سدھو کی کمنٹری کا کارٹون ورژن: شائقین ہنس ہنس کر لوٹ پوٹ!
اشاعت کی تاریخ: 6th, March 2025 GMT
کرکٹ کی دنیا میں نوجوت سنگھ سدھو صرف ایک سابق کھلاڑی ہی نہیں، بلکہ ایک ایسے کمنٹیٹر ہیں جن کی جملے بازی نے کرکٹ شائقین کو کئی برسوں سے ہنسنے اور سوچنے پر مجبور کیا ہے۔ اب ان کی مزاحیہ اور انوکھی کمنٹری کو کارٹون کی شکل میں پیش کیا گیا ہے، جس نے سوشل میڈیا پر طوفان مچا دیا ہے۔
نوجوت سنگھ سدھو کی کمنٹری کا اپنا ہی ایک انداز ہے۔ وہ جب بھی مائیک پر آتے ہیں، تو ان کے جملے کبھی کیلے کی طرح مڑتے ہیں، تو کبھی تاش کے پتوں کی طرح بکھر جاتے ہیں۔ ان کی کمنٹری سن کر کرکٹ شائقین اکثر سوچ میں پڑ جاتے ہیں کہ ’’یہ کیا کہہ گئے؟‘‘ لیکن تھوڑی دیر بعد ہنسنے پر مجبور ہوجاتے ہیں۔
مزید پڑھیں: "نائنٹیز کے میگا سپر اسٹارز ہمیں متاثر نہیں کرسکے"
حال ہی میں انسٹاگرام صارف کیتن پال نے سدھو کی کمنٹری کے چند مشہور جملوں کو کارٹون کی شکل میں ڈھالا ہے۔ اس ویڈیو میں سدھو کے بیانات کو انتہائی مزاحیہ انداز میں پیش کیا گیا ہے، جسے دیکھ کر کرکٹ شائقین ہنس ہنس کر لوٹ پوٹ ہو گئے۔
کارٹون ورژن میں سدھو کے مشہور جملے
’’تاش کے پتوں کی طرح بکھر گئے‘‘
’’کیلے کی طرح مڑی یہ گیند‘‘
’’اناج بکھرا، مرغی خوش‘‘
’’باپو بچپن میں کنچے ضرور کھیلتے رہے ہوں گے‘‘
’’ہاردک پانڈیا کی پونچھ اونچی‘‘
یہ ویڈیو سوشل میڈیا پر وائرل ہو چکی ہے، جسے 5 لاکھ سے زیادہ لائیکس اور لاکھوں ویوز مل چکے ہیں۔ صارفین نے ویڈیو پر اپنے تبصرے بھی شیئر کیے ہیں۔ ایک صارف نے لکھا، ’’ہاہاہاہا، میں ورلڈ کپ کے بعد یہ کمنٹری بہت مس کر رہا تھا۔‘‘ جبکہ ایک اور صارف نے کہا، ’’لوگ کتنا بھی عجیب بولیں، پر مجھے تو مزہ آتا ہے سدھو پاجی کی کمنٹری سننے میں۔‘‘
مزید پڑھیں: صائم ایوب، فخر زمان اسکواڈ میں کیوں نہیں، کیا پی ایس ایل کھیلیں گے؟
نوجوت سنگھ سدھو کا کہنا ہے کہ ’’کرکٹ میرا پہلا پیار ہے۔ اگر آپ کا پیار ہی آپ کا پروفیشن بن جائے، تو اس سے بہتر اور کیا چاہیے؟‘‘ ان کا یہ بھی کہنا ہے کہ ’’ایک بطخ کبھی بھی تیرنا نہیں بھول سکتی۔ میں کمنٹری کو اسی طرح دیکھتا ہوں، جیسے کہ ایک مچھلی پانی کو اپنے لیے اہم سمجھتی ہے۔‘‘
یاد رہے کہ نوجوت سنگھ سدھو نے اپنے کرکٹ کیریئر میں ٹیسٹ میں 3,202 اور ون ڈے میں 4,413 رنز بنائے۔ 17 سال کرکٹ کھیلنے کے بعد 1999 میں انہوں نے ریٹائرمنٹ لے لی، لیکن ان کی کمنٹری نے انہیں کرکٹ کی دنیا میں ہمیشہ کے لیے زندہ رکھا ہے۔
مزید پڑھیں: رضوان کی کپتانی "فراری سے رکشے" پر آگئی ہے
سدھو کی کمنٹری کا کارٹون ورژن نہ صرف مزاحیہ ہے، بلکہ یہ ان کی انوکھی سوچ اور حاضر دماغی کو بھی ظاہر کرتا ہے۔ اگر آپ نے ابھی تک یہ ویڈیو نہیں دیکھی ہے، تو فوراً دیکھیں اور ہنسنے کےلیے تیار ہوجائیں!
