پرستار مجھے ’لیڈی سپر اسٹار‘ کے بجائے میرے نام سے پکاریں، نین تارا
اشاعت کی تاریخ: 6th, March 2025 GMT
جنوبی بھارت سے تعلق رکھنے والی تامل، تیلگو اور ملیالم فلموں کی معروف اداکارہ نین تارا نے اپنے پرستاروں اور عوام سے کہا ہے کہ وہ انھیں ’لیڈی سپر اسٹار‘ نہ کہا کریں۔
40 سالہ اداکارہ کا کہنا ہے کہ اعزازات اور تعریف انمول ہوتی ہیں، لیکن کبھی کبھی یہ اداکاروں کو ان کے فن سے دور کر دیتی ہے۔
انھوں یہ بات اپنی جانب سے لیڈی سپر اسٹار کے اعزاز کو ترک کرنے کے فیصلے کے اعلان کے موقع پر کیا۔
واضح رہے کہ نین تارا اپنی فلموں سری راما راجائم، انامیکا، چندرا مکھی، گجینی اور جوان کے حوالے سے جانی جاتی ہیں۔
انھون نے منگل کو اپنے سوشل میڈیا ایپ ایکس (سابق ٹوئٹر) پر اپنے بیان میں اعلان کیا کہ پرستار، میڈیا اور فلم برادری والے انھیں لیڈی سپر اسٹار نہ کہیں۔
اپنی پوسٹ میں انکا مزید کہنا تھا کہ آپ میں سے بہت سے لوگ مجھے نہایت عزت و احترام سے لیڈی سپر اسٹار کہتے ہیں، جو آپ کی بے پناہ محبت اور مہربانی کی علامت ہے۔ مجھے اتنے قیمتی خطاب سے نوازنے پر میں آپ سب کی مشکور ہوں لیکن میں آپ سے عاجزانہ درخواست کرتی ہوں کہ مجھے نین تارا پکارا جائے۔
.ذریعہ: Daily Mumtaz
کلیدی لفظ: نین تارا
پڑھیں:
رمضان میں دکانداروں کی من مانیاں، مرغی 105 روپے مہنگی فروخت
لاہور میں مہنگائی عروج پر پہنچ گئی، رمضان المبارک میں سرکاری نرخ ہوا ہوگئے، پرائس کنٹرول مجسٹریٹ غائب ہیں، سبزیوں پھلوں کے ساتھ ساتھ برائلر مرغی کی بھی من مانی قیمتیں وصول کی جارہی ہیں۔ مرغی کی سرکاری قیمت 595 روپے مقرر ہے لیکن مارکیٹ میں 700 روپے فی کلو فروخت ہورہی ہے۔ خریدار کہتے ہیں انتظامیہ کہیں نظر نہیں آرہی۔
رمضان المبارک آتے ہی ذخیرہ اندوز اور منافع خور سرگرم ہوگئے، سرکاری نرخ نامے ہوا میں اڑادیئے، من مانی قیمتوں پر اشیائے ضروریہ فروخت کی جارہی ہیں۔
لاہور میں مصنوعی مہنگائی عروج پر ہے، گراں فروش مافیا دونوں ہاتھوں سے عوام کو لوٹنے میں مصروف ہیں، ضلعی انتظامیہ خاموش تماشائی بنی ہوئی ہے۔
لاہور میں مرغی کا سرکاری ریٹ 595 روپے فی کلو ہے جبکہ فروخت 700 روپے کی جارہی ہے۔ مہنگائی سے پریشان عوام کا کہنا ہے کہ انتظامیہ کہیں نظر نہیں آرہی۔
دکانداروں کا ہمیشہ کی طرح ایک ہی رونا ہے کہ گوشت کی قیمت زیادہ ہے سرکاری ریٹ پر کیسے بیچ سکتے ہیں۔
لاہور میں پھل اور سبزیاں بھی من مانی قیمتوں پر فروخت کئے جارہے ہیں، سیب 300 کے بجائے 350، کیلا 270 کے بجائے 300، امرود 220 کے بجائے 250 روپے فی کلو فروخت ہورہا ہے، خربوزے کے سرکاری ریٹ 140 ہیں جو 160 روپے اور انگور 305 کے بجائے 350 روپے فی کلو میں فروخت ہورہا ہے۔
دوسری جانب سبزیوں کی قیمتوں کو بھی پر لگ گئے ہیں، آلو 55 روپے کے بجائے 70، پیاز 75 کے بجائے 100 روپے، ٹماٹر 40 کے بجائے 70 روپے، ادرک 370 روپے کے بجائے 400 اور لہسن سرکاری ریٹ 600 کے بجائے 800 روپے میں فروخت ہورہا ہے۔
پولیس شہداء کی فیملیز میں اب شہید کی بہن بھی نوکری حاصل کر سکے گی