بنوں: خودکش دھماکوں کے بعد دوسرے روز بھی فضا سوگوار
اشاعت کی تاریخ: 6th, March 2025 GMT
--- فائل فوٹو
بنوں میں کینٹ سے ملحقہ گاؤں کوٹ براڑہ میں خودکش دھماکوں کے بعد دوسرے روز بھی فضا سوگوار ہے ۔
گزشتہ روز بنوں میں ہونے والے 2 دھماکوں کے بعد کینٹ کے اطراف اور جانے والے راستوں کو مکمل طور پر بند کر دیا گیا ہے۔
کینٹ کے اندر سرکاری دفاتر اور اسکول دوسرے روز بھی بند ہیں۔
سیکیورٹی فورسز نے بنوں کنٹونمنٹ پر حملہ آور تمام 16 دہشتگرد ہلاک کردیے۔
شہر میں سیکیورٹی ہائی الرٹ ہے، تمام داخلی اور خارجی راستوں پر چیکنگ کی جارہی ہے۔
یادر ہے کہ دھماکوں میں 13 افراد جاں بحق اور 41 زخمی ہو گئے تھے۔
دھماکے کے زخمیوں کو ڈی ایچ کیو اور پشاور کے اسپتال میں طبی امداد دی جا رہی ہے۔
.ذریعہ: Jang News
پڑھیں:
بنوں کینٹ پر حملے کی منصوبہ بندی افغانستان میں ہوئی، تمام 16 دہشتگرد ہلاک اور 5 جوان شہید ہوئے: آئی ایس پی آر
سٹی42: پاکستان کے سیکورٹی اداروں نے سراغ لگایا ہے ک کل بنوں کینٹ پر ہونے والی دہشت گردی کی کارروائی کی ہدایات افغانستان سے دی گئیں۔ پاکستانی سکیورٹی فورسز نے رات کے اندھیرے میں کئے گئے اس حملے میں شریک تمام دہشتگردوں کو جہنم واصل کر کے حملے کو مکمل ناکام بنا دیا۔
چار خودکش بمباروں سمیت تمام 16 دہشت گردوں کو ہلاک کر دیا گیا۔حملہ آوروں نے کنٹونمنٹ کی سکیورٹی توڑنے کی کوشش کی تاہم سکیورٹی فورسز نے فوری جوابی کارروائی کرتے ہوئے دہشتگردوں کے مذموم عزائم کو ناکام بنایا تو انہوں نے مایوسی کے عالم میں اپنی بارود سے بھری گاڑیاں بنوں کینٹ کی حفاظتی دیواروں سے ٹکرا دیں جس کے نتیجے میں ایک سویلین رہائشی گھر کی چھت گری اور ایک مسجد کو نقصان پہنچا۔ ۔
مریم نواز کی ہاؤسنگ سکیموں کی بحالی کیلئے فنڈز جاری کرنے کی ہدایت
آئی ایس پی آر کے مطابق سکیورٹی فورسز نے حملہ کرنے والے تمام 16 دہشت گردوں کو ہلاک کردیا، ہلاک دہشتگردوں میں 4 خودکش حملہ آور بھی شامل تھے۔
بنوں میں کینٹ پر خارجی دہشت گردوں کے کل کے حملے کے دوران شدید جھڑپ میں 5 بہادر فوجی مادرِ وطن پر قربان ہو گئے، خودکش دھماکوں کی وجہ سے حفاظتی دیوار کا کچھ حصہ منہدم ہو گیا، جس سے ملحقہ عمارتوں کو نقصان پہنچا۔ اس بزدلانہ حملے میں 13 بے گناہ شہری بھی شہید ہوئے اور 32 زخمی ہوئے۔
روزے کے باعث جسم میں ہونیوالی پانی کی کمی دور کرنے کے طریقے
آئی ایس پی آر نے آج بتایا ہے کہ خفیہ اداروں کی تحقیقات میں واضح طور پر ثابت ہوا ہے کہ اس حملے میں افغان شہری براہِ راست ملوث تھے، شواہد سے یہ بھی ثابت ہوتا ہے کہ حملے کی منصوبہ بندی اور نگرانی افغانستان میں موجود خوارج کے سرغنہ کر رہے تھے۔
دہشتگردوں نے رمضان کے مہینے میں جو بزدلانہ کارروائی کی اس میں ان کے مایوسی کے عالم میں کئے گئے خودکش حملوں سے ایک مسجد اور رہائشی عمارت بھی تباہ ہو گئی، جس کے نتیجے میں 13 بے گناہ شہری شہید جب کہ 32 زخمی ہو گئے۔
امریکی صدر کا افغانستان میں دہشتگردی کیخلاف تعاون پر پاکستان سے اظہار تشکر
آئی ایس پی آر کنے کہا کہ عبوری افغان حکومت اپنی ذمہ داریوں کو پورا کرے اور اپنی سرزمین کو پاکستان کے خلاف دہشت گرد سرگرمیوں کے لیے استعمال نہ ہونے دے، پاکستان اپنی سرحدوں کے پار سے ہونے والے ان خطرات کے جواب میں ہر ممکن اقدامات اٹھانے کا حق محفوظ رکھتا ہے۔
آئی ایس پی آر نے واضح کیا کہ پاکستانی سیکیورٹی فورسز دہشت گردی کے مکمل خاتمے کے عزم پر قائم ہیں، ہمارے بہادر فوجیوں اور بے گناہ شہریوں کی قربانیاں ہمارے اس غیر متزلزل عزم کو مزید مضبوط کرتی ہیں، ہم اپنی سرزمین کی حفاظت کے لیے ہر قیمت چکانے کو تیار ہیں۔
تکنیکی اور آپریشنل وجوہات کے باعث آج کراچی سے روانہ ہونے والی متعدد پروازیں منسوخ
30 ایوارڈز حاصل کرنے والی وہ فلم جس کو کاجول اور اجے دیوگن نے ٹھکرا کر غلطی کی