جنرل باجوہ، فیض حمید اور عمران خان نے دہشتگردوں کو واپس بسایا،خواجہ آصف
اشاعت کی تاریخ: 6th, March 2025 GMT
اسلام آباد(ڈیلی پاکستان آن لائن)وزیردفاع خواجہ آصف کا کہنا ہے کہ سابق آرمی چیف جنرل قمر جاوید باجوہ، سابق ڈی جی آئی ایس آئی فیض حمید اور بانی پی ٹی آئی عمران خان نے دہشتگردوں کو واپس بسایا۔
نجی ٹی وی سما نیوز کے مطابق اسلام آباد میں میڈیا سے گفتگو میں وزیردفاع خواجہ آصف نے کہا کہ دہشت گردوں کو واپس بسانے میں جنرل باجوہ کا بھی کردار تھا، یہ مشترکہ مفادات کا سمجھوتا تھا، خود اس اسمبلی کاررروائی میں موجود تھا جہاں انھوں نے کہا کہ ہم بہت اچھاکام کررہے ہیں۔
خواجہ آصف نے کہا کہ فیض حمید تو گرفتار ہے،جنرل باجوہ سے تو پوچھیں اس نے دہشتگردوں کو کیوں بسایا؟ کوئی ان سے پوچھے تو سہی کہ کیوں ایسا کیا؟۔ میں اسٹیبلشمنٹ کی نمائندگی یا ان کی طرف سے بات نہیں کررہا۔
جنوبی کوریا میں فوجی مشق کے دوران لڑاکا طیارے نے رہائشی عما رت پر بم گرا دیئے ، 15 افراد زخمی
خواجہ آصف کا کہنا تھا کہ خیبرپختونخوا حکومت والے دہشتگردی کے خلاف کچھ نہیں کررہے، پہلےخطوط بازی پاکستان میں ہوتی تھی اب اسےعالمی درجہ دے دیا، پہلے جو خطوط کا حشرہوا تھا ان خطوط کا بھی وہی حشر ہوگا۔انہوں نے مزید کہا کہ دہشتگردی کے خلاف جنگ میں سب کو حصہ لینا چاہیے، پاکستان دہشتگردی کیخلاف جنگ میں فرنٹ لائن پر لڑرہاہے، امریکابہت ہائی ٹیک اسلحہ افغانستان میں چھوڑ کر گیاہے، خود امریکی صدر ٹرمپ کہہ رہےہیں کہ یہ اسلحہ نہیں چھوڑنا چاہیے تھا۔ اسکےبعد دہشتگردی کے خلاف کامیابی کے امکانات بہت بڑھ گئے ہیں۔
اسلام آباد ہائیکورٹ کا لاپتہ افراد کے کیسز کی سماعت کرنے والا سپیشل بنچ ٹوٹ گیا
خواجہ آصف نے کہا کہ امریکہ نے اثرورسوخ بڑھانے کیلئےعراق ،افغانستان اور دیگر ممالک میں جنگیں کیں، تمام جنگوں میں امریکہ کبھی کسی کے ساتھ تو کبھی کسی کے ساتھ ہوتا ہے، ہم خود دہشتگردی سے متاثر ہیں، ایک دہشتگرد پکڑ ہم نے امریکہ کے حوالے کیا، ایک واقعہ ہوا پاکستان نے اپنی بین الاقومی ذمہ داری پوری کی ہے۔ دہشتگردی کیخلاف جنگ مشترکہ جنگ ہے ہم نے ذمہ داری پوری کی، اگربین الاقوامی برادری ہماری تعریف کررہی ہے تو یہ اچھی بات ہے۔
وزیردفاع نے کہا کہ پی ٹی آئی والے 3، 4 حملے اسلام آباد پرکر چکے ہیں، پی ٹی آئی والے ایک اور حملے کی تیاری کررہے ہیں۔ مفاہمت کس سے کریں ؟ جب فریق حملہ آور ہو تو آپکو بھی مزاحمت والی سیاست کرنی چاہیے۔
کالج میں ٹاپ کرنے والا ڈاکٹر سبزیاں بیچنے پر مجبور، ایسا کیا ہوا؟ اس کی کہانی سن کر آنکھیں نم ہو جائیں
مزید :.ذریعہ: Daily Pakistan
کلیدی لفظ: خواجہ آصف نے کہا کہ
پڑھیں:
5؍ ہزار مزید غیرقانونی افغان باشندے واپس روانہ
واپس جانے والے افراد کو خوراک اور صحت کی معیاری سہولتیں فراہم کی گئی ہیں
9 لاکھ 70 ہزار غیر قانونی افغان شہری پاکستان چھوڑ کر افغانستان جا چکے ہیں
پاکستان میں مقیم غیر قانونی، غیر ملکی اور افغان سٹیزن کارڈ ہولڈرز کے انخلا کا عمل تیزی سے جاری ہے۔ حکومت پاکستان کی جانب سے دی گئی مہلت ختم ہونے کے بعد ان افراد کو ملک چھوڑنے کے لیے سخت اقدامات کیے جا رہے ہیں۔18 اپریل 2025 کو 5030 سے زائد غیر قانونی افغان باشندے پاکستان سے اپنے وطن افغانستان واپس روانہ ہوئے۔ سرکاری اعداد و شمار کے مطابق اب تک مجموعی طور پر 971,969 غیر قانونی افغان شہری پاکستان چھوڑ چکے ہیں۔حکومتی حکام کے مطابق غیر قانونی رہائش پذیر افراد، غیر ملکیوں اور افغان سٹیزن کارڈ رکھنے والوں کے خلاف سخت قانونی کارروائی جاری ہے۔ تاہم، حکومتی ترجمان نے بتایاہے کہ انخلاء کے عمل کو باعزت اور منظم انداز میں یقینی بنایا جا رہا ہے تاکہ کسی قسم کی بدسلوکی یا انسانی حقوق کی خلاف ورزی نہ ہو۔مزید برآں، حکومتِ پاکستان کی جانب سے واپس جانے والے افراد کے لیے خوراک اور صحت کی معیاری سہولیات فراہم کی گئی ہیں تاکہ ان کے سفر اور واپسی کو سہل اور محفوظ بنایا جا سکے۔
ارمغان کے لیپ ٹاپ سے بین الاقوامی مالیاتی فراڈ کے شواہد مل گئے، ماہانہ آمدنی 4 لاکھ ڈالر