View this post on InstagramA post shared by Ketan Pal (@midnight.
ذریعہ: Express News
کلیدی لفظ: سدھو کی کمنٹری کی طرح
پڑھیں:
بابراعظم کراچی کنگز سے علیحدہ کیوں ہوئے؟ راشد لطیف نے حقیقت بتادی
پاکستان کے سابق کپتان اور کراچی کنگز کے مشیر راشد لطیف نے پاکستان کرکٹ ٹیم کے سابق کپتان و پشاور زلمی کے موجودہ کپتان بابراعظم پی ایس ایل کے آغاز 2016 میں اسلام آباد یونائیٹڈ کا حصہ تھے جس کے بعد انہیں کراچی کنگز نے منتخب کیا اور وہ 2017 سے 2022 تک 6 سیزن کراچی کنگز کی طرف سے کھیلے۔
یہ بھی پڑھیں: بابراعظم نے ویرات کوہلی کو پیچھے چھوڑ دیا، ایک روزہ کرکٹ میں تیز ترین 6 ہزار رنز مکمل
2023 کے سیزن میں بابر اور کراچی کنگز کے راستے جدا ہوگئے اور بابر پشاور زلمی کا حصہ بن گئے اور اس کی قیادت بھی کررہے ہیں، اب کراچی کنگز کے مشیر، سابق کپتان و وکٹ کیپر راشد لطیف نے بابراعظم کی کراچی کنگز سے علیحدگی کی وجہ بتادی ہے۔
اپنے آن لائن شو Caught Behind میں بات کرتے ہوئے لطیف نے انکشاف کیا کہ کراچی کنگز نے 2022 کے آئی سی سی ٹی20 ورلڈ کپ سے پہلے ہی بابر سے علیحدگی کا فیصلہ کرلیا تھا، جس سے اندازہ ہوتا ہے کہ فیصلہ صرف بابراعظم کی فارم یا کارکردگی سے نہیں، بلکہ طویل المدتی منصوبہ بندی اور اندرونی حکمت عملی سے کیا گیا ہے۔
راشد لطیف نے کہا ’کراچی کنگز نے پہلے ہی بابراعظم سے راہیں جدا کرنے کا فیصلہ کرلیا تھا، لیکن جب پاکستان نے ان کی کپتانی میں ٹی 20 ورلڈ کپ 2022 کے سیمی فائنل کے لیے کوالیفائی کیا تو انہوں نے ان سے دوبارہ رابطہ کیا، لیکن بابراعظم نے پہلے ہی کراچی کنگز کو چھوڑنے اور آگے بڑھنے کا ارادہ کر لیا تھا۔‘
انہوں نے کہا کہ ایک کھلاڑی کا فون آیا کہ ہم لوگ اکٹھے ہوگئے ہیں اور ہم ان (بابراعظم) کے ساتھ نہیں کھیلنا چاہتے جو کہ بعد میں ان کے ساتھ ورلڈ کپ بھی کھیلے۔
یہ بھی پڑھیں: انٹرنیشنل کرکٹ کونسل کی جانب سے بابراعظم اور صائم ایوب کے لیے اعزاز
یاد رہے کہ گزشتہ روز کراچی کنگز کے مالک سلمان اقبال نے ایک انٹرویو میں کہا تھا کہ کراچی کنگز اور بابراعظم کے درمیان اختلافات پیدا ہوگئے تھے جس کی وجہ ان کی بیٹنگ پوزیشن تھی۔ ہم چاہتے تھے کہ بابر نمبر 3 پر بیٹنگ کریں، لیکن وہ اپنا رول تبدیل کرنے کو تیار نہیں تھے، اسی وجہ سے ہمیں انہیں ریلیز کرنا پڑا۔
یاد رہے کہ بابراعظم نے پی ایس ایل میں 90 اننگز میں سے 76 مرتبہ اوپننگ کی ہے، جس میں انہوں نے 3 ہزار 103 رنز 47.01 کی اوسط اور 129.13 کے اسٹرائیک ریٹ سے بنائے ہیں، انہوں نے 28 نصف سینچریاں اور 2 سینچریاں بھی بنائی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بابراعظم پشاور زلمی پی ایس ایل سلمان اقبال کراچی کنگز کرکٹ
ارمغان کے لیپ ٹاپ سے بین الاقوامی مالیاتی فراڈ کے شواہد مل گئے، ماہانہ آمدنی 4 لاکھ ڈالر