔ انہوں نے کہا کہ جب بینظیر کی شہادت پر زرداری سے ملاقات ہوئی تو انہوں نے کہا کہ یہ میرے محسن ہیں، انہوں نے میری جان بچائی ہے۔ مگر آج زرداری صاحب ہمیں پوچھتے بھی نہیں۔
سابق قائم مقام صدر و نگران وزیراعظم محمد میاں سومرونے آغا رفیق احمد کو اصولوں پر قائم اور شفیق شخصیت قرار دیا۔
عبداللہ حسین ہارون نے انہیں سندھ اور پاکستان کے لیے اثاثہ قرار دیا۔
غوث علی شاہ نے کہا کہ آغا رفیق نہ صرف بہادر جج تھے بلکہ نبھانے والے انسان بھی ہیں۔ انہوں نے کہا کہ ''ججز میں بہادری کم دیکھی جاتی ہے، آغا صاحب کسی سے ڈرنے والوں میں نہیں تھے۔
جسٹس (ر) آغا رفیق احمد نے اپنے خطاب میں کہا کہ ''عبداللہ ہارون اور غوث علی شاہ دونوں کی موجودگی میرے لیے اعزاز ہے۔
سابق اٹارنی جنرل منیر اے ملک نے کہا کہ ''آغا رفیق کے سامنے پیش ہونا بند کر دیا تھا، ان میں کبھی غرور نہیں آیا۔ انہوں نے کتاب میں چیف جسٹس پاکستان کی تقرری کا احوال بھی لکھا ہے، سب کو یہ کتاب پڑھنی چاہیے۔
ایڈووکیٹ غلام حسین شاہ نے کہا کہ آغا رفیق نے کبھی اپنی آزادی پر سمجھوتہ نہیں کیا، سیاسی اور سماجی حقائق بہت دلیری سے لکھے ہیں۔
سینئر صحافی محمود شام نے خطاب میں کہا کہ ''ججوں کی موجودگی میں میں ایک ملزم ہوں۔ گیارہ سال تک ایک مقدمہ آفیشل سیکریٹ ایکٹ کے تحت چلتا رہا، جج نے کہا کہ میرے دائرہ اختیار میں نہیں۔ ایف آئی اے چاہے تو مقدمہ دوبارہ شروع ہو سکتا ہے۔
قومی اسمبلی میں فلسطینیوں کی حمایت، اسرائیلی بربریت کیخلاف قرارداد منظور